Poking

今日同朋友嚟到中环呢间Poking食返个Bowl。喺呢度可以create your own bowl! 成个bowl要D咩可以完全自己话事，如果好似我同朋友咁 懒得拣亦有几款同你配搭好嘅组合。朋友拣咗Sweet up your life！（$118）色彩缤纷，三文鱼新鲜水润，牛油果柔软顺滑，芒果够香甜、圆红萝卜仔、青瓜心同沙律菜增加爽脆口感，配埋柚子酱、花生碎、芝麻碎增添风味，配香软寿司饭，整个组合非常出色。饭量同酱料量仲可以自选。兰王蛋盐葱鳗鱼饭（$98 ）兰王蛋蛋味香浓，流心蛋黄拌饭，再配上葱油，单食呢D配料就已经非常美味，主角鳗鱼皮香肉厚，加上烧汁惹味无比。