影片
更多
2024-08-06
200 浏览
SOHO一带不嬲都有好多不同国家美食，今次去咗一间西班牙餐厅。起初都冇谂过西班牙菜，如果要叫素食可以有咩食，不过今餐真系非常惊喜，小编日后必定会带朋友过嚟再食！Pimentos de Padrón 海盐烧青椒 $98起初好担心青椒会好辣不过幸好青椒非常容易入口，配上海盐，非常开胃，而且其实都系一个唔错嘅伴酒嘅小菜。Esparragos con Huevo y Jamon (no ham) 鲜芦笋配黑毛猪火腿及温泉蛋 （走火腿）$118虽然冇咗火腿，但系芦笋本身非常幼嫩多汁，配上温泉蛋味道一流。芦笋要烤得熟，并且多汁都需要一啲技巧，所以睇得出厨师嘅用心。Champinones Varidos con Chutney de Almendra 炒杂菌配烤杏仁粒 $88呢个炒杂菌，并唔系平时见到用牛油炒嘅杂菌，而系落咗Sherry所以味道香甜，配上烤杏仁粒，软硬口感平均，小编非常喜欢。Clásica Tortilla El Cerdo 传统洋葱薯仔西班牙奄列$88呢个西班牙奄列非常厚身，口感丰富，亦食到层次分明嘅薯仔洋葱同埋酱汁，值得一试。Paella Clásica El Cerdo (V
Pimentos de Padrón
海盐烧青椒 $98
起初好担心青椒会好辣不过幸好青椒非常容易入口，配上海盐，非常开胃，而且其实都系一个唔错嘅伴酒嘅小菜。
Esparragos con Huevo y Jamon (no ham) 鲜芦笋配黑毛猪火腿及温泉蛋 （走火腿）$118
虽然冇咗火腿，但系芦笋本身非常幼嫩多汁，配上温泉蛋味道一流。芦笋要烤得熟，并且多汁都需要一啲技巧，所以睇得出厨师嘅用心。
Champinones Varidos con Chutney de Almendra
炒杂菌配烤杏仁粒 $88
呢个炒杂菌，并唔系平时见到用牛油炒嘅杂菌，而系落咗Sherry所以味道香甜，配上烤杏仁粒，软硬口感平均，小编非常喜欢。
Clásica Tortilla El Cerdo
传统洋葱薯仔西班牙奄列$88
呢个西班牙奄列非常厚身，口感丰富，亦食到层次分明嘅薯仔洋葱同埋酱汁，值得一试。
Paella Clásica El Cerdo (Vegetarian)
招牌西班牙海鲜炒饭 (素食版) $188
呢个系小编其中一个最惊喜嘅𩠌菜。因为就连个名叫海鲜炒饭点会谂到竟然有素食版嘅西班牙炒饭。呢个炒饭而蕃茄汁做底，有别于平时海鲜炒饭嘅龙虾汤底，味道酸酸甜甜。里面有唔少𩠌菜，包括芦笋、车厘茄、鹰嘴豆、及杂菇，完全系根据素食者需要嘅营养配搭出嘅炒饭，非常有诚意。
西班牙海鲜炒饭嘅精髓在于炒饭嘅底一定要系有饭焦，而呢个素食版炒饭系能够做到嘅，而且由于芦笋同车厘茄非常多汁，所以呢个炒饭能够食得出有别于平时海鲜炒饭嘅味道，清新唔觉腻，食材嘅多样性亦都提高咗呢道菜嘅口感。
最重要嘅系呢一个𩠌菜系Menu冇嘅，但系可以个别要求。睇得出厨师喺准备素食食物比客人嘅时候又认真同埋用心考虑过素食者嘅需要，而且非常有创意，唔系只系拎走够用就当系素食。呢一样嘢已经非常加分。
Crema Catalana
西班牙焦糖炖蛋 $58
佢同普通Creme Brulee唔同嘅地方有两个，包括面层嘅焦糖有一层香橙味，食落比起一般出面嘅Creme Brulee香甜味更加出众，而内层嘅炖蛋系较为mushy。后来问咗侍应哥哥，因为呢个焦糖布甸系以Catalan当地嘅煮法处理，主要分别系并非放喺焗炉完成，所以有兴趣嘅朋友不妨可以试吓！
味道: 6/5
环境: 4/5
服务: 5/5
性价比: 5/5
张贴
