Tokio Joe

营业中

休息中

weekend brunch既享受😋特色系前菜、寿司卷、串烧、炸物同甜品都系任食，我地可以肚空空嚟尽情享受各种美味首先嚟紧嘅系北海道蟹肉伴海胆小食。呢个菜真系有惊喜，入口就有哗一声嘅感觉，因为海胆好鲜甜，同蟹肉丝一齐食，真系双重鲜味，虽然份量唔多，但每一口都好好味🤤接下嚟嘅系刺身拼盘，有吞拿鱼腩、吞拿鱼、北海道带子、𫚕鱼、油甘鱼、三文鱼同甜虾。呢个拼盘嘅刺身都好新鲜，好软嫩，切得亦都啱啱好～之后嚟嘅系季节鱼，入口有唔同口感～前菜有蟹肉菠菜沙律。手拆蟹肉嘅质素好好，好甜美，而菠菜都好嫩，配埋嘅芝麻酱浓郁但唔太酸，唔会盖过蟹肉同菠菜嘅味道🤤香辣吞拿鱼他他亦都系前菜之一，超级推荐！吞拿鱼拣用赤身，质感柔滑细致，配埋沙律菜有清爽嘅感觉，而酱汁似沙律汁，味道适中，唔会太辣或太甜🥰串烧方面，我地拣咗日本鸡翼、鸡肾、牛舌、日本青椒仔同焗杂菇呢啲串烧煮得好恰到好处，唔会太生或太老，而且调味都好啱，唔会太咸或太淡。我最钟意嘅系牛舌，肉质爽嫩多汁，鸡翼都好嫩口，皮脆肉嫩❤️最后嚟紧嘅系炸物。炸物每样都好细细件，我地可以全部试，包括左口鱼天妇罗、茄子、蕃薯、海虾同南瓜！