義順鮮奶 (已搬遷) 新店位置

繼續3日2夜澳門之旅，食完祥記，食完三元，買咗少少手信，行返出大馬路離去，好似爭咁啲嘢，經過義順，記得了，原來係爭甜品，店內八成滿，不過其實還有樓上一層，在樓下揾到位，點了凍紅豆雙皮燉奶($33)，只不過從雪櫃取出來，但都等了幾分鐘，先嚐一口燉奶，可能凍食關係，所以聞唔到太多奶香，燉奶味濃但又甜度適中，滑滑的，再加上紅豆一齊同樣沒有過甜，雖然不是最好，但比起香港好好多了。

We went to this place because it is famous for steamed milk and we got a pretty good one, though I don't know if it is any better than others we have eaten.We sat down and ordered steamed milk.  Within a minute a hot bowl was plopped on the table.  Being volcanic, it took a while before we could dig in.  The milk had quite a thick skin on it and under that, the texture was silky and good.  One slight issue was that there was a wateriness in places and there were pools of thin milk.  Aside from t

每次來到澳門，總有一些「既定」的食品，確有一種非吃不可的衝動，既使知道在香港不難找到，甚至其反映的真正味道，也是不過爾爾，一句到底，人在馬交，我就是要吃。豬扒包如是，至於另一樣東西，就是澳門的燉奶，基於時間與次數等關係，到現在，我只試過義順的出品，曾是議事亭前地的熱店，卻是不敵昂貴租金，只好遷往一間位於新馬路較細的鋪位，賣的東西也減了不少。盡管變化不少，每次來到後，還是為這碗燉奶而甘心等待，現在物價昂貴，可要近廿五、六元一碗，也不要求加甚麼紅豆及蓮子等物，但一定要熱吃，軟滑的質感，期間也不難找出那塊薄皮，其帶出的濃郁奶味，雖稍為甜了一點，始終吃過之後，才會教人滿足。也不肯定其所用的牛奶，是否真的從甚麼珠海及中山的農場運來，有質素就是了。其實放眼這裡，除了水吧飲品外，更有豬扒包、菠蘿油及公仔麵等供應，就仿如一間冰室一般，所以多是人頭湧湧的場面。不過下次再來的話，我可會去另一間的保健牛奶了。陵之微調：平評分：味道 3.5 環境 3 服務 3 衛生 3 抵食 3用餐於二零一三年七月十四日晚上

2月3日, 一家三口澳門之旅就快告一段落, 臨走前就去義順食個雙皮奶為今次小旅行畫上句號~ 其實香港都有義順, 不過如果想食燉奶, 最有信心嘅都係非義順莫屬.::: 凍馳名雙皮燉奶 ::: $25其實凍燉奶都已經係一早整好, 但都等咗一陣先上枱. 不過呢個雙皮奶個皮就真係認真麻麻… 細細塊仲要歪埋一邊… 個碗邊又黐笠笠咁. 凍嘅雙皮奶就一定唔係食佢嘅滑溜質地, 但呢個凍奶質地都未免有點兒過老. 唯一可取嘅係佢奶味算係幾香濃, 兼且甜度適中, 叫做合格啦!其實以前都食過澳門嘅義順鮮奶感覺唔錯, 但今次再食就覺得退步咗. 不論係衛生環境, 服務態度都係一般, 隔離枱仲同個侍應有d爭拗, 用餐感受真係大不如前. 對上一次去澳門試過更地道嘅保健鮮奶, 好似比越做越大嘅義順更好!

上星期六第一次去澳門，天氣熱到人都瘋，仲要係條街度行左好耐，先到大馬路。一見到義順--我上網睇屬於幾高人氣的鋪頭，即刻拉埋我個FD入去。環境OK LA，挺乾淨，星期六去，好多遊客，都唔使等位算好好一睇餐牌，價錢中等，叫左一個豬仔包及菠蘿鮮油包，一杯紅豆冰及什果冰(吓?幫襯義順唔係食雙皮奶?!)好，飲品黎先。我飲果杯係紅豆冰，冇咩甜味，紅豆亦唔係起沙，粒粒分明，口感偏硬。我個FD就飲什果冰，甜甜酸酸，不過不失等多一陣，果兩個包都黎。我第一次去澳門食馳名豬仔包，唔識分好壞，只係覺得個包有D硬，但D料好足，大大塊豬扖，口感都唔算乾，算幾好但個菠蘿鮮油包，即係菠蘿包加牛油係中間，就唔係咁好。 個包口感有D"淋"，可能係香港食得多，即刻比下去

