影片
更多
2025-01-24
1537 浏览
《道》塩鸡🐓清汤拉面🍜📍屯门青菱径7号华兴大厦地下H号舖响d拉面关注组入面，广泛地受网民推荐嘅拉面店来讲，屯门区嘅代表想必肯定有呢间《道》。既然叫咁多人吹凑，好啦，就来会一会佢。一到达，我系有少少吓亲。当日系星期五，佢开12点，我12:15到，已经开始要排队。跟据我嘅筹号，意味住我前面已经有20组人比我早到，当一组有1.5人，我估计都有30人，真夸张。一入到店内，又吓多一吓。估唔到入面个装修非常靓仔㖞，同出面个街景相映成趣，落差甚大。以下系食评：香味 (2/5)因为塩本身冇味，论香味，不嬲塩拉面都比较蚀底d。鸡油嘅香味仅仅闻到，唔系太明显，而个汤本身系冇乜香味，所以好难比高分。汤 (3.5/5)有左一层鸡油嘅加持，汤嘅色泽好靓，金黄色。味道方面，鸡味系比较淡，唔系好明显，汤嘅层次感亦不太足够，所以我可以话，个汤并唔算讨好，只系一款淡淡鸡味嘅塩汤。加分位都有嘅，汤嘅温度十分够，鸡油亦有保温效果，由头热到尾。另外，汤嘅咸度刚刚好，属淡丽，重口味人仕可能未必啱。面条 (3/5)呢款面比较少见。细面，扁身，直身，颜色较白。我见到个师傅每一碗面都好有心机咁处理，排到好整齐，视觉效果十足。店员有讲
📍屯门青菱径7号华兴大厦地下H号舖
响d拉面关注组入面，广泛地受网民推荐嘅拉面店来讲，屯门区嘅代表想必肯定有呢间《道》。既然叫咁多人吹凑，好啦，就来会一会佢。
一到达，我系有少少吓亲。当日系星期五，佢开12点，我12:15到，已经开始要排队。跟据我嘅筹号，意味住我前面已经有20组人比我早到，当一组有1.5人，我估计都有30人，真夸张。
一入到店内，又吓多一吓。估唔到入面个装修非常靓仔㖞，同出面个街景相映成趣，落差甚大。以下系食评：
塩鸡🐓清汤拉面🍜
$98
15 浏览
0 赞好
0 留言
香味 (2/5)
因为塩本身冇味，论香味，不嬲塩拉面都比较蚀底d。鸡油嘅香味仅仅闻到，唔系太明显，而个汤本身系冇乜香味，所以好难比高分。
汤 (3.5/5)
有左一层鸡油嘅加持，汤嘅色泽好靓，金黄色。味道方面，鸡味系比较淡，唔系好明显，汤嘅层次感亦不太足够，所以我可以话，个汤并唔算讨好，只系一款淡淡鸡味嘅塩汤。加分位都有嘅，汤嘅温度十分够，鸡油亦有保温效果，由头热到尾。另外，汤嘅咸度刚刚好，属淡丽，重口味人仕可能未必啱。
面条 (3/5)
呢款面比较少见。细面，扁身，直身，颜色较白。我见到个师傅每一碗面都好有心机咁处理，排到好整齐，视觉效果十足。店员有讲系高加水面，而高加水面最应该发浑到滑溜，爽弹嘅口感，而呢款面系冇嘅，煮得比较软身，滑溜感唔够，面味一般比较淡，配埋个本身已经淡嘅汤，效果麻麻地。
配料 (3/5)
鸡叉烧方面，用左鸡腿🍗肉，口感稍稍偏扎实，唔够嫩滑。
溏心蛋，生熟程度偏少少生左d，蛋香唔太够，一般。
紫菜方面，店员有解释系用来转味，不过我就真系食唔出，又系一般。
除左碗面，间店咁远，反正都黎到，叫多份唐扬炸鸡，味道偏淡口，炸功则唔错，够香脆又唔会太硬。
唐扬炸鸡
$28
22 浏览
0 赞好
0 留言
整体 - 小小推荐
点解小推，系有得解。虽然碗面唔系好对到我口味，不过值得一提嘅系服务方面。本身我系唔多会讲服务，因为食碗面🍜，快嘅10分钟，慢嘅20分钟乜都食完，我根本就唔 care 服务好与坏。。。而呢间店响呢个范畴系有落功夫。首先，店员好有礼貌咁接待客人入座，第一印象好左先。而碗面上嘅时间，店员亦会问客人系咪第一次食，如果系，会大概用25秒左右简单介绍，对我来讲系25秒，但对个店员来讲，一日起码要重复至少几十次，算好有耐性。最后，店员收碗同埋单时都会问客人：食物 ok 吗？比到人态度十分亲切。
话分两头说，如果店员好有礼貌咁问你食物 o 唔 ok，你会直接话唔 ok 吗？可能会有人直话直说唔奇，虽然我有以上咁多唔太满足嘅地方，但基于性格关系，我只系微笑回应：ok呀。
张贴
