小飛象葡國餐廳

营业中

休息中

來到澳門，見旅遊書推介小飛象，所以就一場來到試一試。一去到人都幾多，但等左15分鐘就有位。點餐無幾耐就上餐包，個包熱辣辣，硬包同軟包都有。馬介休炒飯好香，每啖都有馬介休香味。燒咸豬手，塊皮好脆，D肉又唔會太乾。燒牛肋骨，由於有小朋友同行的關係，所以選擇7成熟，同埋要求切埋，但仍然肉汁豐富。豬耳沙律有少少辣，加埋洋蔥同青瓜畀人一個清新的感覺。焗海鮮飯，海鮮種類多，個汁都好好味。葡國雞，叫左半隻，葡汁D味入曬落薯仔到。燒風鱔，D肉本身已經好夠味，但加埋檸檬汁就更好！總括而言，食物質素高，服務都唔差，上菜速度都幾快，因此值得推介。

黎澳門要去食下葡國菜，於是點的主要是葡式食品。葡撻送來的時候很熱，外皮很脆，（跟平時食的很大分別，平時食的皮通常很實，而沒有脆的感覺）而且食落充滿蛋香，最重要是不會過甜。蒜蓉包夠鬆化，烤得乾度適中。炭燒沙甸魚味道正常，不過本人不喜歡多骨的魚。馬介休炒飯很正，推介。此飯看起來平平無奇，但炒得很乾身，每粒飯也軟硬適中，味道平均。而且飯炒得帶點黏性，口感不錯。馬介休乃當地鹹魚，撕成一絲絲（看似乾元貝狀），加入炒飯中令飯帶微鹹。焗葡國雞略帶椰香，送飯不錯。可惜冷卻後變得不好吃。木糠布丁cream很滑，木糠幼細，感覺在吃精緻的甜點。另，此店的效率甚高，上菜、叫服務均得到快速回應。