勝利茶餐室

营业中

休息中

同朋友話想食豬扒包，甘系有左呢次澳門之旅，食個下午茶喇。*地理位置：營地大姐94號，都系大三巴附近，唔算遠，間鋪都幾好搵。*餐廳環境：其實關於環境我覺得點評港澳嘅茶餐廳都唔需講多喇，每間都系甘架*服務態度：店員都很忙，但至少態度都幾好*菜品味道：下午茶set好似系40+MOP，性價比好高，豬扒包加杯奶茶。奶茶好絲滑，茶味足，黑白淡奶定嘅比例用得好，整體味道好正。豬扒包用左超級厚嘅肉，睇我張圖片可以睇出來，好抵嘅。其實如果系遊客嘅話，兩個人吃一個都得，畢竟仲可以試下其他嘢。*最後總結：勝利甘耐以來都系我最中意嘅澳門茶餐廳，從前系，而家系，以後都系架~

上個禮拜去體驗港珠澳大橋，交通真係超級方便 ，去到澳門都已經下晝，梗係去澳門地標噴水池，其實噴水池後面有條街叫做營地大街，這裏有一間茶餐廳叫🎈勝利茶餐廳，我都唔知佢哋開咗幾耐，應該開咗好耐 ，我響九零年在澳門生活嘅時候，仲記得應該有幫襯過呢間茶餐廳，所以今日就入去回味一下昔日嘅味道😁睇睇餐牌，而家嘅價錢根本就同香港一模一樣，即係好貴啦😣，記得以前，呢度嘅價錢同香港是有一定嘅落差，起碼都有成40%嘅,而家已經有重大嘅改變,冇辦法啦, 餐廳都坐滿人👭👭叫咗個鲜牛治配奶茶，味道就同以前應該係一模一樣，但係牛肉方面就好似少咗啲， 再叫多個雪菜肉絲麵配咖啡，雪菜肉絲麵真係好細碗，雪菜好多肉絲好少， 但係杯齋啡就真係冇得頂👍， 冇辦法啦，現在澳門百物騰貴，只有無耐接受囉👌😁

澳門兩日遊，一定要試下澳門豬排包，年代open rice 入圍豬扒包有幾間，剛啱係新馬路附近.決定去試下.勝利不在主幹道上，係一個分岔路口，唔小心就會miss左.下午時間都有一半滿座，唔需要等位.14:30-16:00係下午茶時間 我d叫左豬扒包/椒鹽雞翼➕咖啡或者茶 40蚊豬扒包係事先醃製過，出面用炸粉一齊炸.豬扒份量大，麵包都事先烘果，咬落去多汁可以食到香料味道.椒鹽雞翼 皮炸得好脆，不過雞翼唔夠juicy太乾身.唔推薦

去完大三巴，專程到勝利茶餐廳試下午餐， 抱著期待的心情，叫咗西多士(全無特別)，焗豬扒飯(飯小，茄汁用底價螢光色茄膏，豬扒一般又細又無味），焗海鮮飯（個焗飯淨係見到有D吞拿魚碎，同幾隻墨魚， 又喊又少餸），三樣嘢，超級失望，沒有特別。只是一間好平凡的茶餐廳，難道澳門這樣的茶記味道都叫有好食同特色， 價錢貴唔再講 ，味道同一般大學canteen質素相同， 如果想回味下讀書時飯堂劣質的快餐，你可以專程一試。 只做遊客生意，無見有本地人係到食野，根本不值一試。

