Joia

营业中

休息中

今日book左呢间系九龙站商场Elements平台嘅西餐厅，格调好高级，坐得好舒服，枱同枱都有距离，食得好安心。我哋拣左四样野食，叫完好快就有个面包篮上枱，入面有三款包，热辣辣，仲有黑醋同橄榄油点，个包好软熟好好食。我哋分别叫左一个Signature Salad, 手掣布拉塔芝士云吞配车厘茄，意式辣肉肠黑椒橄榄芝士薄饼同五成熟嘅西冷牛扒配车厘茄。个云吞上枱先，个卖相几吸精，仲有车厘茄做配菜，食落好重芝士味，云吞都好新鲜，好食。之后个沙律上枱，上面好成十片鸡胸片，都有烧过热辣辣上枱，食落好香口，而啲火箭菜份量好足，做前菜啱晒。两个主菜就一齐上枱，块牛扒比想像中厚好多，而pizza就比想像中大好多。牛扒质素好高，切开啱啱五成，食落好软身，好有牛味，而啲车厘茄都好juicy。另外个pizza就好重芝士味，辣肉肠真系好辣，个饼皮都唔错。食下倾下计就一晚，好enjoy！