Layback Cafe & Bar

营业中

休息中

同朋友嚟到铜锣湾晚饭，餐厅名正好叫layback系可以休息嘅时候。一路食饭一路倾偈好开心。 小食日本和牛粒配喜马拉雅山岩盐和牛粒入口即溶，简单镬烤嘅煮法系最好，配合岩盐同黑椒，好味。西班牙伊比利亚杂锦风干火腿传统芝士火腿组合，风干火腿唔会太咸，咸中亦有橡果味系正宗嘅风干火腿。同朋友慢慢一路嗒一路倾，最适合不过。主食生拆蟹粉拌北京拉面真系超级惊艳嘅蟹粉量，多到令人喜爱。蟹粉味真系鲜味十足，配合埋蟹醋真系有啲以为自己真系食紧蟹，上台时，店员会帮你最后再喷少少花雕酒，好味又仪式感满分。龙虾扁意粉高水准嘅龙虾酱汁，龙虾味浓之余，龙虾肉唔会煮得过老，嚿嚿都爽口弹牙，认真抵食。饮品是日，精选开心果椰子水Tropical Sunshine甜品芝麻basque cheesecake加上芝麻嘅呢款芝士蛋糕第一次食，如果你系一个芝士爱好者一定要试，因为真系大量芝麻味会充斥每一啖。口感亦都好幻滑，证明芝麻cream 磨得够细滑先做到。