夜晚放工，唔想食普通粉麵飯，係新馬路行下行下，黎到勝利茶餐室門口~~~雖然話之前食過勝利茶餐室幾次，但發覺原來自己都無咩試過他們既豬扒包同其他小食，既然如此，就擇日不如撞日啦~~~當晚夜晚食客唔多，可以比我靜靜甘睇下食咩好，但因爲太夜既關係，豬仔包已經賣曬，所以唯有改叫豬扒三明治加件西多士再配一杯奶茶~~~先講首先上台既奶茶，係屬於茶味較濃既口味，同奶撞起上黎飲落去質感偏滑~~~西多士炸完夠鬆軟同香，但唯一可惜既係麵包裏面無花生醬做餡料（無法~~自細喜好無得改變），如果唔係會更加分~~~上面兩款個人認爲係一間有番甘上下知名度既茶餐廳既應有水準，但真心想讚下他們既豬扒三明治~~由於係新鮮炸，加上麵包有稍微焊過，所以一拿上手已經係熱辣辣~~冬天食就對了~~豬扒雖然係炸過但唔油膩，仲要夠大塊有肉汁，之前有聽過其他朋友講過話餐廳既豬仔包偏乾同硬，如果係甘，個人建議可以轉為食豬扒三明治，麵包會相對軟身少少同無甘乾~~~

來到澳門之旅最後一站：勝利茶餐室，總要吃個豬扒包才算完滿旅程啊！大概晚上6點半入座，幸好不用等位。首先當然是必點的豬扒包！份量十分充足，豬扒大大塊！這裡的豬扒包是夾吉列豬扒，意料之外好好吃啊！豬扒炸得香脆卻不會令人覺得太油膩，有肉汁不會太乾！麵包亦很香軟呢！大推此外，我們也點了一個雞餐，包含了鮮茄雞絲清湯、西洋焗雞意粉和飲品。說實在的，相比起豬扒包就失色不少了。意粉太「淋身」，沒口感，而焗雞的汁亦不太討好，只有咸味。下次會再來吃豬扒包就夠了！

本身諗住靜係去食豬扒包，因為已經食到好飽，點知見到坐對面嘅兩個女人叫左個好似係雲吞麵，勁香，賣相都ok，仲食得好滋味，所以就比佢吸引左，順便叫黎食。黎到之後，個麵勁香，個雲吞幾好食，整體黎講係攞到9分，而果差1分就係我果碗嘅菜比對面個碗少好多。然之後個豬扒包真係冇得彈，係10分呀食完之後，我真係覺得好幸福。首先個豬扒嘅表面勁脆，而且熱辣辣，新鮮炸，配埋個表面勁脆嘅豬仔包，真係勁夾，食完之後真係想n call

我點了一個下午茶餐跟汽水。。。我點了可樂。。。。。。。。因為我沒有加2蚊要一支裝可樂，她們給了我一杯沒有冰沒有汽的可樂。。。。。。我問她們為什麼沒有汽，她們說因為我沒有加錢，服務態度勁差。。。。。不會再去。非常反感。而雪菜肉絲米粉也勁難食。。。。。。她們態度非常串，完全感覺不想我們在這裡吃飯。。。。。。。。衛生也非常的差。。。。。。。。。。我感到非常失望。。。。。。。。。。。。。。。。。。。。。。

之前睇 Openrice 見到勝利茶餐嘅豬扒包係有點唔同, 唔同在於佢地嘅豬扒係炸嘅, 所以決定試一試。勝利餐廳位置都算係易搵到, 去完大三巴行落去大街就已經搵到。入到勝利餐廳, 見到有吉位即坐埋落去, 成間餐廳坐滿人, 大部份都係遊客, 見到個個都叫豬扒包, 睇黎豬扒包係必食。由於有最低消費, 所以叫咗兩個下午茶餐, 兩個豬扒包, 兩杯飲品。但叫人落單用咗最耐時間, 個個都好忙, 要叫幾次先落到單。等咗 10 分鐘, 豬扒包終於到, 個包好大個, 豬扒熱辣辣, 個包會預先切開做兩件。咬咗啖豬扒, 豬扒好鬆化, 啱啱炸起, 好好食, 但個包好乾, 亦無都醬, 變咗乾食成個包, 個豬扒點好食都好都俾個包扣分。食一次就算啦!

