媽閣銘記澳葡美食

营业中

休息中

半個澳門人，一般小店雖然差不多，味道絕對對得起$ 有多！但這間食評這麼好，今次專程去試，$ 不貴，但食品質素、味道、服務椰子雞對我而言，絕對在在澳門下下之選！ 可以說和香港金鳳一樣味道，好的食評真不知從何而來。 不過，味道是什麼個人的，我不喜歡，可以9成人覺得好吃，絕沒有不敬，只是純粹個人感受而己！

唔知大家係咪睇完歡樂馬介休嚟，明明以前呢間舖頭唔係好多人排隊，但係今晚我哋嚟到嘅時候條隊勁長，我同個friend排咗半個鐘頭先入到去，最尾仲要係同人搭枱我哋今晚叫咗酥皮湯、黑椒生蠔飯、焗銀鱈魚同馬介休球好耐都未試過喺香港飲到酥皮湯，係澳門見到佢有，我梗係即刻叫啦，啲嘢食大概等咗10至15分鐘就全部上晒。個馬介休球作為前菜，好重牛油同香草味，所以比較清淡，好適合做前菜之後個黑椒蠔飯就上咗嚟，個黑椒蠔用錫紙包住，一打開嘅時候好重黑椒味，每隻蠔都好大隻，好重黑椒味。之後個酥皮湯就上到嚟，我以為會係以前嗰種白色盅咁上，但係佢係用一個鐵竇咁樣上，可能咁樣可以令到個湯更加熱，更加好飲，但係就因為佢真係太熱，個湯由一開始放到最尾啲煙都係咁噴上嚟，10分誇張最尾個銀鱈魚都上埋黎，超級重牛油味，每啖魚都勁香，放喺執鞭嗰兩舊薯仔索晒味，係今日MVP最尾其實我哋都叫左兩杯嘢飲，但係當我哋食完先至上，發覺佢嘅檸檬茶舊冰係熊仔造型，而我嘅檸檬利賓納就係玫瑰花造型，佢舊冰亦都唔係透明，應該係用個茶雪成嘅冰，咁就算舊冰融左都唔會令到杯嘢變淡，好有心思

澳門美食多多，當然要食葡國菜！呢間假期多數都要排長龍，當日平日同比較晏嚟都排咗5-10分鐘左右。而大部分野食都係即點即整，保證新鮮燒春雞會比埋手套用手食，雖然俗語有話趁熱食，新鮮出爐都要小心辣手蒜蓉牛油焗鱈魚，好香蒜蓉味，鱈魚都好入味，食吾停口🤭馬介休球，呢間吾錯！芝士焗西蘭花，呢個可點可吾點，正正常常。店員知道我地香港嚟睇演唱會都好熱情好友善。媽閣銘記澳葡美食 (下環)下環河邊新街259號新福花園C

本身諗住去食第二間葡國菜 上到的士 司機推薦左呢間 主要係本地人去 又平又好食 帶住半信半疑嘅心情去到 喺門口排隊等咗5分鐘就入到去（聽後面啲人講佢哋等到25分鐘 睇黎食好嘢都需要運氣）入到去即刻對間餐廳好有信心 入面坐滿晒人 外賣電話不斷響 生意好火爆 但即使生意咁忙 大概等咗10至15分鐘 嘢食已經送到 鐵板黑椒生蠔 - 蠔味好重 連啲汁都充滿蠔味 上到台出晒煙 好正馬介休球 - 味道好複雜 好香馬介休 香草 牛油味 但整體味道比較清淡 如果作為前菜 第一樣食會好正葡式豬手 - 蕃茄汁 雜豆 炆豬手 豬手唔會太淋太爛 有咬口 個汁幾特別 酸酸甜甜幾開胃辣魚炒飯 - 炒飯軟硬適中 唔會太濕 不過比較普通 亦冇乜辣魚味酥皮魚翅忌廉湯 - 酥皮湯而家真係買少見少 酥皮酥脆 忌廉湯濃郁 不過就搵極都搵唔到條魚翅最後亦都係最重要一點 食咁多野埋單都係$355超級抵食同場仲見到好多枱都有嗌黑椒牛柳 可惜發現太遲 胃口有限 唯有留返比大家試

