雅馨緬甸餐廳

营业中

休息中

#MC帶你去澳門.三盞燈係唔少緬甸人聚居嘅地方，因此有澳門小緬甸之稱。其中一間係小編每一次嚟澳門都要食嘅！餐廳價錢親民而且味道又夠地道！➖✨ 雅馨緬甸餐廳.由雅香粉麵咖啡開業三十多年，其後於1999年開設雅馨緬甸餐廳，並開業至今；餐廳主打道地緬甸菜，裝潢卻保留著葡國風，十分特別。➖🥢 魚湯粉｜$33（⭐招牌）.湯底以塘虱魚熬成，呈枯黃色色澤，並將魚肉磨成蓉混入湯粉中，因此湯汁質地濃稠；魚湯無腥味，味道惹味正宗。➖🥢 馬拉盞雞絲撈麵｜$46（⭐招牌）.撈麵上面鋪滿香辣半乾嘅濕蝦茸及香嫩雞絲，份量十足！油麵麵體煙韌偏軟腍，緬甸馬拉盞味道咸香又惹味。唯一美中不足就係撈麵會食到太口乾。➖🥢 咖哩牛腩薄餅｜$44.咖喱味香濃不辣，牛腩軟腍入味，搭配酥脆牛油薄餅，大人小朋友都食得。➖🥢 鮮油咖央多｜$17（⭐推薦）.多士表面微微焦香，賣相非常吸引！咬落酥脆香口，厚厚既牛油加上香甜咖央醬，口感十足，超級邪惡！➖🥢 鹵水豬耳｜$48.豬耳爽脆而且滷汁入味，不過不失。➖🥢 緬甸奶茶（熱）｜$16（⭐推薦）.緬甸奶茶茶味偏重帶微微澀味，入口滑順細膩，道地風味。➖🥢 營養烏豆漿｜$15.豆香味濃，甜度適中。

見食評好好，所以有希望，實際就係有些失望。這間餐是我澳兩天遊其中必吃的餐廳之一，但下次唔會再去。叫了出名的椰汁雞湯麵，魚湯粉，菜芯，先講價錢，粉麵都好似幾平，其實好細碗，幾啖就食完，椰汁雞湯麵還可以，但本人不喜愛麵的質地，有些像車仔麵的油麵，有些鹼水味，而魚湯粉就更不明白為何叫做魚湯粉，沒有魚，有香料味嘅湯，有些小豆餅配金邊粉，至於菜芯是香港粉麵檔的灼菜，不知為何要30元。至於環境，雖然舊，但乾淨的，如果早些開冷氣會更好，好掛住香港的魚蛋粉了。

🍴魚湯粉 $33 (8/10)係緬甸的傳統小吃，湯底以多種香料和魚熬成，將米粉燙熟，再加上配料！魚湯勁香濃，用咗搪塞魚加香料去煲，食落去淡淡魚味又有一個好特別嘅香料味，幾香幾好食嘅，配埋米粉整個感覺襯托咗魚之外，仲可以飽肚！尚未仲有少少脆脆增加口！🍴雞絲撈 $33 (6/10)叫錯咗，見到張圖入邊有馬拉盞，但呢一個淨係雞絲撈麵，就係一個普通豉油撈麵嘅，啲雞絲都比較乾，一定一定要叫馬拉盞唔好叫錯😂
🍴緬甸奶茶 凍 $18 (7/10)飲落去冇咩特別，同普通嘅奶茶差唔多，不過個茶底應該係用咗緬甸嘅茶葉，同平時飲開嘅港式奶茶有少少唔同。推薦指數: 8/10魚湯粉真係世一，下次想試吓馬拉盞同埋椰汁雞撈麵，如果食得曬就想食埋小食添！

馬拉盞雞絲撈麵 口感好DRY冇湯，但咸香甜味都有齊，食落幾特別。如果中意味濃，可以一試!椰汁雞麵 好香既椰汁，雞件唔算多，但食起黎都幾嫩滑! 同埋油麵好掛汁，雖然份量唔算多，但好快就飽。魚湯粉 好重薑味，呢碗我最中意。後面2個湯麵既湯底都好結身，所以食幾啖都好快飽，但平時可能比較小食呢類既菜色，所以味道唔算好岩我地胃口，但見好多人介紹，我覺得未食過既都可以黎試下。現場環境比較窄，客人都多，所以食得都有d壓力同趕。

難得和妹妹二人濠江滿載遊，當然要捐窿捐隙搵美食，鎖定了培正中學附近的緬甸餐館。我倆有澳門通，由酒店坐巴士，只需三蚊雞來到高士德，唔洗飛的囉!   十二點前來到緬甸餐廳，剛好G floor有二人座位，無需貢上閣樓。參考餐牌推介，選擇二大人氣粉麵，再加奶茶油炸鬼套餐。   椰汁雞麵   黃色杰撻撻一pat pat的椰汁雞，不見紅油，應該不辣吧！  雞肉是先炸好，待客人點餐後才放在碗裡淋上螢光色椰汁。咖哩湯底不太辣，仍嚐到麵身帶鹼水味。 魚湯粉  配馬豆餅      濃稠的湯身有魚肉碎， 還有不同的香料，帶著宋嫂魚的影子。  但比椰汁雞麵更香更辣。香料也中和了馬豆餅的鹼水味。 緬甸奶茶配原條炸麵  餐牌大大張圖片介紹食用方法，很吸引。當中又標榜是緬甸茶葉，所以想試試。奶茶，糖，自己落。油炸鬼炸得不太硬，不乾身;浸在奶茶裡，容易吸附緬甸奶茶 。而油炸鬼原本的油脂剛好跟奶茶融合，也許這令奶茶唔削脷，無鞋口。   來到一點左右，客人驟增，店門已有多人在等候。可能是酒店退房後，再到此午餐。幸好我倆早早來到。 

