陶陶居海鮮火鍋酒家 (已結業)

因為每次週末都訂唔到位，今次星期五中午去試菜。 跟旅遊書推介， 點了。 個肥夥計，郭鳳X 話有蝦子，心裡暗自覺得奇怪。 因為敏感， 所以聲明要走蝦子。 看到佢落的單寫住， 走蝦子， 知道出咗問題。 向佢問個清楚。 點知佢話我地無講明麒麟柚皮， 即時反眼兼 jip 一聲。 嘩！我從來都未見過咁離譜的服務態度， 而且，重係澳門添。 於是， 要求換回。 佢攪咗一輪，返來比翻張單我地， 哈！重攪野，佢竟然可以問都唔問一聲就幫我地取消咗個。咁差的服務真是令澳門的同業蒙羞。 後來發覺，佢又漏單，沒有落叉燒飯。叫另外一個阿姐再落單，呢位阿姐叫我地向郭鳳X詐型。睇黎，呢個郭鳳X和同事的關係都是麻麻。

是看了太多的好评才去了这家，点了几乎所有人都推荐的鸡煲翅，550元，汤确实很鲜，但完全是鸡汤和火腿的味道，所以觉得信价比不高，确实比较贵，但味道不错的。其他的味道也不错。

到達馬交，一行六人殺入陶陶居酒家。下晝12點半，好在事先有訂位，如果唔係門口個姐姐仔話要等成個鐘。點左個古法瓦罉雞煲翅(半份) 880蚊，每人有兩碗翅(第二碗得番湯)，湯夠濃，翅夠多，都幾粗下，食得過!!!!金錢蟹盒(6隻) 72蚊，唔係好OK，言過其實，我覺得平時係街邊食既炸雲吞仲好味D，唔係好抵食!炸鮮奶 (13蚊3件)，都幾好食。煎紫米珍珠雞22蚊，煎既珍珠雞真係第一次食，雖然好多油，但都幾特別，幾好食!仲叫左個雞湯珍菌滑豆腐、幾個點心同腸粉，一般貨色!食到飽飽，每位210蚊!!!

2009年9月9日下午1:30來到時,已有人正在等位,嘩! 好肚餓, 點算?好在侍應問會否食300元以上,原來小菜廳未滿座,但要食300元以上才可以坐,一心來食翅, 當然可以啦.立即入坐.點了: 古法瓦罉雞煲翅(足6両翅) - $550, 足料, 可分6小碗, 雞湯底濃, 起膠, 超好食. 金錢蟹盒 - $48, 有四隻, 脆口, 但有d油膩. 蝦餃 - $22, 即叫即蒸, 好味. 蝦子燒賣 - $18, 又係即叫即蒸, 掂.埋單(連加一和茶錢): $720在小菜廳比較靜, 大廳很嘈,可惜沒有禁煙區,服務很好.

上次同朋友去過一次, 好正, 今次再去當然要食翅. 一樣咁好味, 一梳梳, 又入味, 又滑. D湯好濃, HK$880夠6個人食. 其他小菜都幾好, 值得推介.

我們一行14人，雖然訂了位但也要在外面等一會兒才進來。沒辦法，是日為星期六還要是一時半，最後我們14人逼進了一張8人檯。由於人多的關係，所以叫了很多點心，也記不清有些什麼，印象深刻的有:湯 是花膠雞湯，味道超級濃而且很"膠"，加上已成奶白色，便知道的確是真才實料，很夠火候，非常好。這個湯其實有點像吃魚翅的湯底，價錢也不便宜，我建議下次還是吃魚翅會好一點。咸水角 我最喜歡的咸水角! 這裡也做得不錯，裡面是煙煙韌韌的，但外面仍然是脆皮。鴛鴦米 由於名稱太長了，只記得是鴛鴦米。鴛鴦米其實是米粉及粉絲，加上節瓜絲等炒成，十分清淡，不過米粉和粉絲好像不太能混在一起，最後我只能吃到粉絲。味道是挺好的，很多原本說不吃的最後也吃了一大碗。實在叫了太太太太多東西了，一時間不能寫出。整體來說是可以的，點心價錢也算便宜，款式多，但印象未見深刻。14人每人$100，貴只是貴在那兩煲湯，有機會的話希望可以來吃魚翅呀。

