Hushush Ice Cream Coffee (已搬遷) 新店位置

位于西贡嘅一间咖啡小店，已经有好多美食博客曾经介绍过呢间小店嘅手作雪糕（佢哋嘅威士忌雪糕真系好出色㗎）。之不过今日小编想介绍嘅系，佢哋嘅咖啡，同埋可可饮品。第一杯咖啡叫做「Spanish Latte」，特别之处系加入自家制嘅炼奶同埋云呢拿配方，调配出一种特别顺滑浓郁嘅口感，单饮咖啡嘅话就会觉得容易入口，牛奶味同埋咖啡味配合不俗，两者十分之夹。如果边食雪糕边饮咖啡嘅话，则会觉得咖啡味特别出众！（小编更喜爱两者同步，加强左咖啡嘅香浓冲击）。第二杯就系Rich Cacao，即系用上浓厚嘅可可豆冲制成嘅饮品，当中加入左忌廉及牛奶，让整体保持浓厚嘅同时，亦都变得更加香滑。店员特登配送一粒完整可可豆让顾客品尝无添加嘅味道，细细啖咁咀嚼，真系好香，愈咀嚼愈可口。喺寒冷嘅冬日，饮番一杯暖可可，真系好幸福啊～小店十分之有心思，会用精美嘅器具盛载美食，例如银器嘅杯垫，细致嘅杯具套装，或系精美嘅匙羹。极致化呢一个美食嘅体验。近日天气转寒冷，大家注意保暖呢～hushush ice cream . coffee售价：Spanish Latte $55；Rich Cacao $52（不设加一)地址：西贡福民路58