新波爾圖 (已結業)

今日下午兩點半致電該餐廳，原先約了下午6：30想改遲些到下午8：00，這餐廳的員工說了好沒問題，但到了這餐廳告知員工，她說你們沒有book 位，我妹告知該員工，該員工說你唔駛咁大聲，你冇到，依家先到，你book 左6：30，我講我地兩點有打電話黎，你們同事已知道，我想出黎等，該員工講自己遲左，仲話有打電話改，我就氣沖沖同該員工講係兩點半已打電話同你們的員工講左，她說沒問題我先過來，我唔知你地點溝通，但唔應該咁樣話知客，我知自己改時間係有不好，但已盡早通知你們，亦比8點的時間預早半小時通知你們，加上妳嘅度態已經唔好，係咪仲要強話我地無通知你們

去澳門的次數也算多，差不多每次都會來官也街，話晒都係旅客區點都要去打下卡，不過食來食去都係豬扒包，又貴又冇得坐，開始有點悶。今次行到攰攰地，想搵間餐廳坐得舒服啲食餐飯，但係我想食啲香港冇嘅嘢，當然要搵葡國菜啦！在官也街附近一帶睇過幾間，一係就好貴，一係就冇人食。最後見到呢間平平哋就入去試吓啦！第一眼望到個餐牌見到馬介休芝士薯蓉撻，已經覺得好吸引一定要嗌，點菜時想叫四個細嘅馬介休撻，點知得返最後兩個細一個大，照殺！一食落去，唔怪得知賣晒啦！真係好好食！！！下次早點來一定要叫多幾個！之後就係芝士焗肉醬意粉，冇咩特別，呢啲穩陣野好難難食嘅。而燒豬頸肉都係一般咁樣。仲叫咗麵包焗葡國雞同埋焗軟殼蟹，個麵包上菜時職員會問下我哋需唔需要影相，之後先幫我地切開個包，值得一讚。淨係聽佢切落去果下已經知道個包脆到不得了！！葡國雞亦係不錯。$48局軟殼蟹，好細隻，朋友話幾貴，但係我覺得都OK啦！因為軟殼蟹不嬲食都貴，同埋佢都整得好好食，呢個值得一試！整體來講呢間餐廳係澳門算係性價比超高！人均消費70幾蚊已經食到超級滿足！下次再去都可以Encore.

暢遊澳門嘅晚上，行下行下發現已經頗夜，又有少少肚餓，於是決定喺官也街搵嘢食。當時唔係好多鋪頭仲有開，行過見到呢間叫新波爾圖嘅餐廳，門口幾有葡國特色，選擇唔多嘅情況下決定試吓呢間餐廳！見到餐廳有兩枱都有叫呢個檸檬白酒炒蜆，所以我哋都叫來試吓。香港就唔多餐廳會有呢一個菜式，嚟到咁多葡國餐廳嘅地方，一於試試啦！睇落好似唔係好大碟，但其實兩個人完全夠分。白酒煮嘅時候酒精會揮發，剩低嘅味道同檸檬配合就成為呢個汁。首先試試個汁，有淡淡檸檬味幾特別！主角蜆煮得剛好，頗有鮮味。另外仲有一啲生嘅蒜片，加上少少辛辣嘅味道，亦增加口感。另一道菜係香煎三文魚扒伴意大利飯，意大利飯嘅醬係用香草同奶油煮成，食落會有淡淡奶香，但係質感控制得好好，唔太稠，食完個飯都唔會覺得好膩。飯就有少少過熟，但整體幾好味！今次唔係太肚餓所以叫得唔多嘢食，下次一定返嚟再食，期待其他菜式。

很多食葡國菜的餐廳, 午市過後都有落場時間, 近官也街這間便沒有。檸檬白酒炒蜆 MOP98檸檬白酒炒蜆, 賣相不錯, 蜆肉尚算飽滿, 味道鹹鮮, 可惜有沙。麵包焗葡國雞 MOP83麵包焗葡國雞, 麵包焗至外層脆卜卜, 內裡軟綿綿, 因葡汁味道不濃, 適合喜歡淡口味人士。雞肉不嚡不滑, 薯仔味濃質感偏實, 不太索汁, 只屬一般。茨絲炒馬介休 MOP103茨絲炒馬介休, 茨絲質感偏腍, 馬介休偏鹹, 與茨絲同吃, 有中和作用。下午茶餐: 葡撻 (大) + 熱飲 MOP17葡撻顏色甚淡, 是素顏版本, 味道普通, 沒有驚喜。下午茶餐: 迷你葡式小食拼盤 (馬介休球, 咖喱角, 牛肉卷) + 熱飲 MOP25小食拼盤賣相令人提不起食慾, 每款只有一件, 性價比甚低。另當日沒有牛肉卷, 改成另一款小食, 上菜時才知會客人, 實屬不妥。