朋友介紹我同男朋友去食豬扒包，一坐低好似俾人催叫野咁，叫完1個豬扒包先知有最低消費，咁我地就話叫住先再諗諗。之後冇野岩食就話轉外賣拎走啦，點知個呀姐話我地飲左佢地杯水就當係入座😠我地郁都冇郁過杯水，成間舖員工態度真係好好，問老闆起唔起度冇一個人答

黎到澳門一定要食豬扒包啦! 有幾間都幾出名, 其中一間就件勝利茶餐室喇! 我地點幾鐘食飯時間到, 佢門口排咗幾個人, 不過由於入面地方都幾大, 所以等咗陣就入得喇!呢度嘅格局好似以前香港舊式茶餐廳咁, 燈光比較暗淡, 啲枱係綠綠地個啲卡位, 佢個坐位都幾迫, 卡位同對面嘅人都幾近!我地叫咗個豬扒bell🐷🔔, 佢好細心地會切開🔪一半, 方便 share。個包好脆, 而塊豬扒都唔太乾。留意番呢間有最低消費💰架, 如果兩個人 share 要叫多樣嘢食/飲。我地因為仲要繼續我地嘅美食之旅嘅關係, 所以就叫咗杯奶茶, 普普通通啦！

应该是澳门必吃的一间茶室，香脆脆的猪扒，一口咬下去美味极乐。牛腩面配搭咖哩非常滋味，我们第一次尝试就爱上了。猪扒包，咖哩牛腩面一级棒。希望再有机会去澳门! 喝奶茶也不必去香港，这里的奶茶不错

過開嚟澳門做嘢，本來想去買瑪加烈葡撻，點知星期五嘅三點九去到已經落哂閘閂左門唔忿氣空手而回，行左上去食勝利嘅豬扒包幾年前食過一次，當時覺得價錢合理又幾好味門口老闆係位伯伯，非常好人around 4點有一半入座率，今日條街好熱，入到嚟冷氣好足夠！下午茶時間有餐，如果跟熱飲就$35，跟凍飲就$39我叫左淨豬扒飽，$25（不過其實餐牌寫$28，唔通下午茶時段有特價？）等左大約8分鐘就有得食有別於其他，呢間嘅豬扒係炸嘅，對比起其他鋪頭嘅煎豬扒可能熱氣少少，但又唔會覺得好油膩，豬扒唔多覺有鬆肉粉味，但好鬆化！有一小塊骨頭豬仔飽亦唔會話好un，成件事夾埋好好食，我幾分鐘就KO左成個飽行過大利來記見到豬扒飽要$45太貴喇一個飽嚟講，我話知佢幾出名呢間又好味又只係$25，好值得食！

公眾假期前夕見到有平價澳門套票，所以即刻買黎同母親大人過大海輕鬆下。勝利茶餐廳係每次去澳門都必定幫襯嘅茶餐廳，貪佢抵食之餘，味道唔錯又近大三巴景點。我地兩點幾到澳門半島後，立即去勝利醫下肚再上大三巴影相。由於係母親大人第一次去澳門，當然推薦佢試最出名嘅豬扒包啦！而我自己就叫左西多士食。為左方便客人些牙，D豬扒包上台前已切開左兩份，不過我地都係每人食一個，可能真係太肚餓啦！呢度嘅豬扒包同其他地方唔同嘅係佢D豬扒係炸嘅，而其他店係煎嘅。個人覺得各有各好啦，炸嘅香口D，不過表面較硬，母親大人食果陣話好似整損左口腔。由於係炸嘅關係，個包比較乾身少少，所以食一啖都要飲下飲品先得。個人比較中意食西多士，因為我發現呢度嘅西多士炸得好鬆軟，而且蛋香濃郁，絕對係食過最好味之一！非常推薦 ！

上網搵資料，知道勝利出名日式豬扒包，一於去試下！但我估唔列既係！原來咁！好！味！ 即叫即整，所以都等左15mins...午市好旺...好多人等位...坐得都好逼下架....而我地只想食豬扒包，所以決定外賣拎走...之後就繼續掃街先....勁大塊豬排...食個陣要小心...因為真係好熱！一睇就知好脆！雖然大大塊，企入面堅係好juicy!好好味！ 同男友share一個，唔夠喉！真係想返去encore多一個呀！