勝記咖啡

营业中

休息中

早排睇電視介紹過這裡有好野食，早餐時間，係附近，一於上黎三樓試下。牛什是來這裡的首選，不過都要飲野，一場黎到，順道試下個瓦煲咖啡。咖啡剛好煲好，放左係枱面透涼，就要一杯。師傳先落奶，再係個煲倒咖啡，加糖自便。剛煲燒固然夠熱，咖啡味幾濃下，不錯。賣七蚊杯，平。ps︰隔離賣煲仔飯，賣相不錯，下次黎試下先。

咁叫左牛什食就自然要叫野飲，女朋友話想飲紅豆冰，咁就黎左呢間野買。但我叫左杯紅豆冰之後，唔知點解呢間野畀我既感覺，好似係冇咩人會係呢間野叫紅豆冰咁……拎到番去，女朋友飲左一啖就覺得唔係太好飲。我試左，都覺得好似奶真係少左ｄ。一飲落口係水味偏重。（或者係因為佢落得真係太多冰……）仲有係，佢ｄ紅豆，都冇咩咬口既，太林喇…所以冇左食紅豆冰個種過癮既感覺。大就係大杯，但係，個味道就令人有少少失望。會好過大家樂既，但係，始終唔係想像得咁好飲……呢間野聽講出名係咖啡既，下次大家都係試咖啡啦。紅豆冰我個人就唔係幾recommend。

係新馬路附近有個街市,上到3/F(??)就係熟食中心...上到好去冇乜人....又係記得啊蘇介紹過瓦煲咖啡,同埋個牛雜....不過個牛雜好貴~!加上前一晚係街邊食左檔幾好味既,所以就唔試~返回正題~咖啡要左凍既,好似$10(??)加多個辣魚包~我覺得無乜特別....=O=HK朗豪坊附近個間仲有好味....又一個名牌效應

22-5-2010連落兩日大雨, 天氣更又熱又焗, 既然避雨避到營地街市, 又上嚟行個圈睇吓有乜食 / 飲. 5:xx pm 竟然 10 檔有 9 檔都無做生意, 求其試試呢度的咖啡 ($7) 吧, 雖然睇過食評好似麻麻哋.由朋友幫我買, 順手落了半匙羹糖的咖啡, 賣相如「勁多奶奶茶」 聞落都有咖啡香, 飲落夠熱, 不過咖啡味淡到呢 , 奶味就近乎零 估唔到澳門都有「疑似咖啡」飲, 真係 $7 一杯唔算貴, 不過飲完都唔覺自己飲緊咖啡, 試過就算了.

一切都是嚼頭...電視某位愛鬧人的女食家介紹過話好, 特意一試可是一試便知龍與鳳一行四人, 試了瓦煲咖啡 和 奶茶顏色兩者分別極細味道方面, 奶味很重, 咖啡味和茶味相對地非常弱, 香不夠, 濃不夠瓦煲對味道起不到任何作用要喝咖啡奶茶, 還是香港好.

雖然沒有舒適裝潢、環境也較糟、態度一般但一杯好的咖啡對我來說足以抵銷一切

年年4月我地一家都要跟老爺家過澳門拜山,4月17日去,過一晚18日回香港,睡醒帶d仔女去搵野食,行到營地坊街市就上去試試阿蘇同蔡生都介紹過的食檔,我試試佢嘅瓦煲奶茶(7元) 仔女就要豬扒包(10元x2) 紅豆冰(7元x2) 我食嘅水餃麵係隔離池記(14元)奶茶飲落唔咁巴閉,都是普通唔係特別零捨覺得佢超級好飲,紅豆冰唔係特別好飲,但若以貨就價,7元是飲得過,豬扒包阿仔話好食,好味過美景翠怡餐廳D整體來說用呢D價食呢D嘢係可以再去幫襯的

遲左起身錯過去三元試粥，唯有食老公另一樣至愛----咖啡~~帶佢去街市，上左好多層電梯，終於找到了~~叫左一人一杯咖啡，兩份一個豬扒包，廿幾蚊，超抵咖啡真係好滑，老公不嬲好嫌尖，只嫌不夠濃咖啡味，之後我先知原來有瓦煲奶茶，要留返下次再試 lu~~豬扒包，無乜特別，豬扒比較薄，都算脆身

果日同D屋企人去澳門, 誤打誤撞去了之前有人介紹過的熟食街市瓦煲咖啡, 一心以為好野啦!點知都只是一般, 我叫了杯凍咖啡(MOP10.00) 同香港茶餐廳冇咩唔同一樣有D 酸味, 而奶茶(MOP7.00)就冇大家X 咁好飲, 所以千其唔好以為有人介紹就一定好....仲有個老板好 X 串, 不過佢D 紅豆冰/波羅冰/涼粉冰.....(MOP7.00) 就好抵啦...好鬼大杯架...

