喜蓮咖啡麵食

营业中

休息中

總想比較一下在香港最易吃到的大家樂早餐牛尾通：趕到官也街已差不多快5點，幸好沒放棄找喜蓮。知道這家營業至5:30pm，以為我們是最後的客人，誰知後面還陸續有本地熟客入內。點了招牌牛尾湯通粉，豬扒飽牛尾湯通份量夠，牛尾亦不少，味道好，值得一試豬扒醃得夠味，食到有黑胡椒。麵包是烘過，熱的。可能麵包是早上做好的，故烘後不夠鬆化，有點硬。倘算ok今次要留肚食晚餐，下次要試夾餅，炸雲吞，窩疍幹炒牛飯等等，看到鄰桌食得很滋味

食過幾次都無失望過，就要寫食評支持下。蕃茄牛尾通粉真係好食，我對味精敏感，食完無事。個湯真係好香好濃但係又唔油膩。今時今日響澳門咁嘅價錢真係好抵食！不過其他包同紅豆冰奶茶就一般啦！

星期六早上11:45到達已經有人群係門外輪候，由於餐廳有2層，都好快有位。 點了：1. 干免治豬肉飯- 炒得很香口，好好餸飯，只略嫌薯仔粒炸得太乾身。2. 牛尾湯通粉- 牛尾湯清清地不油膩，味道一般，牛尾肉粒有骨碎，要注意唔好大啖咬。

之前講到特登行老遠去咗間氹仔嘅coffee  shop. 未飽又見到喜蓮, 就諗都唔諗入咗去先算. 之前冇做過research, 見到個menu 有好多choice, 選擇恐懼症又出現. 好在, 旁邊搭枱嗰個人碟牛尾湯通粉一上枱, 我哋聞到好香, 即刻叫返碟, 另外再加個澳門必吃豬扒包. 通粉好快上枱, $29 一大碟. 好香好濃郁嘅番茄湯加埋好"淋" 又入味嘅牛尾粒, 堅係正! 之後豬扒包都ok, 係有骨豬扒, 識食就梗係有骨最好味, 而且都juicy, 只係個包有D乾. 不過又唔洗排隊, $22 都抵食, 值得一試. 食到好満足, 欣賞佢哋冇一般出名餐廳嗰啲大牌

值得一試，幾好食，當地朋友介紹我地食，入到嗌左牛尾湯通粉，豬扒包，紅豆冰…野食真心吾錯，D番茄味都幾濃，強列推介各位去澳門一定要試下，紅豆冰都幾好飲，豬扒都ok嘅

黎澳門玩，梗係要試下啲道地野啦~ 上網搵到呢間喜蓮，好似好吸引，決定列入行程當中。。。 入到去，都算幾多人，但我估計都係本地人比較多，因為見好多人都係食碟頭飯。。。正常旅行應該唔會咁遠黎食碟頭飯啩。。。 天氣咁熱，梗係叫杯凍飲降下溫啦。 呢度啲紅豆冰都幾出名，決定試下。 果然唔錯，又夠凍，啲紅豆又起哂沙，又唔會好甜，就連個杯都好冰呀!飲落去真係透心涼呀!! 豬扒飽喺澳門黎講，都係代表作之一。而呢度嘅豬扒飽又幾出名，又點可以錯過呢?! 嗌嘅時候，落單姐姐仲會好細心問你洗唔洗一開二，有得開就梗係最好啦~ 等左一陣，好快黎到，見到個size, 我同個fd都嚇一嚇，因為都真係幾大份。。。 但都唔理喇，食左先算。 咬落去第一啖。。。好juicy呀!! 個飽又脆，豬扒啲汁又不斷bid出黎，正呀! 本來以為一個豬扒飽夠哂，點知都係叫多個鹹牛肉夾餅。。。喺香港食鹹牛肉蛋治就食得多，今次喺澳門，就試下個鹹牛肉夾餅先~~ 一攞上手熱辣辣到不得了，但因為聞到太香喇，於是即刻食落去。 嘩! 不得了!! 鹹牛肉嘅香味，口感同肉汁都冇得彈呀!當中嘅牛肉夾雜住洋蔥同芝士，真係冇得頂呀!

