唐述

营业中

休息中

本身比较少去IFC，但咁啱女朋友想行连卡佛，咁就顺便喺呢边食埋野，本身食得比较多西餐，见到IFC 有啲几高级嘅中菜，又好耐冇食点心，就去咗呢间有weekend brunch 嘅餐厅。入去果阵经过一条好有格调嘅走廊，就入到餐厅，有落地大玻璃，一眼望哂靓景，见到唔少人系同屋企人一齐嚟，餐厅内人都几满。当日叫咗个brunch menu，特别之处系点心同甜品free flow！先有前菜，汤和主菜，都已经够丰富！汤系我最钟意，用料足，清甜可口，主菜选择左龙虾🦞，三葱好入味，龙虾肉好爽口！任嗌嘅点心选择都够，仲有一啲饱肚嘅菜式，例如干炒牛河，鱼粥，真系一啲都唔惊唔够食。同埋呢度冇限用餐时间，做到真正嘅无限时任食，侍应嘅态度好 welcome，见到你点完一round点心之后，会好主动咁比张新嘅点心纸你而啲点心系即叫即整，绝对用心制作，除咗点心，menu 仲有甜品，都系任嗌，我哋基本上全部嘢食都嗌晒嚟食！今餐个肚画上完满嘅句号。