蟹仙海鮮蒸氣鍋 (龍崗道)

营业中

休息中

呢间蒸气火锅我一直想试好耐㗎喇，今日见收工得闲，同埋老婆一齐过去。一嚟我哋就先听过侍应好详细嘅讲解，对每个餐嘅每个𩠌都好细心咁样介绍。我哋听完介绍之后，就决定拣咗一个中价餐。一嚟蒸左个虾先，呢个虾食第一啖就不得了，喺出边食唔到嘅味道，佢仲有少少虾子喺度，令到成只虾锦上添花。之后就到鲍鱼同埋生蚝，个生蚝最令人有惊喜，食落去仲系好多汁。之后就上各种唔同嘅贝类贝类都零舍多汁都系出边食唔到嘅名。个侍应哥哥特别提我哋，啲贝千祈唔好点豉油，唔系会掩盖左啲贝嘅鲜味。事实上确实完全够晒味。其他海鲜我地都非常之小心，唔会点太多豉油。最特别就系之后嚟𠮶两个蟹，一个系馒头蟹，成个波咁，好多肉。另一只系膏仔蟹，好多膏，超好食。之后食个粥，个粥真系不得了，吸收晒上面蒸海鲜嘅时候滴落去嘅海鲜汁，加埋啲配料，整到个粥非常好食，好够味，食完啱啱好。最后最后仲送多两碗燕窝糖水俾我哋，真系惊喜到不得了，亦都系非常好食，为呢餐作出一个完美嘅总结。