同幾個好友遠離香港到澳門輕鬆一下，前一晩喜來登酒店狂歡後一早肚子又餓了。朋友説：「不如去食喜蓮呀！」平時開到下午五點都食唔到，決定食個早午餐再玩過。去到要排隊@@其實係咪真係咁好食呀？大約15分鐘係就有位，地方不大；猶如香港茶記一樣似的！ 馳名牛尾湯通粉，原來只不過是羅宋湯湯底。 牛肉的份量不算多，但腍身。 去澳門又點少得豬扒包，好老實想食有質素的豬扒包；就好像難過登天一様!雖然法包烘焙過，但重點是豬扒，沒有任何肉汁而且有少少硬，好失望！幸好與朋友share 便好了。 香口的食物永遠多人喜愛，即叫即炸；雲呑皮脆卜卜配上泰式辣醬惹味又可口。 大大杯的紅豆冰，與朋友share便好了。味道調配得剛剛好，紅豆的甜度與花奶混合；非常匹配，而且紅豆每粒都有口感，一半紅豆及花奶原來是最prefect！

小妹係澳門常客, 去喜蓮食野, 已是家常便飯.今日平日, 爸媽又順道過澳弓遊, 便介紹兩老到喜蓮.(題外話, 我們由百老匯慢步到此, 25分鍾...............)由於太熱太餓, 點了3款主食,3個飲料....以上4種都超愛, 食左好多次都無厭,大前提下係好肚餓,次次食完都好滿足

是日小妹生日，同男友出走到澳門郊遊。去了3次澳門，到大三巴、官也街吃美食都吃膩了，便搜索還有怎麼地道美食。Openrice中，這間是人氣NO.2，便找路試試看。平日出發的好處是不用等位一坐下便點了人氣之選...*牛尾湯通粉，蕃茄味10足，茄酸直接衝擊味蕾、混沌而濃郁，讚讚讚!!加上傳統有坑紋的通粉，有咬口而入味，兩者配合得天衣無縫。*豬扒包，來到澳門一定要吃的小食。豬扒略薄，但肉質鬆軟，包熱而包中搽上少量牛油，灑發陣陣牛油香。*香口炸雲吞，有留意小妹都知道我最愛食香口小食。雖然有點貴，但味道1流!!值得一試薄薄的雲吞皮炸至酥脆，每隻雲吞都有一隻蝦及醃製過的豬肉，10分惹味。正!!

聽過這名字許多許多遍了，但在我心中就是茶餐廳來的啊！提不起勁要到氹仔吃這天住在那邊沒附早餐的關係，就想起了喜蓮～　睡到自然起就出門吃早餐，吃飽再補眠很喜歡這樣的渡假感，現在看著電腦也敲不出半個字來，是有多折磨平日的11點左右，在內用餐的客人還真有夠多啊，小小的空間擠滿了客人害我超不好意思拿著相機到處亂拍，只好找個角落躲起來，以茶餐廳來說不算平價但食物種類很多樣化，粉麵　焗飯　夾餅　三文治　小食通通都有，餐點印滿兩面看得眼花撩亂紅豆冰　﹝MOP$21﹞　點完餐才發現到有配奶茶 / 咖啡的紅豆冰，整個腦波超弱的想改單只不過整間餐廳裡都忙到不肯，就想說算了吧～　反正紅豆冰我也愛喝，它的紅豆甜度很低每顆都很飽滿軟腍襯著淡奶，滋味很不錯！兩個人分享就好鹹牛肉夾餅　﹝MOP$20﹞　原來那夾餅是你啊，微鹹香的牛肉末夾著不少提味的洋蔥及半融起士要是麵包再烤得酥脆些會更讚，但它是我學生時代的回憶，那時候午餐常常吃火腿起士的搭配牛扒配雙蛋多士　﹝MOP$35﹞　多士選烘過要 +多MOP$1 只是不溫不熱叫我怎樣把牛油融化啦雙蛋給我選了太陽蛋，煎得恰恰好。喜歡邪惡的把蛋黄刺破才吃，有兩塊牛扒在，簡單的以黑

