永安咖啡室 (已搬遷) 新店位置

今次已是我第二次黎了。上次黎食左個馬介休奄列多士餐，今次再黎，試下馬介休奄列公仔麵，點知，極度驚喜!!見到餐牌，知道公仔麵無餐，但又岩岩起身，想食多點東西，所以叫左個公仔麵。公仔麵個亮點係，佢比埋咖喱汁，一放落去，嘩~ 簡直絕配! 我本身食唔到辣，落左少少，好香，都忍唔住再落多d. 同埋，食到最後，通常d 麵都會發脹，唔知點解，我食到最後果幾條，都依然唔脹，抵讚!!!講真，價錢就真係唔平...一個馬介休奄列公仔麵加涷檸茶都要50幾蚊，不過，今次印象真係深過上次單食奄列。下次黎都會試番公仔麵

近年常到澳門工幹,饞嘴族當不放過捐窿捐罅尋找廉價美食機會,結果悶棍常吃,板撞破不少下得出一份值得一去再去的食肆名單. 年少氣盛,以踢館為己任,踢的不是人家打開門口做生意的食店餐廳,是一眾食家的生招牌,第一個要踢的是乞人憎到極致的兩億名咀食家介紹過的永安. 點了匈牙利牛肉飯,水汪汪有別一般碟頭飯反光杰撻撻汁,牛肉(應是腩吧)帶著肥膏頗香口,薯仔軟腍腍吸盡精華,不俗;凍檸茶一般;牛尾湯是罐頭貨;火腿奄列麵也平凡過平凡,此時,想起永安名物"上等咖哩油",加之,一樽油只附一把刀其實不算衛生,我做好自己吧,千辛萬苦加到我的火腿奄列麵,奇蹟發生,甚麼畫龍點睛,化腐朽為神奇,起死回生妙手回春等統統派上用場,眼前的不再是火腿奄列麵了,而是一碗香噴噴,辣出火(下油份量過多之故),極之美味的一碗麵!!有這種轉變,全賴澳門神油-上等咖哩油!! 如沒有神油,相信不會山長水遠來永安.

牛脷好淋好味，通粉一般。佢地係用出前一丁嘅麵煮，牛腩都係好淋，辣辣地真係好好食。隻蛋好香好正呀，真係未食過咁正嘅蛋！但係好似凍奶茶咁，淡而無茶味就唔多好飲啦。

去永安咖啡室食地道蒜香撈麵！（$25一碗）要讚的是佢係用出前一丁，Ｄ雞肉／豬頸肉都用蒜香醃過，分量夠多而且好入味、肉質鮮嫩夠林又冇渣！　那個黑椒牛肉撈丁，Ｄ牛肉好入味，黑椒唔太辣！當侍應端來撈丁，同時會遞上鎮店之寶──上等咖哩油！唔好睇少呢罌調味醬，因為佢味道好得意，似沙爹加沙茶醬但不太油，用佢黎點Ｄ肉或撈麵食，有畫龍點睛之妙，好絕核！　（溫馨提示：怕辣的朋友千萬唔好點咁多，因為太＂重手＂的話後果自負！）除此之外，舖頭嘅可樂係大樽裝，夠凍夠氣又夠喉！　至於杯熱奶茶，茶膽夠靚質感好滑；凍飲就會遞上一jar糖水，多甜少甜悉隨尊便！

19號突登搭的士來,貼了字條「10-19日休息」。哼哼….澳門的茶餐廳可是有性格,星期日多是休市……所以第二天又要再來。店內十分家庭式,很有舊冰室氣氛。吃了蒜蓉焗肉丁公仔麵$23。送到來,完全O晒,「焗」原來唔係焗飯焗意粉那種"焗"；「肉丁」也不是罐頭"肉丁"。「蒜蓉焗肉丁」其實係蒜香,煎焗肉粒!!!老公欣賞到不得了。真是很經典很經典的鑊仔風味!公仔麵,有人說是出前一丁,我倒不清楚,因為它麵身幼,唔通是日版出前一丁!!?anyway,總之一定不是大光麵。好食!!套餐A.$33。馬介休奄列+油多。馬介休給我印象是「咸魚」,但它在這奄列中,一點也不咸,反而有點似味淡的龍脷魚。加上下了很多洋蔥絲,其實不太覺,正吃魚奄列。油多,用舊式烘法,有微微燶味,牛油也被烘熱氣,溶入多士中,正!港式,好少見~熱奶茶,似茶包+奶水。好失望,咁出名既冰室,原來只係食物出名咋!仲有鴨胸、葡腸食品、黃薑豬扒飯都好想試呀…….

