Daap

营业中

休息中

系上环外表唔起眼嘅小店。门口冇餐牌有d令人犹豫。不过anyway 都鼓起勇气入去试下。午餐唔平，由$178至$250。菜单有新意，全部都系西餐加入中式fusion 嘅概念。冰菜马友咸鱼凯撒沙律用好少见嘅冰菜做沙律菜好有新鲜感！口感爽脆。有脆脆嘅粒粒口感。唔似一般Caesar salad 酱汁嘅creamy 口感，而系较清爽，味道偏酸。黑毛猪肚手工意粉 配 胡椒酸菜（午餐$178）斋睇餐牌呢个名，完全幻想唔到系咩味道。不过本着最钟意新奇味道，咩新奇嘢都想试一餐嘅精神，就点咗餐牌呢个最估唔到佢系咩料嘅意粉嚟试。一路等都惊惊地会伏。但当食第一啖就好惊喜！佢系用咗酸菜胡椒肚汤嘅味道，再变成浓郁creamy 嘅质感，出奇地又同个意粉好夹。食到浓郁嘅胡椒味，同埋淡淡酸菜猪肚汤嘅味道。材料方面，啲猪肚切到好细粒。酸菜唔系特别酸，味道刚刚好。手工意粉系阔条面，口感爽硬，有嚼劲。总括而言，价格有点偏小贵，但系个味道新奇，食得满意。佢餐牌仲有其他新奇fusion 菜式，会再想来试下！另外午餐时间，铺头都好少人，都惊惊地佢会执笠。觉得店主将个餐牌放喺舖头外边，可能吸引多啲人入来食。希望店主有缘见到呢个意见。