Hygge

营业中

休息中

平日晚上嘅将军澳海旁，邻近地铁站12分钟路程嘅海天晋汇商场人流少，基本上唔使订枱，拣咗Hygge餐厅。-餐厅设计以木色为主调，环境光线充足，座位少，入座率10%，餐牌选择唔多，有唔同种类芝士菜式，适合芝士爱好者。另有酒水提供。-意式风干猪脸颊薄饼 Pizza Italian Soul $178馅料充足，猪脸颊偏咸香，略油，第一次食Artichoke，味道微酸，整体味道层次丰富，略咸，适合配酒。金文毕烤猪肉卷薄饼 Pizza porchetta & camembert $188馅料单一，味道较意式风干猪脸颊薄饼淡，金文毕芝士份量多，友人钟意。-薄饼统一10吋，薄饼边位厚，面粉团极香，有咬口，趁热食冻咗会偏硬，整体几好。-水牛城鸡翼配自家制蓝芝士酱 Buffalo Wings $118单骨鸡翼八只，即为鸡翼四只，配西芹，蓝芝士酱份量多，友人唔钟意，性价比低。-整体而言，店员少，勤力，留意客人需要，斟水频密，性价比一般，适合休闲倾偈嘅聚会。-题外话，Hygge系宠物友善餐厅。