瑪嘉烈蛋撻店

营业中

休息中

經常大排長龍嘅葡撻舖頭，本身對呢一種「網紅」食店唔會有太大期望，但係佢哋嘅蛋撻的而且確令我有出乎意料嘅感覺。首先，蛋撻非常之嘅熱辣辣，感覺係新鮮出爐嘅，蛋撻皮仲非常之嘅酥脆。而且整體口味唔會偏甜，比我喺葡萄牙食過嘅葡撻更加適合香港人嘅口味。雖然去到嘅時候都好多人排緊隊，但係店員姐姐嘅手腳非常快，排咗冇耐就可以攞到蛋撻。舖頭出邊露天嘅地方有檯燈可以用餐，但係衛生情況就很一般，上一手留低嘅垃圾，並冇好好咁執走佢。

🇲🇴瑪嘉烈蛋撻店·之前澳門咪話會將個買一送一嘅船飛優惠繼續到去6月既 所以我哋一路都想等佢個船飛優惠 點知等極都等唔到🥲最後仲要得返最早8:30嗰班船 所以我哋超早就嚟到咗澳門🤣🤣因為我哋見時間尚早 所以我哋就決定慢慢行吓澳門 冇搭酒店嘅shuttle 最後全日行左21.5k😂·蛋撻$11黎到澳門第一時間梗係要食咗個蛋撻先😌😌瑪嘉烈嘅蛋撻真係好好食 新鮮出爐熱辣辣 出邊個酥皮好脆 中間個蛋好香蛋味 而且甜甜哋咁樣 勁好食🤤🤤·📍新馬路馬統領街金利來大廈17B地舖

每次去澳門🇲🇴, 都一定必食葡撻✨唔食就好似冇去過澳門咁🤣📍小店位於新馬路, 喺小巷內有幾張小枱置於室外露天座通常都會買完即刻企喺側邊食🤫最新鮮熱辣, 最好味! 🥳😋雖然🐉人龍好長, 但排隊時間都好快😲大約10幾分鐘就買到👍🏻🇲🇴澳門有2️⃣間著名的葡撻店：瑪嘉烈(新馬路) 安德魯(路環)安德魯和瑪嘉烈原本是夫婦👫🏻1989年: 創立澳門安德魯餅店, 專門售賣各式西餅, 以葡撻最聞名1997年: 因雙方離婚, 位於市中心的店舖 ➡️便改名為瑪嘉烈蛋撻店🔸葡撻 $11 7.5/10新鮮出爐💖酥皮酥脆香口,層次分明😻蛋漿的奶香同蛋香味都好濃郁🤩蛋好滑～整體唔會太甜😌食完真係好想再食😋🤧本身諗住第2日去食埋安德魯, 但實在太多人排隊, 好彩已經食咗1隻姐～😙

去澳門一定要食葡撻 咁究竟kfc葡撻好食d定澳門葡撻好食d 聽聞kfc同澳門葡撻既配方係一樣😂😂😂個人覺得葡撻偏油 不過新鮮出爐熱辣辣係👌既 下次去試埋安德魯葡撻🧡🧡 又有個傳聞 好本身係兩公婆 不過之後拆咗伙😕

#009遊澳門 喺澳門見到人大排長龍嘅地方就一係打卡地方 一係出名嘅嘢食地方 🧐我同我友人見到條長龍之後都唔使搵路就已經搵到瑪嘉烈😂 瑪嘉烈可以話係數一數二出名嘅葡撻餅舖，圖2就可以睇得出佢有幾歡迎 今次我哋淨係買咗兩個葡撻（$11/1）價錢同香港嘅bake house 差唔多，但係老老實實我食唔出佢同KFC嘅有咩大分別😂無非都係個酥皮香酥啲 但係個蛋撻餡又冇乜分別 🫣重要因為佢唔係啱啱出爐 已經攤凍晒所以我同我友人食完之後都一致覺得冇需要排咁耐隊😂寧願返香港食多幾個Bakehouse好過📍瑪嘉烈蛋撻店地址： 新馬路馬統領街金利來大廈17B推薦：💛💛🤍🤍🤍

每次去澳門，第一站必定去瑪嘉烈食葡撻，已成習慣.以前店舖只有十多人排隊，今日已經變成兩百多人嘅人龍，但即使人客增多幾多，老板娘依然滋滋油淡淡定收錢出票，同門外人龍成強烈對比!我當然明白….. 香港人出外地旅遊，唔可以將自己果套轉落人家身上，當我買葡撻時，老板娘都話感謝我耐心等候.今次再品嚐葡撻，總体上係好味，只係味道明顯淡了. 當然，無比較無問題，一比之下，安德魯更優勝，另文再講.另外，除咗葡撻，其他唔見議買了，坐底品嚐葡撻期間，旁邊坐咗5~6位中山嚟嘅年青人，個個食剩大半個豬扒包，強烈見意我地勿試，仲請我地食一個㖭! 我食咗一啖，豬扒唔似豬扒似薄肉片，而且乾身唔 juicy，深深明白點解變成一口包.PS : 排隊期間，見到人生百態，比食葡撻更精彩！有男人等咗十分鐘唔耐煩發脾氣邊鬧邊走，食完唔讓出座位又有，打開個膠飯盒出嚟食嘢又有，食到D地方污污糟糟又有，所以我食完都唔忍心攪污糟哂D地方，抹乾淨之後就讓出坐位快快離開.

