劉興記生煎包專門店

营业中

休息中

经过荃湾，又想食生煎包，决定再去刘兴记。今次喊唔同既餐，试下唔同既味道。蟹皇生煎包蟹皇生煎包系铺白芝麻，而招牌生煎包就系黑芝麻铺面。用筷子刺入去蟹皇生煎包，汤汁慢慢留左出黎，非常吸引。生煎包馅料丰富，热度啱啱好。为左唔好浪费汤汁，摊凉少少后，另一只就慢慢咬落去吸晒汤汁后先再食，鲜味十足，香甜可口！招牌担担面一上台已经闻到好香既味道，有虾米仔、花生粒同葱铺面，卖相不俗。面条富蛋香又爽滑，汤底浓郁，食落去有口感丰富，先有芝麻酱味，继而再有辣味。生炸鸡排薄身皮脆，唔多炸粉，但略有少少干身，冇咩肉汁，可能呢个就系炸物既弊处。但鸡排配上配担担面既汤汁却又夹。豆浆丝滑，有浓郁豆香味！虽然冇无糖选择，但都唔会好甜，健康之选。