備長

营业中

休息中

星期一返工已经辛苦，当你𠮶日返工有好多野要处理嘅时候，收工真系好想食好西！好彩有个食神同事，一讲想食串烧，佢就即刻带咗我去间高质素嘅餐厅。有啲日本餐厅，装修会好花好乱，有时又会播埋啲日本歌，劲嘈。我钟意呢间餐厅，简约嘅装修，又可以比客人静静地享受美食。我哋一坐低，职员就已经攞咗两杯热水俾我哋，仲拎咗一兜前菜，呢度每两个人就要收$24嘅前菜费，前菜系几条红萝卜同椰菜，但唔系讲笑，超鲜甜。之后叫咗好几款串烧，好耐都冇食过好味嘅明太子鸡翼，非常饱满嘅馅料，微辣嘅明太子，加埋烧得刚刚好嘅鸡翼，完全系绝配。厚切嘅牛脷又非常之有口感。