晚上我哋一行幾人去左氹仔間新波爾圖食晚飯。這條街食肆林立，有不同風味的食店也有。食店食物款式非常多，而且質素佳，水準不賴。店員服務態度殷勤，清碟快，常常主動添水，服務有質素。麵包焗葡國雞，份量大，價錢只是 $83。葡汁夠香，雞大大件，麵包非常脆口，添上葡汁很好味。香草羊脾肉嫩而且沒有討厭的羶味，香料份量 恰到好處。招牌血鴨幾特別，酸味味，鴨肉易嚼入味，價錢平，只是 $78。好抵！主角嚟嘞！乳豬飯好好味！乳豬肉質夠腍易嚼，皮香色澤靚，必食之選！整體而言，食店非常有水準，食物質素高，而且服務態度佳，翻食指數非常高。

Sweet遊澳門篇❤️.今年我地再次去到澳門慶祝我地既週年紀念❤️❤️.亦都再次去到位於氹仔舊城區既波爾圖餐廳 （其實前前後後都食左3次）😂😂😂.今次因爲舊店無位，所以職員將我們領到新店既位置。新店餐桌擺放既方式比起舊店來的闊落，感覺進食空間較大，坐得都比較舒服😌。.食物方面，我地叫左：葡式乳豬釀飯🐷 ，基本上呢個乳豬飯係我地必食既菜式之一，食幾多次，幾多次都只會講好好味🙈乳豬仔燒得外脆內軟，加上炒得粒粒分明，吸收晒乳豬肉味既炒飯，好想好想講要添飯😂但實際上係做唔到，因為乳豬仔都比較肥，脂肪都唔少，每人大約食左三舊就開始覺得漏，唔可以再清碟。不過整體份量，兩個人其實都可以食得到..麵包焗葡國雞🐓，超越想像的好味。其實叫得葡國雞都唔預有咩驚喜🤷🏻‍♀️點知真有驚喜到，單單盛著葡國雞既麵包盒，佢雖然吸收著所有葡國雞汁，但當刀切入果刻，香脆聲音隨之傳入耳朵，真係用真力說話😂 葡國雞汁既椰漿味都好濃好足夠👍🏻..有佳餚當然唔少得美酒🍷.傳統既葡國果酒Sangria, 據知每家每戶既做法都會唔一樣，多數都係用橙同蘋果釀製.係波爾圖呢到就用上了檸檬同雪梨🍐，口味比起之前嘗試過的多一份清甜❤️ 岩晒同樣清甜既

港珠澳大橋開通一個月了，嘗試坐金巴來Macau,由於到餐廳的繁忙時段剛過，到官也街行一陣比我找到葡國餐廳，價錢合理，店員推介下，點了以下幾款：1）葡式咸豬手沙律🥗- 以為是一隻豬手，原來是切片墊底的，不過份量可以的，有十片左右，肉質乾咗少少，硬咗少少，因為本人身得咸，所以唔夠咸，其他人食的話，勉強可以接受的。沙律的菜好新鮮橄㰖油和黑醋味道配合剛剛好，唔會太過酸，好勝胃。2）麵包焗葡國雞🐓- 店員推薦的，因為製作需時，但一陣二十多分鐘就送上桌。店員為我們用餐刀切開，脆卜卜的聲音及香噴噴的麵包，已經覺得好吸引，切開麵包，入面先見到好大件的原隻雞全翼和鷄胸被濃郁的葡國汁覆蓋著，仲兩三件軟硬適中的薯仔、橄欖（兩粒）、蕃茄、辣肉腸片，夾起各一件鷄之後，原來仲有鷄脾和雞胸。即係麵包𥚃有半隻份量的雞。估唔到兩個人一齊食哂。好滿足！其實呢個最好四人一齊食。3） 三文魚天使麵 - 😋😋香味濃郁的芝士味，幼滑天使麵，自己再加少少的黑楜椒粉。非常好味道！4） 鮮菌海鮮忌廉湯 - 好香鮮磨菇🍄味，好夠熱，不過份量少咗啲，價錢偏貴咗少少，會唔會因為「海鮮」個字，所以$多少少？我食唔出有海洋味呢！我們入到餐廳才知