今天仍在澳門下環區遊玩，走著走著很快又到午飯時間，在網上查看一下，看到位於📍河邊新街的銘記口碑亦不錯，所以就來一試。食肆的面積不大座位擺放較密，不過此時已經有很多食客在進餐。🍽今天各自點了：💢西洋煏牛脷跟飯，三塊大大的牛脷伴以黃黄的薯仔，上面鋪滿了紅紅的雜菜汁，外表吸引能惹人食慾，而且牛脷都燴得夠腍，味道亦很不錯。😋💢 週打魚湯 🐟，濃稠適中湯内材料亦豐富，不過湯味道就略嫌清淡了一點。💢燒沙甸魚🐟三條， 沙甸魚焗得剛剛好皮脆肉滑，用鹽來焗令魚肉夠入味和肉質結實有口感。👍💢菠蘿海鮮焗飯🍍，原隻菠蘿挖空將飯炒好放回殼中，菠蘿 粒鮮甜和炒飯鹹相配合，味道絕佳。🤗💢酥皮海鮮湯🥞，大大塊的酥皮覆蓋碗上咬落入口夠鬆脆，而且湯內的分材料亦很豐富； 不過個人感覺還是覺得海鮮湯 味道偏淡一些。💢 最後叫了一杯凍檸茶，作為剛才飽餐一頓的結尾。今個午餐雖是簡簡單單，但覺得食物質素和味道不錯性價比高，下次亦會重來光顧。

去澳門當然要食葡國菜喇!🤭 誤打誤撞嚟左呢間好多排隊既 "媽閣銘記澳葡美食"!⏰排左一個鐘, 其實都真係耐, 好彩野食好好食, 價錢仲好抵添!🍴蒜蓉牛油銀鱈魚真銀鱈魚, 非常滑, 蒜蓉味濃, 好食!🍴馬介休球薯蓉球食到少少咸香, 好惹味!🍴蒜蓉牛柳牛柳極腍, 牛味重, 食得出唔係落左梳打粉🍴葡國雞飯雞脾肉腍, 件數都多, 汁香, 好味!🍴酥皮魚翅忌廉湯塊酥皮真係好酥, 食得出係好多層, 好香牛油味!成餐飯好飽好多野食, 只係 HKD$39x, 抵食!地址 : 媽閣銘記澳葡美食下環河邊新街259號新福花園C-D舖評分 : 8/10

去到澳門，想食下啲特色野，聽朋友介紹話有間好正嘅牛扒就去試下一去到人都好多，睇落似茶餐廳feel,但佢個牛扒真係超級好食啲黑椒汁倒落去沙沙聲，好香嘅黑椒味牛柳又淋又多汁，加埋少少辣辣地嘅黑椒汁真係一流椒鹽豆腐就炸得一般般，不過不失馬介休脆脆地，好香，好好味，下次都會再叫黎食呢個蒜蓉炒雜菜就太多油，應該無下次了紅豆冰夠凍，又勁多紅豆，下次會再叫銘記環境可能一般，但價錢親民，味道又好，尤其係黑椒牛柳，真係必食！下次一定會再去食過

五個大人兩個小朋友 食咗 鐵板牛柳， 廚師馬介休， 鴛鴦 內有餡雙色豬扒， 菠蘿炒飯， 炒雜菜， 芝士焗西蘭花， 仲有芝士焗鱈魚， 上菜速度超級快， 食物味道 超級好食， 飲品方面 大人買咗凍奶茶及凍檸茶 ， 二兩個小朋友就叫咗紅豆冰 ， 佢哋嘅紅豆冰做法係用維他奶加紅豆，我當地朋友講一定要訂位如果唔係就要排隊等位最少半個鐘以上。 成餐飯食咗741蚊。

好多時過澳門都係為左搵好野食，朋友講呢間餐廳水準唔錯於是過來試吓。我哋叫咗馬拉盞炒西蘭花，原隻燒春雞，同蒜蓉焗銀鱈魚，另外叫咗杯檸檬可樂。馬拉盞炒西蘭花嘅軟硬度適中，岀街好怕食到好硬嘅西蘭花，但呢個就唔會，而且馬拉盞嘅調味十分惹味，大開胃口！原隻燒春雞，一隻份量夠二至三人食，睇個樣普普通通咁，但一用叉吉落去，就可以見到雞肉非常多汁，而且外皮係用醃料醃過，即使唔點醬汁都夠味道，而雞肉食落好滑，鮮嫩多汁，大讚！蒜蓉焗銀鱈魚係另一驚喜，銀鱈魚焗得剛好，魚肉入口即溶，蒜蓉加一份香氣，旁邊有兩舊薯仔，亦係焗得好淋，正！檸檬可樂嘅設計好好，成支俾你倒，唔會因為多冰而少咗。

係船屋附近，人人都想去船屋，但澳門人推介這間銘記，是不起眼的店，但裡面的食物卻好食到不得了。我們四人叫左五樣餸：豬手又脆又唔肥，好好味。葡國雞撈飯好食。牛柳入口即溶，好軟。燒排骨都是肉質不肥。真係好好食！埋單每人$100都不用。

來到澳門吃東西的另一享受就是這裡的懷舊風情，不需要做作，就是生活在舊式的建築物中，生氣仍然在滾動着。當然美食也不可缺，這一碗薯蓉湯非常之足料。大大碗，喝完一碗已經可以飽了一大半。另外特別介紹這個咖喱牛腩微辣，很有牛肉味，餸飯一流。