北斗

营业中

休息中

朋友升职饭当然要请佢食餐好，book左九龙城呢间厨师发办享受下，原来师傅已经黎左香港33年，难怪广东话咁流利，前菜安排左黑鱼子海胆蟹膏豆腐，用雪盐拌碟，蟹膏寿司食得多，完全无念过放落豆腐到，好神奇个豆腐真系有咸香蟹膏味，口感非常滑溜，之后就到唔同食材既扬物，第一道系京都万愿寺唐辛子，日本有好多唔同辣椒，呢种就唔辣既，质感似秋葵，味道似青豆，配柠檬汁就清新，接着系炸沙锥鱼，即使炸完肉质依然嫩滑，中间插个大蚬汤，师傅对每道菜式既上碟都十分讲究，无念过大蚬汤系用茶壶茶杯饮，等客人可以慢慢饮又保温，真系好细心！炸日本带子配黑松露酱、北海道真蚝，呢两道大赞！全部即叫即炸，原啖蚝泡加鱼子，大满足呀，子持昆布都好特别，系希灵鱼系昆布产卵，所以一咬开全部都系粒粒鱼子，吱吱下好得意哈哈，重点到我最喜欢既海胆，底层炸紫菜，第三层富山湾白虾刺身，顶层系北海道海胆刺身，海胆浓郁既海水丰富口感，好幸福啊，吞完仍然有阵甜甜的海胆味系口腔徘徊，唔夸张真系好好味，鲍鱼自家制酱汁，喜欢个酱汁系海草制成，新鲜味道，最尾来个明太子茶渍饭，微辣，烟韧日本饭粒加清汤底，甜品师傅㨂左静岗冠密瓜，近富士山产地，清甜爽口，为今晚作完