Pulau

营业中

休息中

餐厅：Pulau地点：中环街市菜式：新加坡菜餐牌：两点有茶餐。茶餐有7款饭粉面作为主食，另外仲有多款轻食。价钱基本上系$80楼下。去收银落完单自己揾位坐，唔洗等好耐就有野食。新加坡大虾喇沙掺掺 $68 新加坡大虾喇沙可以拣掺掺或者米线。我拣左掺掺，贪佢系黄色粗面加幼身粉丝，粗面有咬口而粉丝幼滑吸汁，呢个配搭加埋爽口芽菜超正！个喇沙汤香滑，辣度刚好，梛汁又够，好惹味。配料有去壳开边虾4片，炸鱼蛋三粒，弹牙美味炸鱼蛋丝几条，吸汁豆卜4件，半只糖心蛋，豆角同脆脆。材料好丰富，水准真系好好。呢个价钱超抵。半熟蛋配咖吔多士 $36咖吔多士一客4件，烤得香脆嘅多士夹住甜甜哋嘅咖吔酱同厚厚邪恶牛油，食落外脆内甜。跟有半熟蛋两只，入口即化，又滑又有蛋黄香，而且冰凉透心。烧鱿鱼须 $68烧鱿鱼须一客六串，烧得脆脆哋，面头加上大量少少辣既参巴酱，好惹味。伴有车厘茄同青瓜可解腻。牛油果核桃青苹果沙律 $68牛油果核桃青苹果沙律系爽脆酸咪咪青苹果丝伴有滑溜牛油果丝，面头洒上唔少脆口核桃同甜甜提子干，仲有几粒车厘茄，加有少量芒果汁。味道酸中带甜，好健康。总括而言，喇沙掺掺超抵食，其他主食都好抵。