經朋友介紹後, 我們就嚟呢度食甸魚豬仔包及瓦煲奶茶/咖啡呢度既瓦煲咖啡好出名架, 用煉奶沖既我就要嚟試下奶茶味道係唔錯,都滑但不夠茶味囉甸魚豬仔包, 一般, 我不覺特別好食呀~

9月5日, 我們的8週年快樂!同呀菲慶祝8週年, 就黎咗澳門2日1夜豪住同埋唔少得喪食! 一到步我地就先黎營地街市醫肚! 呢個街市都幾乾淨, 而且好多選擇, 我地先揀呢間勝記食個豬扒包先~::: 豬扒包 + 熱奶茶 ::: $17豬扒包十分地道, 好大個~ 而且外脆內軟! 外面嘅法式麵包烘得剛好, 咬落鬆化脆得黎唔會硬到界口, 豬扒都煎得好香, 一人一半作為開胃菜十分好! 熱奶茶就因為見佢地用瓦煲煲而吸引住所以試埋! 奶茶十分濃郁, 奶味茶味都夾得剛好, 十分香醇滑溜.因為我地仲要勁食嘅關係, 一間食店唔可以食咁多~ 好再去食其他野!

吃過了雪糕後，下一個目標是在營地街市內，總共也有四個目標，但怎知道咖哩店沒有開門，一於先喝杯咖啡，食件豬扒包。講到豬扒包，在澳門最馳名的當然是大利來記的，但今天路線遷就不了，而且以前也吃過，所以試試新的又何妨，而另外最重要的目標其實是杯咖啡。先說那配角豬扒包，一口咬下，包身的可算是外脆內軟，但就是沒有麵包的香味，而豬扒的肉質很梅腍，完全沒有咬口，只有粉粉的感覺，加上有輕微的異味，很可能是雪藏豬扒解凍做得不好，或塊街市買的豬扒太不新鮮吧。至於咖啡，真的是由一個用來煲中藥的瓦煲來煲的，與咖啡粉煲滾後再隔渣，就成了一杯像極中藥的咖啡，喝起來當然沒有意式咖啡的香，但配起奶來喝，還是可深深的感受到其濃郁的味道，以港式來說，絕對是交足功課。若不是要在營地街市吃其他東西，單純為了它而來營地街市，倒也不必，但一場來到，試試中藥咖啡又何妨。

之前見噤多人話讚好, 去過2次都飲唔到 (一係休息, 一係話賣晒), 今次的起心肝早起身去試, 心想經過上次經歷話" 賣晒" 後, 噤早起身去食早餐, 冇理由又賣晒掛~真係起到身, 去到冇人, 今次有開.. 有運行了點左一杯咖啡一杯奶茶再加腿蛋治沙煲咖啡 -- 係有陣沙煲味外都冇咩特別奶茶 --- 普通不過腿蛋治 --- 始終係即整 , 唔會難食得去邊 , 正常味道環境就唔會講究了.. 黎的只因為一杯熱咖啡

繼續食，食到lee個街市，甘多食評，當然要試下啦！都係因為「咖啡藥煲」慕名而來。得出來的結論係，個豬扒包好好食！咖啡/奶茶係綽頭，不過都算味濃，所以，我見不少上年紀的人及鄰近的OL來幫親。是個不錯的蛇點！

相信不少朋友跟小弟一樣，都係聽蔡瀾響節目介紹，才知道營地街市這個搵食好地方，只要周末到到這裡走一趟，眼前的絕大部份都是香港人，從這盛況足以証明傳媒的影響力有多大呢!吃過了祥記的豬油撈蝦子麵，是時間過對面街飲杯勝記瓦煲咖啡，原來街市位於新馬路後街，相當易找，真有遠在天邊近在眼前之感。上到街市三樓的熟食中心，人流頗多，在眾檔口走了一圈，車仔麵、炒粉麵飯，應有盡有，是澳門人日常生活的集結地，環境也跟香港的熟食中心沒大分別，逐找個位置坐下，便到勝記落柯打。勝記馳名的是瓦煲咖啡，咖啡一早以瓦煲煲好，一有柯打就將之倒出，看來這特色只是流於表面，發現餐牌有一味我從未嚐過的檸啡，逐決定要一杯試試。以檸檬取代花奶，味道與咖啡還算搭配，對我來說是個不錯的新嘗試，但勝記的咖啡並不是太濃郁，與其說比較容易入口，倒不如坦白說句沒帶半點甘香吧，七元享受的咖啡，不盡如人意的好，但能體會澳門當地人的生活環境，加上阿姐粗皮的服務態度．．．也真的不值得再去了