勝記咖啡

营业中

休息中

繼續營地街市尋味，友人不吃牛什，選了同具人氣的勝記咖啡。從門面看，勝記是家平實的街坊茶記，亦無刻意標榜其瓦煲咖啡，只是店前兩個瓦煲確是在煲煮咖啡奶茶，並無花假。 熱咖啡($12)以瓦煲煮的咖啡其實喝不出有太大的分別，熱咖啡入口是順滑的，但啡香不算濃郁，普普通通吧!豬扒包($18)嚐一口友人的豬扒包，新鮮的關係，包身鬆軟得很，可惜烘得不夠脆身。豬扒厚度適中，煎得不夠香口，個人還是更喜歡油香滿溢的厚厚豬扒包。這家無論是咖啡或豬扒包均無個人之處，對遊客而言大可不試，只可惜是速遊的關係，未能再嚐氹仔的豬扒包，只能吃上這一個了。

而家睇番食評, 原來咁多人都係食完牛什黎飲奶茶.... 而我幫襯既原因, 都係得佢有賣點, 就係用瓦煲煲奶茶, 固中效果我就唔知了, 但總吸引過其他檔就咁寫住的"絲滑奶茶"... 牛龜馬大, 果碗牛肚米梗係食唔飽, 就叫多個豬扒飽, 我就係見佢係飲包我先響度嗌埋....杯奶茶$就冇乜好影了(其實忘記了影), 影下個煲吧, 老闆攪緊下面果煲, 奶茶就質地比較稀, 唔會話飲完掛口, 味濃都濃郁, 係好既... 但為杯奶茶專登黎飲就無謂了....豬扒包, 貎似牛扒包, 呢度唔止一塊豬扒的, 佢砌到咁大塊為止..... 包屬軟身啱晒我, 熱辣辣好軟熟, 面頭唔係脆的, $16一個, 味道叫做不錯, 有醃過有色水....最估唔到係, 由於豬扒包製作需時, 老闆竟然親自拎出黎搵我, 服務加分!

9月5日, 我們的8週年快樂!同呀菲慶祝8週年, 就黎咗澳門2日1夜豪住同埋唔少得喪食! 一到步我地就先黎營地街市醫肚! 呢個街市都幾乾淨, 而且好多選擇, 我地先揀呢間勝記食個豬扒包先~::: 豬扒包 + 熱奶茶 ::: $17豬扒包十分地道, 好大個~ 而且外脆內軟! 外面嘅法式麵包烘得剛好, 咬落鬆化脆得黎唔會硬到界口, 豬扒都煎得好香, 一人一半作為開胃菜十分好! 熱奶茶就因為見佢地用瓦煲煲而吸引住所以試埋! 奶茶十分濃郁, 奶味茶味都夾得剛好, 十分香醇滑溜.因為我地仲要勁食嘅關係, 一間食店唔可以食咁多~ 好再去食其他野!

落船, 第一步便有人建議來嘆杯奶茶咖啡, 首先令周公撤軍. 香港的熟食市場去得多, 但澳門的熟食市場則第一次踏足. 登上營地街市3樓, 菜嬸搖指街市新翼, 一個地方不大, 卻小檔林立的大排檔, 售著各類美食, 簡單得黎, 又有吸引之處.是早上, 我們選擇了馳名的砂煲咖啡. 其實感覺用什麼去煲咖啡都沒有什麼分別, 咖啡的好壞, 是咖啡豆同咖啡師的分別. 砂煲只是標奇立異之舉. 不過, 砂煲咁大個拳頭見過, 但砂煲咁大煲咖啡, 真係第一次見.見其特別, 當然要試, 順便擊退周公. 用這煲中藥專用的砂煲, 會否有中藥味道???答案是有的, 因為都是苦菜一杯 . 若配上山楂餅 或 加應子, 加上齋啡, 可能會碰出咖啡的新味道. 下次過黎值得一試. 味道香濃, 亦有別於其他咖啡, 這杯咖啡果然帶點中藥的感覺, 味道能留在口中, 金金地味. 不知李時珍有沒有把咖啡典入其巨著; 神農氏嘗百草時, 有沒有嘗過咖啡豆呢? 奶茶, 澳式奶茶麼, 茶業粉仍然在壺中, 需要隔一隔茶渣才上杯. 濃的奶茶夾著渣, 有如希臘/土耳其咖啡, 要連渣一起才有feel. 澳門的豬扒包, 建議盡量在細鋪頭找, 往往帶出驚喜

** 此 食 肆 的 第 一 個 笑 **(第307篇食評為澳門的第一篇)(24-10-08Fri)中午同男友到達澳門,約1:30pm到o黎營地街市,男友先到池記牛什排隊等買牛什撈麵,因太多人喇,佢知隔離呢間勝記咖啡都好出名,於是叫我先幫佢買杯熱鴛鴦,咁我都買杯熱奶茶畀自己先.o係等o既時候,見有即煎豬扒做豬扒包,不過唔問男友住,因唔知牛什撈麵有幾大碗,老闆分別加o左適量o既奶同咖啡到兩個杯,然後畀兩個紅茶壺,茶隔同一杯熱水我,真好人,糖就要自己加o既,有兩個好心人畀兩個位我,多謝晒.見男友等好耐,我於是我問男友食唔食豬扒包,佢話食,咁我又買.咁我先飲加紅茶,調好味,飲一啖,嘩!好滑呀!真係好正,不過呢兩杯飲品共$13.00,都幾貴.$9.00o既豬扒包整好喇,老闆好好人虔過o黎,件豬扒好薄同細件,但麵包都烘過,脆脆的,我覺得OK o既,不過唔算抵食,但誠意加分.Total: $22.00