多年沒到澳門遊玩，發展迅速 😄 與8年前實在相差太遠了。。。去澳門就梗係要食葡國菜啦！去到官也街，間間餐廳都坐滿人！偶然行到小巷，發現幾間新裝修嘅葡國菜，考慮緊試邊間時，波爾圖嘅侍應就衝出嚟熱情款待拉客！比起有啲餐廳侍應即使見我哋揀緊餐廳都冇表示，又有啲收得比較早嘅餐廳，就梗係揀波爾圖啦！原本以為平平無奇，點知一食就不得了！我哋仲要叫咗勁多餸，味味餸都食到舐舐脷，拓住個肚走 😂😂 但係最衰無緣品嚐甜品 榴蓮蛋糕🍰 😙如果要試甜品，就要喺甜品師下班前order， 最好先致電查詢！推薦大家一試 😄

好食就當然要再次再臨喇！今日出差澳門自然要黎「波爾圖」回味一下！西冷牛柳蒜蓉汁，肉質淋且入味頗令的滿意，水準保持不錯不錯。餐飲可選擇紅酒🍷，對我這簡直喜訊👏！紅酒配牛柳最為賞心樂事。跟餐甜品係牛奶布甸，超香奶味彈彈下仲好軟滑😋

香港人總會抽空到澳門走一走，除各式洒店自助攴外，葡國菜是非二之選，今次試這一間~波爾圖，我們是先去地堡街那間的，但沒有位，待應立即帮我們致电木鐸街分店，有位，更贴心的係由待應親自带你過去，行既係內街一分鈡都不用就去到，這分店有兩層，我地被安排坐二樓，沿樓梯而上所見既装修係葡國特式篮磚同木扶手樓梯，看得出這幢建築也有咁上下年紀，我地一行三人先叫了一人一個小的馬介体葡撻，咸的，一口吃完都吾知好吾好味，然後係主菜 ,燒乳豬件釀飯, 乳豬脆皮 不太多油 美其名釀饭， 更像是將炒飯放在乳豬下， 燒牛仔骨 一般， 白酒煮蜆 新鮮無沙，洒味夠香， 個人認為最突出嘅係馬介休薯絲(薯條)炒雜菜， 先將薯條炸好然後再炒 吃時每口都感覺香脆， 好特別。份量都算足夠但葡國菜味偏濃同咸，期間加了三次水，服務算吾錯.

此餐廳歷史相比其他葡餐廳不算悠久，但味道相當一流，如招牌菜乳猪炒飯（175元），猪脆而不肥膩，炒飯亦香。而面包葡雞（82元），香味濃郁，面包份量亦大，可以不用加飯。

餐廳環境 (3/5)我坐地下嗰層，面積不算大，座位有點迫餐廳服務 (4/5)訂左位都要等十至十五分鐘，但店員都好好禮貌，亦盡快幫我地安排，而且都有拎定餐牌俾我地睇，亦會推介食物俾我地食物質素 (4/5)我地點嘅兩道食物味道尚可，少少偏咸餐廳類型同隔離枱只相隔一隻手掌位，如身形不夠輕巧，需要講悄悄話，就不太適合了啊地點就喺遊客區官也街盡頭，一望就會望到見到靚瓷磚就心情豁然開朗芝士薯茸馬介休焗酥皮($98)店員推介，我地話唔想叫太大份，佢仲好好人提我地兩個人，叫完呢個可以唔駛叫太多其他，因為呢款好有飽肚感。芝士 薯茸 焗酥皮都係我最愛的，必試！上枱見份量都真係幾大，有我半隻手掌咁高芝士薯茸呢啲孖寶兄弟通常都唔會岀事，馬介休沒有很咸，味道剛好。酥皮鬆脆，不會很油。整體口感層次好豐富，加上芝士薯茸好飽肚，食到三分二真係已經開始放慢手腳。最後都係成個食晒好彩有聽話無叫太多款，下次再黎澳門會留肚試其他！芝士焗軟殼蟹(好似係🤣)掛住食芝士薯茸，都冇乜點去理呢一個軟殼蟹🙊叫兩個芝士嘅食物，其實真係會好漏。好彩呢個軟殼蟹份量好少，所以都食得落。但係唔推介，因為好鹹，食咗一啖已經要飲水，同埋份量真係幾少，