氹仔喜蓮咖啡是澳門本地人常去吃早、午餐的地方 (店家是不作晩市的)雖然店家叫做喜蓮咖啡，但並不像咖啡廳那樣走休閒品味路線，而是像港式茶餐廳的大眾化本地風 澳門友人説喜蓮咖啡毎逢中午時候定必要等位置的，那就趕在12時半前到店剛好給我們找到位置呢 (遲5分鐘就要等位了) 食品大概Mop40一款 這裡人氣食品為牛尾湯通粉及乾免治牛肉飯，幾乎可以不用看餐牌而直接下單就成了牛尾湯通粉湯底濃厚，喝下可嘗到蕃茄的鮮甜及牛尾的肉香，配料的紅蘿蔔、西芹及牛尾全都煮到軟腍，配著彈牙的通粉很好吃呀 乾免治牛肉飯，記著要加太陽蛋呢！吃時豪氣地把免治牛肉全倒在白飯上，再把蛋黄弄破來伴吃配料用上牛肉、三色豆、洋蔥及炸薯粒，炒香後很惹味，吃到不能停下來呢但其實這份量頗大，女生的話兩人分吃也夠飽了 不吃牛的可以點濕炒肉絲麵，麵條炒至香脆可口，上面放上軟軟的豆芽及肉絲來個軟硬配，口感豐富 摩囉雞飯是一道澳門葡菜，在澳門茶餐廳較易找到，但在香港就比較難吃到了是類似用甜咖哩炒飯配上雞扒，再在上面伴上甜咖哩汁，是個較特別又惹味的菜式 最後被我發現茶裡面有著浮游物！！幸好沒有喝下呢，以後真的要看清

今次去澳門打算試試地道冰室食品，經資料搜集下發現此店是必試之選。平日的午飯時間非常多人，店外也擠滿了人，惟有選擇外買自取。牛尾湯通粉：欣賞它的外賣盒，將通粉與湯分隔但又可保持溫度。牛尾湯很入味很甜，通粉沒有過腍。吞拿魚包：硬豬夾著吞拿魚醬。包烘得非常鬆脆，吞拿魚醬並非一般的味道，是甜的，但好味。紅豆冰奶茶：超乎預期的好味！最開心是可以走冰！！奶茶不會被冰沖淡。因選擇少甜，甜度剛好。紅豆煲至起沙，味道有點似紅豆沙，奶茶的茶味仍被保留，兩者在飲管一攪之下融為一體，非常夾！味道超越香港飲過的奶茶紅豆冰，包括在九龍城一向有名的X園！美中不足可能是服務吧，很港式的服務，落單也是全電腦化。大概又是出名後唔憂做的緣故。

在銀河吃過快餐後，我們就繼續旅程。由銀河正門出來再跟著往來的人流跟著跟著就去到官也街一帶了。在官也街行了個大運都都找不到"施督憲正街"，唯有折返原處再開始過，折返期間給友人發現到"施督憲正街"了!!!(原來是我一直看錯地圖方向=.=)。當走進官也街前會有一條樓梯，落完樓梯後轉右手邊就是"施督憲正街"(繼續直行就是官也街)。施督憲正街是一條又長又窄的路，當中有不少廟宇及餐廳，不知不覺又到了"飛能便度街"，不斷在東張西望的我，忽然聽到友人的聲音..."係咪呢間呀﹖"，我沿著她的手指指的方向，看到那門面我知道我們找到了﹗喜蓮咖啡麵食不做晚市，營業時間到1730，我們都算來得及時之餘也好幸運不用等位。我們被安排坐樓上，這裡應該是鋪頭的閣樓，地底好矮，地方狹窄，因為有幾部吹風機令空氣較為流通，不焗促(大熱天時我就唔不敢包...)，衛生程度都不錯，枱﹑櫈﹑地面都十分乾淨。一頁兩版的餐牌，上面印滿密密麻麻的字，實在有好多款食物我都好想試呢，可是友人在銀河已吃飽了飯，食力減退，今餐她都只是盡人士幫食。唯有向名物埋手，牛尾湯通粉$27，估不到份量極多，真是抵食﹗蕃茄的酸甜味以及牛肉的肉味都來得很充足，也

見大家都話牛尾湯通粉好食, 特意朝早過黎試下, 個湯真係又濃又香又有番茄味, 有牛尾粒做餸, 幾大碟份量都唔少, 同時叫左個豬扒包食, 佢有黑椒調味都幾好食, 另外叫埋杯凍啡飲, 確係傳統冰室風味價錢方面個通粉要MOP27, 咖啡就十幾蚊杯, 宜家响澳門食野一啲都唔平好好笑見到有食客唔記得自己叫左乜, 阿姐可以背返晒出黎, 真係好認真工作

超鍾意食牛尾湯通粉，尤其是喜蓮，不過我呢d office hour 剩係得星期六可以去到，仲要等超級耐.....趁住今次星期一有假，一起身即刻過去，係唔駛點等ga!!!正識食一定係食牛尾湯通啦，出面好多都係用罐頭，或者個湯好稀，唔夠特別。喜蓮同出面最大分別，在於個湯濃好多，而且通心粉夠彈牙，料又夠，正啊~~~~食咗咁多年，都仲未搵到同佢同level或者好食過佢ge