喜蓮咖啡麵食

营业中

休息中

去澳門睇GD演唱會之前，周圍行吓食吓，去左呢間老字號茶餐廳醫肚🍛當日3點左右去到，唔使等位，但明明有空枱都逼人搭枱坐😅.✨雞扒包✨雞扒juicy，邊位仲有焦香，麵包唔會好硬，仲提供埋膠手套，唔驚食到成手都係👍🏻✨馬介休球✨外脆內軟，岩岩炸起熱辣辣🔥充滿咸香✨牛尾湯通粉✨份量都幾大，好多牛肉粒粒，飲落好似加左料頭煮既罐頭湯，但係係好食既另外就係點餐qr code個網好難用！因為食物太多，好難搵，旁邊既分類都係壞既，搵左好耐都落唔到單，阿姐都係唔肯幫手，一定要我地經qr code落order, 希望可以改進吓！

喜蓮舊店是在同街的前幾個舖位，門面狹窄；除了坐着的食客，店外還站了不少等待外賣的文職小姐。時代變遷，舊店擴充之餘，今天再去，發現新舖已搬到比前大3倍有多的地方了。剛進店，便有服務員前來招呼隨便坐。坐位枱面空間闊絡，就連枱面上也可QR code下單。本來想吃水魷炒麵，却沒有這項餐單了。於是點了下午茶的爆脆西多士及凍檸茶。這同樣沒有套餐的，食物不包飲品，紅豆冰也加價到$32。還沒有上吃，服務員走來說請先埋單，變化真大。西多士鋪滿未知是朱古力，或是柯華田，口感尚好。沒料到送上來的凍檸茶是沒糖的，只見味架有一大瓶糖水般的東西，未知是西多士用還是凍飲用。服務員多是中年人士，他們頗為忠心顧主，連番拒絕來客帶别家食物進店；若發生在香港，茶餐廳絕少見有這種底氣。喜蓮出品稳定，我只找他的負評來看。

聽朋友講呢度最出名係牛尾湯通心粉，咁就要嚟試吓喇，我哋大約12:30pm嚟到，唔駛等位，就可以即刻入座，店內環保唔算大，座位有啲迫，我哋一坐低就攞餐牌睇，食物種類都算多，我哋點咗牛尾湯通心粉 $36湯底唔夠濃，有少少淡，牛尾肉質比較腍，牛味道一般，整體不過不失。最奇怪裏面有牛尾骨，起初唔為意，爭啲咬崩牙😅韓國辣魚麵 $29湯底清淡，罐頭沙甸魚肉質結實，有口感，辣油滲透魚肉，所以有啲辣，好容易入口，完全不腥，好食。麵底，冇鹼水味，質感爽身彈牙。豬扒包 $30豬仔包炸到外脆內軟，豬扒有骨，肉質腍，好Juicy，但味道有啲鹹，一口咬下，感覺更滋味！馬介休球 $52只有澳門先食到，餡料將馬介休混入薯蓉，做成欖型，之後炸成金黃小球，食起嚟外層香脆，內裏軟綿綿，還透有一點魚香味，能咬到一絲絲魚肉，感覺好豐富，好好食！熱即磨香濃咖啡 $18香濃，口感順滑

近排去澳門食咗一間唔錯嘅茶餐廳。地方唔算窄，以茶餐廳嚟講算係大間。我鍾意呢度落完野食出左單就埋去櫃枱俾錢，充分利用等食物嘅時間埋埋單，食完就走人😁呢度啲野食真係唔錯👍🏻我哋叫左🍞奶醬多：多士烘得好靚而且好多醬🐮牛尾湯通粉：呢個係舖頭招牌菜，係我暫時食過最好味嘅牛尾湯通粉，湯底好香，偏杰身少少，唔係水水的無味，不過食嗰時要小心因為有碎骨，真係有牛尾骨🫔咖喱吞拿魚角：好食，炸得好好，係炸麵包夾住咖喱吞拿魚餡🍛福州炒飯：類似香港嘅福建炒飯，不過佢哋用蛋白底，顏色唔同，味道同香港福建炒飯有少少分別，好足料，味道都唔錯🫘紅豆冰：好飲，唔會好甜，紅豆好淋☕️熱咖啡：佢啲咖啡好香，高質整體嚟講呢間茶餐廳算高質，價錢同質素成正比😉

