Mokumoku Yakiton (永光商業大廈)

营业中

休息中

朋友仔介绍过呢间串烧店😀话佢哋好食得来又唔会太贵，布置靓同日本冇太大分别，有居酒屋格调。一坐低职员已经拎咗蒜子蕃茄沙律俾我哋，上面嘅孙子系精粹平时食𠮶啲蕃茄，有少少辣辣地嘅感觉，好好食！佢哋个汁我用咗嚟点串烧🙈更加好食。芥辣八爪鱼份量合适有咬口。食日本餐一定要有刺身，赤虾、三文鱼、带子，赤虾好大只成条啖啖肉非常新鲜。佢哋嘅煎三文鱼头好食，因为炸得透所以有啲骨都可以食埋，侧边有啲鱼肉，都几香滑。鸡软骨油脂香十足，用嚟送啤酒真系一流！唔少得鸡翼，佢哋嘅鸡皮烧至香脆，火候刚刚好里面仲系好滑，非常推介鸡翼！豚肉秋葵我都非常推介，豚肉本身有啲脂肪，包住秋葵拎去烧，豚肉嘅油脂渗出来，配上健康嘅秋葵，感觉唔错。