影片
更多
2022-12-22
956 浏览
系中环番工，当然私心讲多啲中环餐厅，特别系新餐厅，呢间Mato，连OpenRice 都未有，新鲜滚热辣推荐俾大家Mato店子小小，但眼光宏大，取Omakase的概念来个啡酒发办，因应你嘅喜好同埋食物，推荐相应嘅咖啡同酒俾你。最重要系呢度有劲丰富嘅啡酒选择，劲多唔同嘅特别咖啡豆，例如今个月就可以有丹麦嘅知名咖啡烘焙品牌，保证你有与别不同嘅选择。我觉得最好嘅系呢度嘅wine selection，小店来讲真系好多wine choice，要推介嘅系佢哋有个葡萄酒放题，两小时$350任饮六款唔同嘅葡萄酒，佢地嘅选择都系一啲崭新嘅独特风味，好似当晚饮过嘅智利Cabernet Sauvignon，加拿大嘅cabernet franc，西班牙Neno 同匈牙利SAUSKA嘅family wine 选择，都系城中比较少见，玩味浓又俾你大开眼界。不过重点都系讲番食，第一样推介嘅一定系佢哋嘅免治鸡肉串烧，真系劲好食，好食过城中好多间唔同嘅日式串烧店，另外前菜Heirloom tomato salad中嘅蕃茄加上浓香嘅caviar，为你开启味蕾，都几好食。佢地食物选择以意式和风餐点为主，当晚都食左好多种唔同嘅
Mato店子小小，但眼光宏大，取Omakase的概念来个啡酒发办，因应你嘅喜好同埋食物，推荐相应嘅咖啡同酒俾你。
最重要系呢度有劲丰富嘅啡酒选择，劲多唔同嘅特别咖啡豆，例如今个月就可以有丹麦嘅知名咖啡烘焙品牌，保证你有与别不同嘅选择。
我觉得最好嘅系呢度嘅wine selection，小店来讲真系好多wine choice，要推介嘅系佢哋有个葡萄酒放题，两小时$350任饮六款唔同嘅葡萄酒，佢地嘅选择都系一啲崭新嘅独特风味，好似当晚饮过嘅智利Cabernet Sauvignon，加拿大嘅cabernet franc，西班牙Neno 同匈牙利SAUSKA嘅family wine 选择，都系城中比较少见，玩味浓又俾你大开眼界。
不过重点都系讲番食，第一样推介嘅一定系佢哋嘅免治鸡肉串烧，真系劲好食，好食过城中好多间唔同嘅日式串烧店，另外前菜Heirloom tomato salad中嘅蕃茄加上浓香嘅caviar，为你开启味蕾，都几好食。
佢地食物选择以意式和风餐点为主，当晚都食左好多种唔同嘅意粉，个人最推介系佢哋嘅蟹Crab，满满嘅蟹肉蟹膏同三文鱼子配上天使面，牛油香浓又劲creamy。叉烧Charsiu用上日本温泉蛋，加上日式叉烧，意粉沾上蛋汁同叉烧好和谐。PETSO一定系健康人士嘅选择，trofie加上green tomato petso后开胃无比。最尾的鸭脾又系要推，个肉质胜过不少做得同样好嘅法式餐厅。
最后又系不能不推介嘅homemade gelato，四种口味俾我选择，唔系细路仔，全都要，蕃茄、芝士、expressso、Vanilla，当然各有千秋，但我一定选择比较少见嘅蕃茄同芝士，爱雪糕的你一定要食，比起城中好多出名嘅意大利Gelato都做得更好食。
趁而家唔算太多人认识好快啲嚟，有咁多酒嘅选择又有好嘢食，相信会系之后中环HH食饭嘅好地点。
张贴
