譚家魚翅

营业中

休息中

第三次食了…三次都係異常肚餓下食…作為掃街前醫醫肚的正餐係一個好選擇地點:個人很喜歡紅窗門街的特色，未去過其他分點食物:不是特別好食，但次次都食服務:一般P.S.小食杏仁餅需收錢，又唔好食，但可以係佢上個時話佢知唔需要

每次黎到澳門都會食魚翅~ 又平又正又抵食既一定係呢間『譚家』了!❤️譚家分店去過幾間, 魚翅街呢度真係第一次黎, 一入門口會先去到佢地賣魚翅既舖頭, 再直行入面先係食野既地方雖然未到食飯時間, 但入面都有好多人, 真係唔可以睇下人類中意食魚翅既威力!😆😆😆一入到黎未食野職員已經先為客人準備好小食, 茶 同 紙巾唔通我記錯?! 🤔🤔🤔其他分店好似冇呢d服務架播……呢間真係未食已經先收費~ 😔小食($6/位), 茶芥($6/位), 紙巾($3) 都要收費嫁! 仲有未計加一, 呢度都收左大家幾廿蚊, 真係識賺錢! 同男朋友一人叫左一個窩, 當然食返2個唔同款嫁喇!石窩中鮑翅(2兩) $55 vs 蠔仔中鮑翅(無提供) $55睇黎每家做法都會有所不同! 仲記得以前食過果間個魚翅湯底係好濃身而且帶少少啡橙色不過呢度既係偏黃色, 同魚翅個色有d似, 賣相感覺好似冇咁吸引~石窩中鮑翅(2兩)話雖如此, 不過呢個魚翅既份量真係唔可以睇少~ 足足有3塊!! 😍😍😍可能一塊比較細同輕, 所以其中一塊都較為厚身同大塊! 食落唔算好有魚翅既味道, 不過口感一流! 真係有d唔夠喉! 😆湯汁味道都ok唔會過濃, 不

今年第二次到澳門，上次食過添發，今次試譚家。可能平日，—去到就有位。叫左個海參花膠翅。—上枱，熱騰騰，冬天來食一流。一讚！至於，小食仁杏餅，乾而無味，極力建議退回不要。講番個翅，湯底偏濃，好彩5係味精。花膠炸過而非原件，一差！海參太冧又5爽，二差，魚翅幼而小，三差。真係對譚家有Ｄ失望。

每個月的澳門trip,今次又試新野luuuuu~今次食譚家魚翅.一般吧.價錢尚可.聽說要排隊..但星期天好運,不用排隊!!餐廳內環境.核桃小食,要收十元,其實可以不要的.主菜:花膠翅骨湯佢好足料, 花膠不太"林" 有口感,味道可以可以,但有點失望是:不夠熱!!湯是要熱呼呼的才是大讚!!看看!!是十分足料的.而且不是便宜貨. 石窩中鮑翅.熱度加分!!味道夠味, 魚翅味跟湯合為一起.d "獻"都打得幾好..唔會令到個翅 "結塔塔"!!呢個好味!!上到枱是熱到起泡泡的!!吸引!!!最後埋單:

這間譚記是前舖後餐廳。廚師用了石頭窩做盛器，將魚翅和湯放下去，好熱。碗內有一個翅，好好肉。其餘是湯，比較咸一些。價格都ok，晚上有小菜，和香港餐廳價錢ok，但要收茶芥。他們會給小吃(合桃和纸巾)。如果你不要，可以叫他取走，不收錢但要收茶錢。

在香港食o左几餐劲好，游过几个名胜地后。。。依家就转到去澳门咯！澳门，地方细细抵但系美食就多一囖囖！ 单系吃个早餐都要念爆头啊，都唔知道应该先吃边样好！。。。带住老公仔同埋班好姐妹们就前往富隆新街去食餐劲豪华先！姐妹们第一次到澳门，睇见条干净老街仲有o甘多红窗口，话得意。。。单系影相就搞o左两粒钟！ 杀到入譚家魚翅 已经系晚餐时分咯。。。 譚家魚翅 就系一个小区就有好几间，但系我就偏爱依间！睇它门面细细间，但系一行埋去里面就古色古香，地方又够大喔！先讲服务，美中不足啊～ 滴妹妹仔面口无笑容，她们讲华语，我哋常年在malaysia一样又系讲华语，但系就要每次重覆又重覆o甘她们先会明白我哋问么！ 唔知系唔系我哋o既华语发音有问题咧？！ “交流”o左一轮过后，点o左6人套餐再加多几样单点，等开饭！o甘次o既谭家鱼翅整体来讲都算系ok咯。。。 有惊都有喜。姐妹们食过滴鱼翅后返到来Malaysia逢亲去饮食鱼翅时都会提起话，澳门o既鱼翅系一疏疏o架，Malaysia无得来啊！

一入到去坐, 佢地好好招呼…仲擺左碟杏仁+譚家紙巾俾我地~於是我地問呢d收唔收$$原來係收ga~所以我地話唔要小食+紙巾~如果唔係要俾多$11大家真係要考慮清楚要定唔要~我地點了一個石鍋中鮑翅+ 一個花膠翅~售價唔算貴, 但都已經好多翅~真係好抵~而且個湯係雞湯~~好香~同個翅真係極配~!最重要係佢地個翅一上台..仲係滾緊熱辣辣的~(睇下段片就知有幾滾)所以真係要慢慢食~~而我食的花膠翅都真材實料~食完會痴住個嘴

石窩中鮑翅 ($55)、黃燜大排翅 ($48)上年試過幾抵食，今次响福隆新街店再試，味道仍然，適合鍾意較濃味嘅人士。不過份量就少過上次D，係咪個別店舖問題呢？無論如何總比“添發碗仔翅美食”好得多，連附近咀香園的伙計都這様說：「想食平翅去添發啦，想食好D不如加多廿蚊常幫襯譚家魚翅啦，好食好多……」鮑羅萬有($98)上次試過聚寶佛跳牆，今次試下鮑羅萬有，可能因為有菜啦，鮑羅萬有無佛跳牆咁漏，可能係有菜啦！但係我都係鍾意杰杰地嘅佛跳牆多D。孖寶曰本干鮑+鮮鮑($138)老實講安記嘅即食干鮑好食好多。同一時間試勻干鮑、鮮鮑的確幾得意，干鮑啜牙煙韌；鮮鮑就爽得好似雞脾菇，分別都幾大。而我最欣賞嘅反而係D茨汁，用來浸芥蘭比原來的翅湯芥蘭($18)更和味。