Plato Cafe & Bistro (Mikiki)

之前就已经试过佐敦店，有次行紧mikiki嘅时候发现装修紧即将开新分店，当时已经好期待，今日终于有机会黎再食。mikiki分店原来都几深下，行入去都有几多位，都有空间感，几适合朋友或家人聚会。露丝玛莉香草烧羊架烧羊架选择左5成熟，表面烧得几焦香，切开见到粉嫩嘅横切面。加入咗香草食落香而不骚。另外仲有焗薯，比起一般餐厅配嘅薯菜，焗薯加入左烟肉粒，份量更多感觉亦都比较用心。西班牙海鲜饭有好多嘅海鲜，包括虾带子青口鱿鱼，食落都几新鲜，特别系虾煎得几香口，虾肉都弹牙。个饭就系偏湿嘅质感，似意大利饭嘅感觉，食落饭嘅鲜味都重，所以入口几香，整体味道都唔错。麻糬千层酥盒子配雪糕千层酥盒子焗到好香脆，入面有软糯嘅麻薯，千层酥同雪糕冰火交融，双重嘅口感同享受。另外仲免费加配左冰果茶同加钱转左Oreo奶昔。冰果茶拣左少甜，饮落好重茶香，仲有啲椰果，增加咬口。Oreo 奶昔有忌廉同Oreo系面，饮落够哂邪恶都充满奶香。