話說早幾日我有朋友從香港同新加坡過黎，所以我就盡地主之誼帶左佢地去新馬路食燉奶。因為時間剛好介乎早午餐，所以就叫多左件飽同碗麵。燉奶味道一如以往，有濃濃既奶香味 。但係件辣魚飽就好似未發育咁，辣魚小，飽又乾。最唔抵食既就係碗腸蛋公仔麵，碗湯淡如清水，毫無味道，竟然要$30 。結果我地大失所望 ，去左瑪xx葡撻旁邊食魚片米補數（價錢比義順仲平！）I brought my Hong Kong and Singapore friends to Yee Shun couple days ago to try thief famous milk pudding. Since it was brunch time, so we order a spicy fish bun and a susage+egg noodle as well. The milk pudding was at it's usual standard- creamy and smooth . However, the bun and noodle was really disappointing. The bun was v

Mar-18-2012 (SUN)還記得對上一次嚟義順已經係幾年前，今次重遊到舊舖原來經已轉咗手變了鉅記。我哋唯有行番出去第二間義順分店試吓。當我哋入到店舖後發現顧客出奇的少，相對比較舊舖人山人海大大的有出入。最後只叫了豬扒飽和彊汁撞奶。豬扒飽皮還脆，但係係番熱架，而且豬扒冇汁，有點不像舊有即叫即製既馳名豬扒飽。而彊汁撞奶價格和味道同香港義順食到的冇咩分別。下次都會留肚選擇其他的去賞試。

食飽晚餐意猶未盡, 再去搵甜品食~我們點了:1) 薑汁撞奶: 超滑, 而且個薑汁味遠遠已經聞到, 食落去辣辣地~正~2) 木瓜西米露: 佢一拎個杯埋黎, 仲以為佢俾錯, 冇諗過西米露會係一杯, 而非一碗...有鮮木瓜味~唔會太甜~好味道...開頭以為好大杯...點知個杯好淺的.....整體來說...$50 兩樣野唔係咁抵~澳門都係麵食抵好多

平時都有喺香港食過幾好味! 食完晚飯行過又想食甜品就行咗入去!有兩個待應企喺度, 但佢哋係見有人行入去, 都當睇唔到, 唔會理你!我哋兩個人見有位就坐啦, 到叫人寫野, 個女待應都係眼都唔望你一眼, 只係話"食乜?" ,你有你叫, 你講完佢就行開去Order, 說話就唔更加洗講係無尾音啦!平時香港食熱薑汁撞奶 or 飲木瓜奶都好味, 今次就試咗凍雙皮奶 & 木瓜奶。我只可以話木瓜奶淡而無味道 凍雙皮奶就唔滑, 水多, 無奶味! 整個過程, 我哋唔洗5分鍾就要起身離開!無諗過係食物同服務都係咁差, 真係唔會再去啦!

早知就應該上黎睇左食評先!!一入到去,,唔係好多人,,但係已經見到D waitress黑口黑面,,根本無服務可言一坐低,,見到個waitress係度話隔離枱個男人,,雖然聽唔明佢講咩,,但見到個男人個樣好無辜,,叫左個雙皮奶,,本身好鐘意食香港個間諗住澳門的會滑D好味D,,所以黎試下,,但點知一上,,好似其他食評咁講,,雙皮奶根本無雙皮!! 咁做咩叫雙皮奶!! 連單皮都無!! 不如改名叫做無皮奶啦!! 貨不對辦!!再試,,係熱,,但無香港的咁熱,,味道麻麻,,唔會再有下次嬲得滯無映到相

眼見人人都好似講到香港澳門嘅義順相差甚遠咁，所以就入去試下。（其實都想去保健，但抄錯咗個地址所以無去）入到去因為樓下無位俾人叫咗上樓上。原本想叫熱嘅雙皮奶，但係自己真係熱到發癲，所以唯有試下凍啦（皆因曾經試過食冷嘅糖水食到肚疼，之後就怕怕喇）。食落冇熱的那麼香，但的而且確係比香港的滑，但當我們吃了一半時，一陣奇怪的氣味卻飄散過來 ---- 廁所傳出來嘅異味！ 那種混合了廁所內嘅廁所水味和消毒藥水混合嘅氣味實在令人反胃，無奈站在旁邊的兩位侍應卻毫無反應，結果我們三扒兩撥KO 了碗糖水就急急腳走人了。 埋單時老闆原本想找＄60葡幣給我們的，但望我們兩眼就換了六張港幣十蚊，都算佢有心！雖然這可能只是一次性的經歷，始終覺得要在此奉勸各位盡可能在留在樓下雅座吧。