【一更自暴自棄自我放棄的歷史葡撻店👎🏻】澳門最出名嘅當然係葡撻同豬扒包，而我每一次去澳門都一定要食葡撻！好可惜嘅係，瑪嘉烈蛋撻店已經放棄咗自己！·葡撻唔少人都對瑪嘉烈葡撻店有好有壞嘅評價，因為最近開關我都可以去澳門重新懷念一下葡撻嘅味道，可惜嘅係，咬落去第一個感覺太乾，食到中間已經好鹹！唔知道係咪奉旨有遊客嘅幫襯，佢哋對葡撻嘅質素已經慢慢放棄！本身今次諗住去重拾舊有嘅味道，好可惜嘅係換來失望而回！失望嘅係除咗味道，更加嘅係佢哋嘅態度，我諗大家上網都會睇到有關佢哋惡劣態度嘅評論而我都唔再作多講！- 📍瑪嘉烈蛋撻店地址：新馬路馬統領街金利來大廈17B地舖總結：我希望佢哋唔好自我放棄、自暴自棄，如果唔係只會令一心黎食蛋撻嘅人失望而回！

難得與另一半黎澳門開心遊覽上網search下有咩蛋撻好食見到網上寫呢間蛋撻店出名就諗住黎試下現場的確有好多客人相信都是遊客居多滿心歡喜諗住食到好野點知食落係好鹹好鹹，好難食外皮亦唔香脆真係好失望感覺KFC的葡撻都比佢好食價錢亦相對比較貴最重要的是！！店員服務態度好差好差好無禮貌，而且對遊客呼呼喝喝黎遊覽本應是開心事無故被人不禮貌對待真的感覺好差真的建議大家不用特登再來這間光顧了好食的蛋撻在澳門到處都有不要貼錢買難受

同friend去到澳門，一定唔可以錯過呢間嘅葡撻啦！😍😍搵咗一段時間，終於搵到啦，真係非常好味，絕對唔會失望😉一件份量好足！奶香蛋香味好濃！而且好滑呀！酥皮酥脆好香口😝食完之後真係好想再食😋

上一次食瑪嘉烈葡撻已經是十年以上的事，今早想不到食什麼早餐，它又正在附近，便隨手買了兩個。除了價錢貴了很多外，瑪嘉烈葡撻還是瑪嘉烈葡撻，真是十年如一日，非常鬆脆的撻皮，內藏十數層以上。比曲奇香，比拿坡倫卷脆，究竟這麼多年以後，是不是已轉了以機器代替人手，才可保持此水準。厚薄適中的皮，配以大大啖的蛋醬。如果可以食到熱騰騰剛出爐，會不會就從此愛上了它。這真是一個謎，一個難以解開的謎團；因為從來未有機會試過。

📍 瑪嘉烈蛋撻店 新馬路馬統領街金利來大廈17B地舖上次食過安德魯葡撻 今次食瑪嘉烈 兩間都好食 安德魯較多分店6件/$55成日排哂長龍 新鮮出爐 熱辣辣 面頭焗得好靚 有焦糖香 酥皮非常鬆脆 蛋好滑厚度啱啱好 吾會好甜✨

澳門有三大名物美食 葡撻、豬扒包和豬骨煲 。一講到葡撻 大家就會諗起，安德魯和瑪嘉烈。好多澳門人對佢哋嘅故事，都耳熟能詳。安德魯和瑪嘉烈本是夫婦，於1989年 創立澳門安德魯餅店 售賣各式西餅 以葡撻最為著名，曾經瘋魔港澳地區。1997年 佢哋因故離婚。市中心的葡撻店，就改 名為瑪嘉烈蛋撻店。瑪嘉烈蛋撻店 位於新馬路，鄰近新葡京，藏於隱世小巷裏。小店只設有露天座，但有很多本地人和遊客，都會去幫襯 所以通常沒有座位！葡撻 特別之處 鬆脆外皮和香甜奶油蛋漿，加上焦糖表面。剛出爐新鮮熱辣辣， 散發陣陣焦糖香味 ！整體味道偏甜，香脆美味，酥皮底做得較為軟身和鬆化！ 令人愈食愈想食！

—試完安德魯嗰個唔太滿意轉戰另一間出名嘅葡撻店人流絡繹不絕 排隊買嘢條隊都清得快喺門外霸咗個位方便即刻食葡撻($55/6個)即使葡撻早已pack盒 仍然好熱 熱得燙口個種酥皮超鬆化 好有layer 而且都焗得燶反而蛋餡亦冇太大嘅驚喜西柚汁/蘋果汁($20)另外買咗d果汁飲品解渴熱奶茶($12)唔好飲——————————————————瑪嘉烈蛋撻店 Margaret's Café e Nata新馬路馬統領街金利來大廈17B地舖

澳門瑪嘉烈葡撻葡撻黎講，真係無得輸的，可能，因人流密關係，人龍不斷，葡撻不斷出爐，那種熱辣辣的葡撻，真係能夠俘虜到不少人的心😍外皮的酥皮是非常多層，層層分明，但始終是牛油搓的，會有少少油，食完隻手會閃令令的🤣至於個蛋，蛋汁厚度剛剛好，食落都唔太甜，剛剛好，食完會再即時想食多個的而雖然人龍較長，但排隊的時間卻很快捷，排十分鐘內就可買到，門口有些座位，係供客人使用，但一般都滿座的，要眼明手快啊，先到先得

員工態度惡劣，收銀呀嬸完全係雙面人，秒變臉，對前面排隊既韓國姐姐勁好人，但用惡劣既態度對三人行既我們，而且俾野我既呀嬸態度都十分差，前面對 情侶俾佢哋話到狗血淋頭，一個字慘!出名大曬呀！絕對唔會幫襯第二次，完全唔值。😡