10月份假期比較多，想去澳門走一轉，又食木糠蛋糕、豆腐花、碗仔翅嫌點悶？最近我們的食家會員在澳門發掘了不少美味小吃，可會合你胃口？
 | 會員：iamfatbrother 推介美食：北京水餃 煎鍋貼 “因為怕熱氣，沒有叫炸鍋貼，而叫了貴幾蚊的煎鍋貼。因為是即叫即製，所以這碟鍋貼等了好耐才到 。雖然等待時間有點太長，但這些鍋貼實在是太新鮮太可口了。” |
 | 會員：史馬田 推介美食：梓記牛什 招牌牛什 “牛什唔算太多，勝在咩都有，這裡的牛腸幾健康下，無咩肥，牛肺幾鬆化下，牛肚夠哂爽口，個脆骨第一食，很好吃，牛什整體也很入味，真的很不錯的牛什。鯪魚肉很彈牙，食落有嚼口，有鯪魚香味，好吃。營地街市，有好食的牛什。” |
 | 會員：WhiteKitchen 推介美食：大堂街炸雞 招牌炸雞 “雞翼是全翼，大大隻的，炸得深金黃色，戴上手套撕開，一團煙輕飄出來，熱騰騰的，正所謂新鮮熱辣。脆脆的炸醬下肉卻嫩滑，汁都流到盛雞的籃子上。從前的炸皮沒有現在的硬脆，是一種帶軟糯的脆，味道側沒變，香料帶甜討好，醃料的味道比從前更深入皮肉，不會只是脆皮帶味。喜辣者可自取辣粉加味。再吃雞脾只能啃下半隻，實在飽肚。” |
 | 會員：聾貓飲食團 推介美食：喜蓮咖啡 咖喱角 “吞拿魚咖哩角 - 係超級級超級好味！一碟二隻，皮是方包做成，不是平日的春卷皮，好特別！餡是辣辣的好開胃，我們二人一路食一路不停說：好好味！並且都講：之後來澳門都必定會再稱食！” |
 | 會員：阿丸 推介美食：金船餅屋 炸牛肉卷 “廚師和老闆都是葡國人，就在瑪嘉烈隔離條街之ma！一於走去看看。店外坐滿外國人/葡國人就知它不簡單啦……牛肉有點似吞拿魚/口感,又像吃綿花。拿回家翻焗，吉列皮脆脆地，老公激讚好吃！” |
 | 會員：煙花~ 推介美食：中華饅工坊 Pizza饅 “切開佢果陣仲有d 芝士拉出黎不過就唔係好多，一食落口食得出有番茄、豬肉粒、芝士、洋蔥咁。老闆都同我地講過話不加味精，全部天然煮出黎，初初都唔係好信，但一食呢個包就食得出種茄味唔係茄膏味，係新鮮番茄煮出黎嘅茄醬黎，5蚊一個包，食得出老闆果份心機,果份堅決。係香港真係好難搵到了!!” |
 | 會員：ami_bear 推介美食：ONO Yogurt 乳酪雪糕 “戈到可以試味，d staff好nice教點" 芝"d yogurt出泥，就咁食覺得冇乜特別，要加d 生果同其它野先好食，跟住食左原味同綠茶，口感好fresh好正，因為酸酸地，一d 都唔似d 雪糕咁，食落去好似食糖咁……已經食左2 次，如果開係澳門我會去日日食 : D : D” |