Sick Burger (希雲街)

营业中

休息中

今日同同事去公司附近揾食，来到铜锣湾希云街见到呢间新新地嘅burger店，写住自家制作，手工汉堡🍔，即刻入去试试。😍入到来舖头唔算多位，大概10-15个位，所以12:30左右就满座要等位。我同同事分别叫左一个牛肉汉堡同埋鸡肉汉堡，另外就叫咗一口鸡，同埋黑松露薯条🍟。Sick! Burger 牛肉汉堡，首先要赞一赞个汉堡包，佢个包系专登煎香过，所以系脆，然后块牛肉非常juicy，牛汁配上汉堡包味道好有层次，好味！Sick! Chicken鸡肉汉堡，佢中间块鸡肉系炸脆左，有啲似烤鸡风味，口感好丰富。One bite chicken 一口鸡，炸到非常香脆，配左青柠汁同埋蛋黄酱，又清新又开胃。黑松露薯条，份量都几多，不过配咗黑松露酱啲薯条就变得冇咁脆，如果分开上就更好。叫咗Cambo set，梳打水仲系免费，加$4就有冷泡茶。整体性价比唔错，气氛relax又chill，一定会再回头。