所有網友都讚就去試下，連"阿蘇"都介紹過，叫了兩碟飯同兩杯飲品，除了杯檸樂外，全部把鬼，匈牙利牛肉飯，水溜溜韰烚烚，馬介休奄列飯，仲差，無馬介休味，因為搵唔到D馬介休，杯凍奶茶淡而無味。我都知浪費是不對，但真係唔想食，只係食晒所有飯，淨了大部份牛肉和馬介休奄列。

同個 friend 食飽飽之後, 我地就周圍行下買下野, 之後就行到呢一間 "永安咖啡室". 個 friend 話佢地出名 "牛脷通粉", 但我唔食牛脷架嘛. 所以就同個朋友一齊試了另一款咖哩牛腩通心粉 - 真係唔錯, 幾好味, 啲牛腩煮得好林好入味....個 friend remind 我要加埋 "上等咖哩油".....嘩嘩嘩...真係超正呀...so good!

D 脷瘩好白. 唔好睇住食落去都好味. 通粉好正.

身為澳門人居然還因為阿蘇的介紹才去這家店,羞愧羞愧~很貪心的一次過吃了阿蘇所推介的匈牙利牛肉跟通粉,通粉算是澳門茶餐廳中比較好吃的有紋通粉,但仍吃到"水"味,如果烚通粉時加點味道更讚~匈牙利牛肉煮得十分好,有點辣味很開胃,牛肉也很軟很稔,配飯吃應該更美味!!!奶茶有點澀,朋友吃的是馬介休奄列通粉,這算比較有特色吧,但奄列煎得有點老~服務方面, 只有一個服務生在樓面位置, 我坐下後朋友還未到他已走過來以一點白鴿眼問我吃甚麼, 不過沒有催客人離開甚麼的, 尚算可以接受~吧~

生日嘅一日冇唸住出去食早餐...點知酒店食早餐居然要等位?????冇套餐叫,於是要個一個$22嘅雞翼公仔麵好有heart 亞,居然比福麵。好過香港嘅茶餐廳多多聲。我男朋友就食左個黑椒牛肉米(原本要麵不過比錯左)都好味亞,新鮮牛肉。不過杯凍奶茶就怪啲。

成日聽d friend講永安d食物品種多又好食,今日下午同老公去試下,真係好多人去食野!我叫左個蒜蓉焗肉丁出前一丁,超好味,同埋奶茶都OK!而我老公就食左個咖喱牛腩飯,佢話味道好食而且夠(林),,,,,,.等下次再試其它先!因為好多都想試

之前食过呢渡滴招牌菜黃薑豬肉飯感觉几好，今次来试咖喱牛腩飯估唔到仲好食，呵，仲抢佐老公滴馬介休奄列来食，认真好味！！！店铺又重新装修过，感觉干净整齐佐好多！赞！

行左成朝山(東望洋燈塔)...好肚餓呀 ~我記得前一天搵酒店時,一路行一路索下有咩好野食....俾我索到..有茶啡香味...真係幾香....因為剛剛才食完第一餐.無15分鐘..哈哈 ~ 我都真係好胃食~ 所有呢 ,呢日行完東望洋燈塔後,就黎試下啦 ~午飯時間已過..都兩點幾三點啦..都好多澳門人在此食野,應該有保證..叫了 1)咖喱牛腩出前一丁2)蒜香豬頸肉出前一丁3)涷啡4)涷檸茶牛腩& 豬頸肉 都好好味,出前一丁都煮到有屋企feel, (平時係香港茶餐廳好多時d一丁唔似一丁,但又加收2蚊...)所以 okok 而且我個鼻都依舊靈敏......d啡同茶都掂.唯一要講係這間舗d服務一般,3個人都係晒廚房...(開放式)係見到人的, 但=左好耐位都無人講一句野...可能真係做本地人生意...(自己黎啦)....佢仲有好多野可以試.....(下次先)