向來到澳門晚飯都以龍記為主,但近兩三趟巳變節到陶陶居上次食得較豪,今次簡單Ｄ牛肉粒入味有９分金菇上湯竹笙略淡７分紅燒乳鴿正常水準７分芝士焗中虾好正滿分10分加埋支澳門特有紅酒又係10分如果唔係要坐船返港,一定劈多支

襯住放大假,同埋屋企人一齊過江搵吃,吃咗成日,嚟到尾站食埋,跟手仲可以買埋手信,就可以抬個胃返屋企,一去到等位等咗大約20分鐘,一坐底即刻先 Order 一煲"砂煲雞翅"&"炸鮮奶"點知....... ........"炸鮮奶"賣晒呀....!不過唔緊要好彩仲有煲翅.....,講都無乜人信,幾百蚊就食到好似食麵咁嘅翅.(有相睇呀,無講大話架)其實之前公司要過嚟開會,嚟過食晚飯,覺得煲翅好得,所以今日再嚟,不過下次要早D嚟食炸鮮奶.

到了6點, 和老豆來陶記啦!訂唔倒位, 要黎等檯;似乎海嘯對陶記好像冇咩影響咁....5人, 叫了:古法瓦罉雞煲翅竹笙米湯浸營養蔬砂鍋山楂肉排貴妃童子雞八珍扒大鴨貴妃童子雞先上, 嘩, 半隻又真的幾細隻, 個碟都細d.味ok.但唔太明個名, 又貴妃又童子, 點呀...古法瓦罉雞煲翅叫了例的; 6兩;都唔少架啦; 味很好;我最愛個雞湯底, 真的好好飲.又唔似港式果d 好像飲獻水咁杰, 係清湯, 味好不同.texture 入口都好唔同.總之正啦, 係必飲的!砂鍋山楂肉排之後黎, 唔係好大碟, 但好入味.唔覺好重山楂味; 好像係特濃咕嚕肉醬咁.送飯一流.竹笙米湯浸營養蔬一般, 都係叫個菜, 等唔好全都係肉.有個火heat住, 勁熱.味一般.豬豬女友如果有黎實鬧煲到d 維他命c 冇晒雲迅和妹叫的八珍扒大鴨最後才有得食.都唔錯, 鴨都幾大隻;八珍又幾配合, 味ok;係略油.服務很好.

終於係上船返香港前，食今次澳門之旅的主打 !!一早知要 book 翅，所以我留左陶陶居的電話叫媽媽訂位同訂翅～聴電話的 staff 好好人，主動講解咩價的翅夠我地食～仲問埋我媽媽洗咪訂埋蟹盒 ~~去到等左一陣，就安排我地坐樓下，我地一點完菜，翅同蟹盒就上枱 lu ~~古法雞燉翅：真係好足料，個湯濃得黎又唔會太杰～真係夾得起架～食完唔會太漏～咁既價錢咁既質素認真唔錯 !!蟹盒：真係炸得脆個皮又唔夠，但真係得好少，一人三啖就食完～而且冇蟹肉，得豬肉～菜菜煲（唔記得左個名 ）：個湯好清，好多菜，而且有個火熱住，如果想叫返個菜又唔想食清炒，蒜炒的，呢個係一個好選擇～仲叫多左個煲仔，味道唔錯，不過無咩驚喜～鐘意食翅的去開澳門真係應該一試～

去過陶陶居好多次la~~~但係都係第一次寫佢~~每次去都一定會食炸鮮奶,佢炸ge方式其他地方好唔同~~(睇相就知~)個小籠包勁多汁響裡面,超正~~叫咗個麵---榨菜火鴨絲炆米~~~超級麻麻,d味道冇咩特別,而且咸咗d~~~唔會再食呢個炆米la~~整體上嚟講中規中矩咁la~~~明明冇比濕紙巾我地,問佢地攞,就周圍咁問人有冇比過我地,仲當住我地面咁指指點點,呢方面就差咗d~~~

