影片
更多
2021-06-27
2407 浏览
宝贝姪女一岁生日，疫情限聚想开Party 🎉 都唔得。唯有分开几张枱食一餐啦！😅 拣素食最大原因系新鲜感，而且佢呢度环境阔落，有蛋糕预定，食物仲几啱其他小朋友，综合各种原因，就拣咗雅。悠蔬食喇！因为分咗3小枱，我哋就只好各自叫set Lunch 啦！椰子花生南北杏雪耳汤中式素菜汤一般都系清淡，要做到汤底清彻味道浓郁，就要落足材料。呢个汤好成功，味道清爽但浓郁，淡淡嘅椰子味唔会抢走其他蔬菜嘅鲜甜，仍可以饮到粟米甘笋嘅味道，加上雪耳爽脆口感，配搭得十分好！👍🏻西瓜哈蜜瓜麦黑醋沙律瓜类水份多，配黑醋会比配沙律酱更好。黑醋微酸，西瓜哈蜜瓜又甜，非常开胃。野菜粟米雪耳忌廉浓汤＋香脆法包坊间啲忌廉汤都冇汤渣。但呢度嘅西式浓汤材料丰富，而且有好多蔬菜，十分creamy 配焗到卜卜脆嘅法包，饮完都几饱肚。野菌甘笋腰果忌廉汁烩扁意粉 ＋ 杂锦天妇罗（$98）忌廉汁香浓幼滑，配料蔬菜丰富，扁意粉非常挂汁，食完好饱肚吓。杂锦天妇罗有炸茄子、冬菇、蕃薯，香脆可口，但配忌廉汁意粉就略嫌有啲油腻喇！松露野菌淮山面 ＋ 香酥云吞（$98）野菌冬菇味道浓郁，有新鲜淮山，口感爽脆，面质偏软，好啱个人口味，唯一缺点系汤底
因为分咗3小枱，我哋就只好各自叫set Lunch 啦！
椰子花生南北杏雪耳汤中式素菜汤一般都系清淡，要做到汤底清彻味道浓郁，就要落足材料。呢个汤好成功，味道清爽但浓郁，淡淡嘅椰子味唔会抢走其他蔬菜嘅鲜甜，仍可以饮到粟米甘笋嘅味道，加上雪耳爽脆口感，配搭得十分好！👍🏻
西瓜哈蜜瓜麦黑醋沙律瓜类水份多，配黑醋会比配沙律酱更好。黑醋微酸，西瓜哈蜜瓜又甜，非常开胃。
野菜粟米雪耳忌廉浓汤＋香脆法包坊间啲忌廉汤都冇汤渣。但呢度嘅西式浓汤材料丰富，而且有好多蔬菜，十分creamy 配焗到卜卜脆嘅法包，饮完都几饱肚。
野菌甘笋腰果忌廉汁烩扁意粉 ＋ 杂锦天妇罗（$98）忌廉汁香浓幼滑，配料蔬菜丰富，扁意粉非常挂汁，食完好饱肚吓。
杂锦天妇罗有炸茄子、冬菇、蕃薯，香脆可口，但配忌廉汁意粉就略嫌有啲油腻喇！
松露野菌淮山面 ＋ 香酥云吞（$98）野菌冬菇味道浓郁，有新鲜淮山，口感爽脆，面质偏软，好啱个人口味，唯一缺点系汤底偏油。
炸云吞香脆，馅料系豆腐蔬菜，口感新奇但味道唔错。
板烧未来牛肉芝士汉堡 ＋ 红菜头沙律 ＋ 香脆薯角（$98）
所谓未来牛肉 (Beyond Beef) 系含高蛋白质同埋铁质嘅植物造素肉，有益健康，口感弹牙，仿真度极高。用嚟做汉堡，真系同牛肉汉堡一样，仲好Juicy 。如果可以份量大啲，加埋啲炒蘑菇入去，就非常完美喇！
薯角热辣辣入口外脆内软，但要快啲食，因为冻得快，口感就变软。
红菜头沙律第一次食，估唔到咁好食，配以黑醋，化解薯角油腻感。
雪梨青柠芦荟冰茶有好多新鲜雪梨、芦荟粒，口味偏甜，加水饮足两杯，抵！👍🏻
奶茶朱古力千层蛋糕作为姪女一岁生日蛋糕，系近年大热嘅千层蛋糕。朱古力法式薄饼，配奶茶味嘅cream， 口感松软仲有淡淡嘅奶茶味，非常可口。
总结一下，整体味道唔错，但价钱略贵，性价比唔高，但试下又何妨呢？
最后，要多谢食店容忍我哋一家人（其实几嘈吓），又帮我哋影相。希望唔好影响到其他客人啦！🙏🏻🙏🏻🙏🏻
张贴