-見到好多人推薦去澳門要食「喜蓮咖啡」😎今次就去試下😀大約假日下午4點去食，好彩唔使排隊，直入就可以～-牛尾湯通粉🍅（MOP$35）湯底都幾香，不過茄味和牛肉味不算好濃和突出😅而通粉和牛尾肉碎都正常份量🫶🏻而紅蘿蔔和洋蔥粒都好食😋食完覺得不算好特別😅如果路過不用排長龍就可以一試☺️-凍咖啡（MOP$21）幾好味😋順滑的口感-Name🏠：喜蓮咖啡麵食 Hei Lin CafeLocation📌:氹仔舊城區飛能便度街南龍花園地下B84號價錢💰:牛尾湯通粉（MOP$35），凍咖啡（MOP$21）

開關後第一次黎澳門第一站就揀左黎喜蓮老實講呢間遊客餐廳食物水準未係好高但第一餐想食番個懷念感就係為左呢個干免牛飯雖然澳門其他地方都有但以前第一次係澳門食就係喜蓮食到覺得非常好食其實整法同材料好簡單將牛肉 薯仔 三色豆炸好面頭加隻蛋就係簡單又好食撈飯一流除左食干免牛飯順便都叫一碗牛尾湯通基本上每枱必叫其實算做得不錯湯底唔會死咸食完唔會口渴而有啖啖牛味除左牛尾湯通+干免治牛飯其他食物我都好少會叫因為要留肚食下一間呢😋

🇲🇴這間茶餐廳在大街位置，午餐時間都需要排隊，所以我們就下午茶時間再戰🤓。🚩阿華田爆脆西多士 $30在香港想試很久了，但還未試過，想不到第一次是在澳門試。被很多很多的阿華田包住，好脆又很有阿華田味。🚩炸咖喱角 $30好好味，咖喱味好入味，而且炸得好好，炸得好脆，不會炸到好乾，咬下去更啖啖餡料。🚩焗免治牛肉飯 $50牛肉粒有很多，醬料份量適中，焗的時間剛剛好。🚩凍華田 $22這個就普通了一點，只是比平時多了一點脆脆，但其實脆脆有點甜。

品嘗「喜蓮㗎啡」的美食與咖啡喜蓮㗎啡是澳門一家著名的咖啡館，以其美味的咖啡和獨特的口味聞名。在這裡，您可以品嚐到許多經典的澳門美食，包括雞扒包、牛尾湯通粉、咖啡和奶茶等。首先來試試他們家的招牌美食：雞扒包。這款簡單而美味的小吃，讓人一口咬下去就能感受到鬆軟的麵包和多汁的雞扒，口感十分滿意。接下來，嚐一下牛尾湯通粉。這個美食的特點在於湯汁鮮美，配上通粉和牛尾肉，味道醇厚，讓人回味無窮。當然，喜蓮㗎啡最吸引人的還是它的咖啡和奶茶。咖啡香濃和順滑。同樣，他們的奶茶也是值得一試的，口感順滑，香味濃郁。綜合來說，喜蓮㗎啡給人留下的印象非常深刻。不僅食品味道美味，還有平實的環境和友好的服務。如果你想享受一頓美味的澳門餐飲，喜蓮㗎啡絕對是一個不錯的選擇。#喜蓮㗎啡 #澳門美食 #咖啡館 #雞扒包 #牛尾湯通粉 #咖啡 #奶茶#澳門小吃

午飯時間，見到佢間舖坐滿晒人，出品應該唔錯，所以就係外面排隊等吓位，但係派飛阿姐真係好似唔憂做咁，俾2個人打我地尖拎飛之餘，仲要話我地企係度唔出聲唔知仲乜🙄係你全程當我地冇到囉！唔該又講咗，幾多個人都講咗3次，咁都仲要話人，完美演繹唔憂做。不過咁，你咁牙擦就試吓係咪咁好食。唉，試咗豬扒通、牛尾湯通、咖哩雞，其實真係好麻麻.....豬扒通：豬扒係精髓，醃功一般，係入味，但係咸味同胡椒粉味，係其他舖食應該仲會有酒味同月桂葉味，但呢間冇。牛尾湯通：通粉冇入到牛尾湯味，好明顯只係將兩樣嘢放埋一齊就算。咖哩雞：咖哩味道唔錯，幾香，但薯仔同雞亦又係好明顯將佢地撈埋一齊就算，係唔入味，白烚雞亦加咖哩汁...冇下次！