千山萬水, "娟lon娟la",終於喺福隆新街俾我哋揾到lee間亞蘇介紹過嘅陶陶居. 我哋一團6人抱住好期待嘅心情到MACAU逐一擊破每一美食......不知所謂, 不知所謂. 什麼蟹盒好食, 什麼個皮脆到離譜, 試過就知咩叫做"離曬譜"! 蟹盒個皮不但唔脆仲油淋淋. 其實蟹盒就好似我哋去酒樓食嗰D煎魚餅, 但我同你講lee個蟹盒仲哀過我吔去D屋邨茶摟嘅煎魚餅. 個皮脆?? 亞蘇食嗰舊就脆?!! lee間酒樓狗眼看人低, 一D服務都無. 係!我吔入去只order蟹盒但唔該你大方D啦, 一睇就知我哋嚟試嘢,好老實去MACAU大部份人都去2日1夜,去試食嘅時間可能只得幾個鐘, 每人都想去試唔同嘅嘢食, 時間無多, 但如果你D嘢 "掂", 你一定有本事留低我哋係你食肆多一陣. 如果你D嘢 "掂", 我哋lee D "試客"就唔只order一份蟹盒咁少啦. 最僧做食肆嘅人做得咁唔大方!好心你哋掉自己"架"唔緊要, 唔好再令寫好你哋嘅食家掉"架"啦......

今次已經係第3次來陶陶居, 我地係預早幾日前係香港打電話訂枱, 所以一來到就有位喇!仲記得第 一次來係跟舊公司既全體同事來既, 果時公司來澳門上training, 有個部門既manager出名識飲識食, 係佢介紹黎呢度食晚飯, 果次就係我第一次係陶陶居邂逅"古法瓦煲雞燉翅"喇...從此就算再食別家既翅, 不管是任何煮法, 我都只會對它情有獨鍾, 念念不忘! 幾乎每次來澳門都要拜訪呢度....講番我地今次食既野, 只係order咗3樣...1. 古法瓦煲雞燉翅 ($550, 有六両) 2. 魚湯浸豆苗 3. 蟹盒 ($12/個, 最少4個起)蟹盒:雞燉翅同蟹盒都係呢度既招牌菜, 之前一直都好想試蟹盒, 加上早排阿蘇都係節目度激讚師傅整蟹盒既炸功, 所以今次我早早就預訂了! 淨睇賣相確實唔錯wor, 食果時可以點少少紅醋, 第一啖咬落去....嘩, 真係好脆wor!! 而且呢種"脆"係同一般既炸物好唔一樣, 因為個炸皮係超超超薄, 好鬆化, 最難得係冇乜油膩感tim!! 照道理咁薄既皮, 一咬落去裡面d餡好易會hold唔住跌咗出黎, 但呢個蟹盒冇呢個情況, 功夫真係好好! 不過講到

陶陶居不嬲出名係訂位先有位~~我地去澳門早幾日打去BOOK定枱~不過佢比一個鐘時間我地食咋~好在佢好D餸好快上枱~~我地有食粟子鴨同蟹蓋~~要幾日訂先有粟子鴨>>>好好味~~好多栗子,鴨肉,蛋黃~(推介)蟹蓋>>>>都OK~

十點鐘船，看完騷後只剩下一小時多，人還身在路乙水的深深處。一散場後立刻在人群中左穿右插，飛的出新馬路。到達時只剩一小時，吩咐部長落一味的單就先上一味，所有要等的不要點，幸好結果成功達陣，毋須滯留澳門。瓦煲翅，好得沒缺點。奶白色的翅湯加上大梳大梳的翅，不用筷子根本無法享用，六個人每人有一碗多，實在令人異常興奮。不過近年每每吃過翅後都有些莫名的罪咎感，還是要再一次地提醒自己少吃為妙。炸子雞和叉燒都有十足份量，而且都同樣燒/炸的香口，叉燒甜甜的。總覺得澳門的雞可能新鮮一點，好像很有雞味，只是同時骨架又大了一點似的。魚湯津白，魚湯才是重點，剛喝過翅湯仍要再來一碗。原本淡淡的津白也汲取了魚湯，味道立時提昇了不少。連最後簡簡單單的蒸雲耳也殊不簡單，醬汁剛好配合，將餘下的白飯清理掉。另外其實還有幾道家常的肉肉菜菜，但狼吞虎嚥之下也就無法記下那麼多了。四十分鐘內清檯走人，邊吃著附送的生果邊飛奔落街截的士，飽得不得了。吃翅吃得像快餐的也是第一次(也沒有下一次)吧？服務在我們的不斷催促下也沒有走樣，算是不俗的了。百幾蚊，真的抵得很交關。下次會再來吃海鮮和蟹盒的。