きっとかつ Kitto Katsu

营业中

休息中

观塘工厦出名多好野食，今日同朋友黎呢区揾食，比我地揾到呢间好食嘅日式餐厅。餐厅位成运工业大厦， 好近地铁站，几容易揾。餐厅唔算好大，装修简约，墙上壁画系日本富士山，好有日本风情。是日餐汤南瓜忌廉汤，南瓜汤香甜浓郁，汤上面放左脆烟肉粒，好香口。千层吉列豚芝士流心汉堡包配薯条呢个千层吉列猪扒系餐厅招牌菜，见到有几枱客人都有点。上枱已好吸精，汉堡夹住嘅吉列猪劲厚身。一切开听到清脆声，里面由有多层豚肉，咬落非常松脆且有肉汁，真系外酥内嫩。内里芝士半溶状态，再配上他他酱、新鲜蕃茄同菜，实在有惊喜。日式照烧鸡排咖哩汤乌冬咖哩汤汁比较杰身浓郁，令到汤汁做到挂乌冬效果 ，食落口腔充满阵阵咖哩香气。咖哩味道带点微辣，辣度刚好。鸡扒用上日式照烧汁，肉质嫰滑。Yuruyurukuuki  餐牌上介绍系一杯饮得嘅TIRAMISU，期待～杯上面放左一块手指饼，咖啡上铺上薄薄一层可可粉，配上浓厚鲜奶同香浓咖啡，入口口感醇滑，饭后一杯又可当甜品食，唔错。Unbloodymary无酒精嘅 Bloody Mary，有红萝卜、橙、苹果、提子同梳打水，味道清新。