我食左凍雙皮奶. (個人覺得食燉蛋/橔奶. 係熱食最好食, 但係因為天氣太熱的關係, 所以食凍) 覺得好淡, 好水. 完全失望早知食橔奶見來左澳門旅行都未食過豬扒包, 就之後叫左個豬扒包, 以為義順出名燉蛋/橔奶, 豬扒包呢D副產品應該普通, 但出奇地好食面包剛焗熱, 很香脆, 入面查左牛油, 豬扒很美味, 唔乾, 成個組合都好好食! 小記: 坐收銀的女士很細心地提醒顧客要襯熱食豬扒包, 如果唔係就唔好味 : >!

從來只有人說要將單眼皮變成雙眼皮，何來倒過來呢？甚或是說要冇眼皮，本人說的是我們的點的那碗雙皮奶，大家好好看下去就會明白。與家人一起遊濠江，吃過了一點東西作早餐之後，又未夠時間吃下一場訂了座的飯店，路經義順，商討一會就入座吃，三人本來想吃兩碗，畢竟還有很多站要吃，不過店家說是要按人頭點東西，不然就要另收八元，所以最後屈服點多一碗。先來的是冰花燉蛋，吃起來都幾夠熱，不過感覺就沒有如上回在保健吃到的燙口，不過都幾滑而且很夠實，質感上個人認為是可以再滑一點，而論味道，此燉蛋甜度適中，蛋味足夠，但本人同樣認為是可以再好一點，因為這程度的蛋香，在香港的澳牛也吃得到。薑汁撞奶是只能剛撞成固態，所以還是有種很流動很軟的感覺，不過本人喜歡它一點，它的薑味真的超強，所以可能因此遮了點牛奶味吧，不過整體而言，確實是香滑美味。最後要嚐的是雙皮奶，也真的有很不俗的奶香，不過就不及上回來澳門吃過的保健，而其滑度則不及澳洲牛奶公司，但考慮到其實這方面也已經在一個很不錯的水平，兩者未至最優但也兼備，拉勻平均分都很不錯，不過有一點很奇怪，究竟雙皮奶那兩層皮去了哪？其實個人而言，有沒有皮也不太介意，畢竟本人也不是太喜歡

仲記得之前係義順食個雙皮奶.....點知冇雙皮-,- ((幾次了...之後我就去問個waitress,,佢就話:係咁架啦~ (擺係)出面哥d都係冇雙皮架喇~我地冇整層皮好耐架喇....之後我食完....埋完單...發現擺係出面個櫃哥d有d有,,有d冇 (層雙皮)....我又走去問佢搞乜,,,,佢居然同我講 : 我點知呀 !? 哥陣我超激囉 仲無啦啦殺多我3蚊雞-,-18變21 ,, 番到屋企先醒起-,-------------------------------置於個味道....冇乜味....... 同d冇味豆腐花差唔多-,-冇下次~

無嚟澳門一排,原來義順牛奶搬咗去大馬路,新鋪似乎位置更佳,換轉在香港,應該會開金鋪.義順新鋪,格局跟舊鋪幾乎一模一樣,連樓上雅座都照搬,新鋪仲要開多一層,前後三層樓,樓底仲要幾高添,要食甜品,先要行樓梯減吓肥嘞.香港也有義順牛奶,但很少會花廿幾蚊食碗雙皮奶,反而吃牛肉通粉比較多.人在澳門心情特別輕鬆,不知不覺又會想吃吃這些小食,呢啲可能就係澳門的魅力.兩人點了一杯菠蘿冰,一碗紅豆雙皮奶菠蘿冰--冰底不是碎冰,而是一大粒一大粒的,吃得比較麻煩.糖水用回浸菠蘿的,帶點微酸的菠蘿味.炎炎夏喝一杯,透心涼!筆者並不鼓勵試其鮮奶菠蘿,之前試過,兩者完全不夾,還是喝菠蘿冰比較穩陣.紅豆雙皮奶--在女朋友要求下點了凍的,本身已經不寄厚望.但其紅豆底實在很糟,甜味不夠而且還沒煮淋,跟廣州南信和開記是完全沒法比.雙皮奶也是偏淡.結果女朋友又駛出其絕招"轉換",用雙皮奶和我換菠蘿冰,真開心!!二人埋單MOP37,水準平平,路經可以一吃.