難得到澳門一遊，總是有種情意結想食葡國菜。因為第二天會經過官也街，便隨意找了「波爾圖」進去試一試，後來才發現氹仔舊城區有兩家「波爾圖」，而當日我們去的那一家正是位于官也街的新舖，地理位置優越，裝修也不差。因為底層已經坐滿了客人，所以店員安排了我們到二樓用餐。因為同行只有兩人，我們打算淺嚐即止，留肚再去官也街掃街，於是只喊了「葡國海鮮燴飯」、「麵包焗葡國雞」和「馬介休芝士撻」。沒想到「波爾圖」的份量頗多，建議如果同行人數不多可以先點小量食物，待上菜以後再決定是否需要加菜，以免眼闊肚窄造成浪費。馬介休芝士撻有分大和小Size，小的份量大概是一個乒乓球的大小，其實說白了就是薯蓉芝士撻，不過配合酥皮撻一口吃下去依然非常滿足。其中，麵包焗葡國雞非常出色。葡國雞以原個麵包呈上，上菜時店員會剪開外面的麵包方便食用，麵包烤得非常脆身，蘸上葡汁來吃還能吃出淡淡椰汁香，撒上了椰絲的雞肉非常可口而且入味。（題外話，其實葡國雞不是正宗的葡國菜，反而是來自澳門，話說當時來到澳門的葡萄牙人，把航行至澳門沿途各地的食材和香料融合煮出這一道葡國雞，因此葡國雞也可算是一道「混血菜」呢。）這個葡國海鮮燴飯份量頗多，飯粒吸

人人都推介波爾圖，本來前一晚就想試了，但聖誕假期沒訂位，明天請早。第二日午飯，還是念念不忘，打個電話試試，本店已滿，客服好好呢，幫忙打去新舖問問，原來有間新舖呢！新店還有位，著我們盡快到，馬上起行，新店在本店附近不難找。環境裝潢好簡單，就是普通餐廳一間，沒關係，野食好最緊要。果然沒令我們失望馬介休球：香硊的表層，內裡是薯和馬介休的混合，好味！乳豬飯：外皮薄薄硊硊的，下層是厚厚肉，香香嫩嫩，配上好像是茄汁飯，正！咖哩牛尾：濃濃的咖哩汁蚊煮牛尾，香濃野味，牛尾蚊得軟軟的，很容易入口，有點停不了手... 鴨肉飯：有別於乳豬的飯，看著有點像臘味飯，飯是香香帶點肉香味，可能烹調時鴨和臘腸的油脂入到飯內裡。蒜蓉包：有水準，滿滿的蒜在法包面，燒得金黃色的，看見便很想吃，本來點來沾咖哩食，但不用了，一上枱便吃光了。總括來說沒得挑剔，我很喜歡，價格也很合宜，抵食好食要再食！

呢間鋪直頭係官也街，地點好方便又易搵😀😀我地下午走去食，唔算多人，安排左一張好闊落的位置，我地叫左乳豬飯 : 好好味呀😍D乳豬大大件，雖然有D肥膏，但一咬落去，個皮又脆，令人食完又再食😜黎到要必叫！麵包葡國雞 : 雞件都好多，上面曬左D椰絲，個麵包都焗得好脆，不過個麵包食左好少，太大個！不過整體係幾好味的。仲有店員會幫我地剪一剪D麵包，佢見我地影相，就話轉頭影完再叫我黎剪😆呢到D員工幾有禮貌的😆仲有焗生蠔都正😋😋😋另外叫左生果酒，原本要一渣的，但店員建議要半渣好了，因得兩個人。果然，半渣都飲左好多杯😆😆好味！另外價錢上真係好抵食！下次再黎澳門，我一定會再食😜😜😜