影片
更多
2023-08-10
3117 浏览
Restaurant Week - 无意中去咗一间注重细节同品质嘅美式扒房。环境好传统美式扒房style，好似喺上世纪嘅一种复古美式电影嘅感觉。餐包非常松软，层次丰富且带有牛油香气，呢个系好多其他西餐厅常常忽略嘅细节之一!!前菜 - Caeser Salad + Crab Cake (+HKD 90)烟肉系凯撒沙律嘅重点，经火炉烧烤过，皮脆肉香，再加新鲜沙律同少少芝士，烟肉嘅味道更加出色。如果钟意烟肉，不妨试吓单点一份烟肉嚟试吓。另外，佢哋嘅蟹肉饼亦好推荐，用料丰富，口感香脆，每一口都可以感受到满满嘅蟹肉。相对于其他太多忌廉嘅版本，呢道菜嘅口感唔会太浓郁，亦唔会令人感到"漏"，而且更能够充分展现蟹肉嘅鲜味。餐汤 - Lobster Bisque +HKD 50龙虾汤绝对系一道令人惊艳嘅选择。佢哋用龙虾壳同蔬菜熬煮而成，不但冇腥味，仲有浓郁嘅龙虾香气，打碎咗嘅龙虾壳更加能够提取到当中嘅鲜味。重中之重嘅主菜: Signature Dish - USAD Prime, Dry-aged Porterhouse Steak (800g) + HKD 360 per personDry-age
环境好传统美式扒房style，好似喺上世纪嘅一种复古美式电影嘅感觉。
餐包非常松软，层次丰富且带有牛油香气，呢个系好多其他西餐厅常常忽略嘅细节之一!!前菜 - Caeser Salad + Crab Cake (+HKD 90)
烟肉系凯撒沙律嘅重点，经火炉烧烤过，皮脆肉香，再加新鲜沙律同少少芝士，烟肉嘅味道更加出色。如果钟意烟肉，不妨试吓单点一份烟肉嚟试吓。
另外，佢哋嘅蟹肉饼亦好推荐，用料丰富，口感香脆，每一口都可以感受到满满嘅蟹肉。相对于其他太多忌廉嘅版本，呢道菜嘅口感唔会太浓郁，亦唔会令人感到"漏"，而且更能够充分展现蟹肉嘅鲜味。餐汤 - Lobster Bisque +HKD 50
龙虾汤绝对系一道令人惊艳嘅选择。佢哋用龙虾壳同蔬菜熬煮而成，不但冇腥味，仲有浓郁嘅龙虾香气，打碎咗嘅龙虾壳更加能够提取到当中嘅鲜味。
重中之重嘅主菜: Signature Dish - USAD Prime, Dry-aged Porterhouse Steak (800g) + HKD 360 per person
Dry-aged Porterhouse Steak (800g)，熟成咗4-5个星期嘅牛扒，经过明火先烧后焗，特别之处喺味道好浓郁，而且肉质丰润，外脆内嫩。出炉之后，连同烧热嘅陶瓷碟上菜。牛扒嘅骨头部分有啲类似咸鱼或者腐肉嘅味道，呢个好大程度上取决于个人口味。我哋好钟意𠮶啲浓郁嘅味道，呢个系熟成牛肉特有嘅风味。上碟嘅时候，牛扒会斜放喺碟度，畀多余嘅油脂同牛油滴落嚟，噉份量睇落会稍微减少，但整体上仍然好丰盛。USDA Prime Pettt Filet Mignon (180g)
外表可能会令人误以为系overcooked嘅，但切开之后就非常嫩滑，配埋黑椒香气，一口咬落去就可以感受到肉质嘅丰满。不过，过咗十分钟之后食用就有可能变得稍微干硬，所以呢个菜一定要趁热食用。配菜：
奶油菠菜系其中嘅卖点。佢哋唔用奶油，只系将菠菜煮成奶油嘅状态，呢个系呢道菜嘅独特之处。薯蓉嘅食材香味好浓厚，唔止系牛油嘅香味，仲有口感顺滑细腻。Old Fashion酱汁亦系餐厅著重嘅一个地方，味道类似喼汁，有少少酸味，但我个人就喜欢只系食steak 原本味道甜品 - Tiramisu
Tiramisu令我好惊讶。佢浓郁嘅咖啡香气同湿润嘅奶油质地相得益彰，外观简洁唔花巧。口味当中带少少甜味嘅奶油同咖啡微苦嘅味道，呢个系我冇谂过扒房会特别注重甜品细节嘅一个例子。整体嚟讲，呢间餐厅嘅风格同香港文华酒店有啲相似，系传统嘅西式扒房。佢哋注重细节，喺前菜、餐汤、主菜同甜品度都有细心嘅安排，留俾人好深刻嘅印象。餐厅嘅员工服务态度真系好好，佢哋会详细介绍每一道菜嘅精心之处，俾顾客欣赏到餐厅嘅细心同厨师嘅技巧，会再次黎食，
张贴
