影片
更多
2023-02-27
835 浏览
今晚嚟呢度食饭，绝对系我今年内做得最错嘅一个决定！话说有国内朋友嚟香港玩几日，听日就走，咪谂住招呼吓，俾个美好嘅晚上同埋回忆佢啰，尽吓地主之谊吖嘛！咁一心谂住带佢哋食吓好西啦，话晒都系咩世界最受欢迎餐厅之一乜乜乜，心谂一定唔会失礼，实无死啦！点知…真系衰过带人食Buffet，食完餐成皮嘢嘅饭，我除咗觉得失礼死人之余真系想揾个窿捐入去，食到成肚气！名不符实，2个字…垃圾😵💫一星期前打去book咗5人枱19:30，问佢可唔可以比张窗口位嘅枱我，职员话随机发放，冇得预留，因为餐厅18:30就开，咁我问如果我book早啲得唔得？18:30餐厅一开门我已经到咗，或者我再早啲嚟等系咪就得？佢又系答我未必有窗口位，因为佢哋无得预订窗边枱，咁我唯有算数啦，公司规矩，佢都系打份工啫，无谓难为人哋啦。结果今日我哋19:20到咗，见到有窗口位，问佢可唔可以俾我哋坐果度，佢话有人book咗，我吓？咗出嚟，又话无得book嘅？佢话有啊，不过3个星期前已经要book㗎喇。(之前又唔讲，又话无得book)，ok唔紧要，都算数，好少事，唔好破坏心情，我哋就落order嗌嘢食啦。好喇，我哋最后叫咗5个set dinn
一星期前打去book咗5人枱19:30，问佢可唔可以比张窗口位嘅枱我，职员话随机发放，冇得预留，因为餐厅18:30就开，咁我问如果我book早啲得唔得？18:30餐厅一开门我已经到咗，或者我再早啲嚟等系咪就得？佢又系答我未必有窗口位，因为佢哋无得预订窗边枱，咁我唯有算数啦，公司规矩，佢都系打份工啫，无谓难为人哋啦。
结果今日我哋19:20到咗，见到有窗口位，问佢可唔可以俾我哋坐果度，佢话有人book咗，我吓？咗出嚟，又话无得book嘅？佢话有啊，不过3个星期前已经要book㗎喇。(之前又唔讲，又话无得book)，ok唔紧要，都算数，好少事，唔好破坏心情，我哋就落order嗌嘢食啦。
好喇，我哋最后叫咗5个set dinner, 又add on加埋钱食和牛，见佢收得呢个价钱，谂住啲食物应该都会几正啦！我哋真系非常期待之后嘅食物㗎！第一道菜，头盘鳕鱼沙律！虽然系送嘅，但系你会点估到，佢已经系全晚最正常嘅一道菜🙂
刺身-为咗证明新鲜啩…食落口仲有鱼鳞喺度嘅😑
蟹肉-为咗证明真材实料啩… 入口仲有蟹壳嘅😑
软壳蟹天妇罗-系可以做到完全冇蟹味嘅😑
云吞同埋意粉-面团质感又干又硬又厚，个云吞皮厚度可以去到5mm，意粉系可以咬唔断同咬唔烂嘅😑
甜品-都费事讲，算9数啦😑
同埋，不得不提嘅系侍应嘅服务态度，朋友落order嗌罐可乐，要嗌足3次先嚟到。就连叫佢斟杯水，都系要嗌2次。仲有一样嘢，真系不知所谓，隔篱枱有两男两女外籍人士喺度食饭，其中有位女士应该饮到high high哋，竟然无啦啦喺度好大声咁尖叫咗几次，我背住佢坐，真系俾佢吓亲！真系好大声果只！全场人都望住佢哋。做乜嘢啫？表演啊？唔讲以为佢俾人非礼，点知原来系玩紧。但系啲职员完全无友善咁过去制止，或者作出温馨提示，大佬啊，我嚟食饭㗎咋！知唔知真系好骚扰到其他食客啊？话晒都高级餐厅吖！🤬
本身唔想打呢篇千字文，但真系忍唔到！环境已经普通到不能再普通，食物又垃圾，咁嘅价钱，咁嘅服务，真系唔会再嚟！
奉劝各位男士，如果想同条女分手，就带佢嚟呢度啦，一定事半功倍🫤
如果招呼朋友，除非想绝交，如果唔系真系唔好带佢哋嚟🥲
209 浏览
1 赞好
0 留言
155 浏览
0 赞好
0 留言
张贴
