Schnee German Restaurant (已結業)

今日系Happy Friday，同个朋友谂住食餐好d 嘅，我地就拣左呢间位于铜锣湾楼上铺嘅德国西餐厅。呢间餐厅都几旺场，如果唔系事先book 左位，都唔知要等几耐先有位。我地冇乜主意食乜，店员就推荐左几款招牌菜。首先黎两个汤，我点左个清鸡汤，入面有大大粒嘅scallop同埋虾球鸡粒，同埋好多蕃茄粒配菜，味道清甜。朋友点左个匈牙利红烩牛肉汤，入面有丰富嘅牛肉粒，朋友形容味道十分特别，有别于平常饮嘅牛肉汤，味道浓郁得来又不会太俗味。饮完两个汤后，店员上左个头盘，就系来自北海道嘅scallop 刺身,刺身上面铺满了细细嘅蕃茄粒，味道酸酸甜甜，整体感觉好淸新。第一个主菜来了，系令人哗一声嘅德国咸猪手，餐厅已经事先将猪手肉切哂出来，方便客人进食。另外个猪手皮整得好香脆，连juicy 嘅猪手肉一起食，口感的确一流。至于个份量就好足够三至四个人食，我地两个食唔哂最后要打包。第二个主菜就系鲷鱼配黑松露薯蓉。脆薄嘅鲷鱼皮连同厚滑嘅鲷鱼肉，一啖一啖品尝，滋味无穷；而个黑松露薯蓉黑松露用料十足，薯蓉十分香滑，非常美味。甜品方面我地点左两个不同味道嘅cheese cake，两个cheese cake 味道各有