東東陽光咖啡美食

营业中

休息中

係美食group有人介紹過，對於鍾意食辣嘅我又點可以錯過啊？呢間東東開咗好耐，因為我以前返學成日經過，但一直都冇試過！今日終於都可以黎試吓啦！老闆係一個肥肥地嘅人，老闆娘做落單，我叫左一個辣汁豬扒飯同一個焗芝士吞拿魚豬仔包！等咗大概15分鐘兩樣都嚟齊晒！辣汁豬扒飯非常之惹味！對於鍾意食辣嘅我都覺得呢種辣度OK啱我胃口！依個飯比較大！我地兩個人先食得曬！焗芝士吞拿魚包非常之好食！佢有烘底焗到出嚟好脆口！總結有下次

我都係睇左老陳既介紹黎食，真係一D都無推錯，樓下師兄介紹左葡國雞，咁我介紹下吉列豬扒啦﹗我覺得哩個豬扒好食過任何一間收你過百蚊既所謂吉列專門店，大份唔在講，香脆唔鞋唔油膩﹗食落D豬扒係有用香草腌製，味道濃厚。而且每個餸都可以揀飯或意或豬仔包，強烈建議食豬仔包，非常鬆脆話說回來，小店就真係小店，座位非常有限，當日我地12:30到達一個客都未有，但係未到1:00全店已經滿坐，要食好野就要準時啊﹗

跟老陳嘅介紹嚟試食, 澳門嘅咖啡廳即係香港嘅茶餐廳, 價錢當然是三十多元就有交易, 還要大碟都飽。 熊媽見到侍應生把別人叫的蝦仁炒蛋帶上樓上雅座。嘩~ MOP$39的蝦仁炒蛋的體積竟然比那隻盛碟還要高出5cm老闆及各員エ都禮貌週週, 當最初鋪面無吉檯只餘樓上洗手間旁的雅座, 老闆都親自帶熊家上樓並開風扇吹正我們, 到後來樓下侍應生嗌我們樓下有吉檯, 老闆立刻幫我們hold住張檯並說:「謹係落嚟坐舒服d啦~」後來再開另外一個風扇吹正我們睇過澳門網友及老陳的推介, 有幾款必試菜式: 焗葡國雞、紅豆豬手、燒馬介休、陽光炒飯、吉列豬扒、辣汁雞扒咁熊家今次只有三個成員嚟澳門, 就只可以叫三個餸(其實想分批試多幾款,點知食完這三個餸, 已經飽到上心口 )熊爸喜愛的白烚馬介休$79...全店最貴的餸就是馬介休(不論白烚、燒、燴、薯燴)通通都是$79。 見到白雪雪嘅魚肉就肯定魚乾已經用清水浸泡超過20小時, 浸到非常透 平時食馬介休球多, 原來原件魚肉除了有鹹香味道外, 肉質滑溜兼有鮮味, 肉是一片片的。 椰菜、雞蛋和薯仔都沒調味, 原來他們本身就是菜甜蛋香, 然後加上大量橄欖油, 讓橄欖油