喜蓮🔅牛尾湯通粉$31 MOP每次黎澳門都一定會嚟食佢嘅牛尾湯通粉超正牛尾湯足料濃郁超重牛尾味道兩日一夜短遊我都係忍唔住食左兩餐成碗湯飲曬不突止直頭個碗都想食埋-🔅炸咖哩角$28 MOP炸得香脆可口 咖哩吞拿魚餡超多真係每次必點🔅榛子朱古力西多士$25 MOP多士夠厚醬夠多不過西多士唔係好夠脆口喇

話咁快就結左婚半年喇💑想慶祝下但又唔想太花錢搭✈️去旅行就去轉澳門啦❗️一落船就即刻去喜蓮食個lunch兩年前食過,印象都幾唔錯大汗疊細汗行去,去到以為執左😱真係感覺絕望...好彩原來只係搬左鋪行前多兩步就係新鋪喇新鋪大好多,又光猛得多,舒服好多呀。掛住嘅🐮鮮牛尾湯通粉水準依然👍🏻🍅蕃茄湯底濃郁,幾多牛尾粒係呢款通粉先食,平時我係唔食通粉的😆🙅🏻‍♀️除左牛尾通粉出名咖哩牛腩都唔錯架係正宗辣嘅咖哩🌶薯仔夠淋,牛腩炆得入味茶記典型碟頭飯好味呀

每次必食之選，今次見佢轉左新鋪，地方闊落左，位多咗，等嘅時間唔使咁耐，每次必食牛尾通粉湯底香甜，牛肉粒好粒細細粒方便食；另外乾免治牛肉飯，炒得好野味，加埋個蛋漿撈埋濕濕地，但份量好似細個左。炸雲吞都好多隻，細細隻方便食，入邊蝦肉彈牙，配埋酸甜醬好好食👍🏼

每次去澳門都會係茵景園落車因為想食喜蓮呀喜蓮最出名就係蕃茄牛尾通、椰汁紅豆冰於是就叫啦，另外好驚喜既係雪菜肉絲湯米1.蕃茄牛尾湯通粉* 湯有濃濃蕃茄味 仲有紅蘿蔔等配菜* 一粒粒方型牛肉粒都好有鮮味* 都好岩做早餐，份量適中2.雪菜肉絲湯米* 雪菜肉絲炒過放係湯米上面，非常野味香口，鍾意食雪菜肉絲既朋友都會好岩食3. 椰汁紅豆冰* 椰汁好香，配埋甜甜的大粒紅豆好正自從鋪頭轉左大鋪後，環境光左，空間闊落左，入座人數亦多左，上菜都算快，推介大家試下！

今日早上見到喜蓮唔洗排隊就入左去試下，但唔洗排隊都要搭枱，就有少少逼逼地。叫左招牌牛尾湯通粉無大驚喜，不過不失，湯底比較酸，牛味不太濃，但牛尾就好軟熟連骨豬扒包本身以為會好軟好juicy，但現實是好硬好乾的，但個味ok嘅值得一讚是奶茶不錯，夠香滑！但侍應就好似唔係好識廣東話，落單落左晒，上野食又遞來遞去都黎唔到。今次一共$84，價錢味道不過不失，但如果要排15分鐘都唔係好值啦～雖然今次有少少失望，但下次試下中午去再試埋咖哩角....

尼間舖無論係openrice定網絡媒體備受好評最出名就係免治牛飯同牛尾湯通粉由於我地之前去澳門個陣揀左住威尼斯人於是覓食個陣都集中左係氹仔官也街附近尼間舖雖然唔係係正官也街但都只係附近行遠少少最令我深刻既係通常尼類型既茶記入去都係自己招呼自己但尼度竟然會有侍應笑臉迎人咁開門比你再好好禮貌咁招呼你隨便坐低我地嗌左兩個openrice推薦菜式牛尾湯通粉香濃鮮甜免治牛飯加入左爆香個既薯仔同蒜粒一齊炒超級惹味送飯Cp值係遊客區尼講超高講緊我地仲用正價HKD20幾蚊加左杯紅豆冰外家兩道野食 埋單都唔洗100蚊水準又高 招呼亦到位再遊澳門一定encore