🇲🇲雅馨緬甸餐廳 （澳門）​📍新橋(三盞燈/白鴿巢)飛能便度街27號地下F號舖​👉🏻👉🏻menu​圖1️⃣凍奶茶 ($17)一杯奶茶$17有d貴，入口香滑，茶味比較出，冇叫走糖黎到係冇糖（緬甸奶茶都係冇糖？），但都好飲​豬扒撈麵 $31呢個超～級好食，豬扒夠腍😋麵係用油麵，麵質爽彈，唔會淋（利申本人唔鐘意太淋既麵)，係香港少食到​圖2️⃣鹵豬腸 ($49) +鹵水蛋 ($7) = $56 偏貴幾好食，就咁食唔會太鹹，鹵得入味，但偏貴​圖3️⃣椰汁雞麵 $30呢個係同行友人食，佢形容雞嫩滑，肉同麵都索哂湯汁，好香椰香味，講到我都好想食，30蚊都抵食​（評分：5杯☕️最高分）食物：☕️☕️☕️☕️環境：☕️☕️☕☕️CP值：☕️☕️☕️☕️服務：☕️☕️☕️️️️️️️️️️️️☕️​✨會再幫襯? 會，下次想試椰汁雞麵

你都澳門一定要試下緬甸菜， 當中最出名一定係雅馨餐廳， 通常黎呢間餐廳叫都係叫最出名既魚湯粉同椰汁雞麵！ 魚湯粉，湯鮮甜裏面有淡淡魚絲，非常足料。 椰汁雞麵既椰汁夠多夠香，雞件都多，不過就淨係可以配油麵。 另外仲加配咗個紅豆餅，即叫即整非常熱辣辣。整體好食

漫無目的行過一間餐廳原來是非常出名的緬甸撈麵食落口嘅感覺就好似XO醬撈麵但是做得非常出色雖然有少少油膩但是雞肉加XO醬再加麵食起上嚟就是完美的輕食。最重要就是不用排隊等位

今天去試食這間雅香緬甸餐廳椰汁雞面：這個椰香味夠濃，之後油炸鬼放在椰汁上面吸收了椰汁的味道更好吃，雞夠嫩滑。炸春卷：入面有紅蘿蔔絲、香菇、肉、椰菜絲，炸得香脆可口咖喱角：入面薯仔、肉、咖喱，炸得香脆可口

雅馨出名就係人都知，之前試過佢個咖哩雞麵，今次試其他嘢，原來都一樣ok.豬扒湯米：豬扒醃到入晒味，雖然有d薄，但係冇鬆肉粉味，香葉、黑椒味加分，芽菜仔令夾埋麵一齊食爽口，正。咖哩雞亦菜：咖哩係招牌，唔會衰得去邊，相比其他有賣咖哩雞亦嘅舖頭，佢香料味重好多，咖哩味入晒雞肉入面，算係咁，冇中伏。緬甸奶茶：見到係用緬甸茶葉，未飲過，相比起香港奶茶，係有獨特香味，同埋佢俾客自己落糖，啱晒體重管理人士，加分。最後，侍應姐姐好nice，嘢食好再加服務好先會留到客，推薦。

-繼續澳門🇲🇴篇之《雅馨緬甸餐廳》👧🏼呢間野係我上網搵資料時咁岩見到👄一見到呢個麵個賣相即刻流晒口水！所以save低左做必食項目👀😎🍜椰汁雞麵 （$30）平到嘔呀！認真平民價😍可以揀麵底，我就揀左最愛的油麵🧐咖喱汁加咗椰奶！超級香🤩🤩🤩而且掛湯能力一流👍🏻味道帶點甜味加小小辣！雞肉都好嫰🤤個重點係佢加左油炸鬼！！！個油炸鬼索晒啲湯！！簡直係精華所在🤨🤨👍🏻🍜掂呀！雖然係超級平民價😆但佢size偏細！本身只叫左一碗，最後唔夠喉要encore🙊

椰汁雞米 $30  7.5/10咖哩汁加入椰奶，味道偏甜帶小辣，米粉掛汁力較強，每啖都食到咖哩，好正！ 椰汁雞米選用雞脾位，肉質嫩滑，一咬即開，好食🤤味道同平時食開既咖哩雞無異，但係減辣版＞＜ 油炸鬼記得要即刻食，浸耐左會無咁脆🧐 一碗份量唔算好多，食完有種未夠喉既感覺😂 馬拉盞撈麵🍜 $42  6.5/10油麵麵條均勻地沾上左店家秘製既醬油，夠惹味，但一個人食曬一碗會好漏🤢最好開心share~ 馬拉盞🦐🦀主要材料係蝦米茸，炸完之後香口，同撈麵幾襯，令撈麵口感層次變得豐富，減低油漏感👍🏻 雞絲🐥質地唔算嫩滑又未至於鞋口，無咩味，普通🙊 辣醬洋蔥解漏一流~紫米豆漿 $13  7/10係流質既紫米露！味道同紫米露一模一樣，唔會過甜；質地比普通豆漿稠身少少。可惜豆味唔出，唔講係唔知自己飲緊豆漿🥛整體而言，幾特別，其他地方好少有，可以一試~

跟朋友下午黎到澳門午餐決定黎三盞燈當然要食雅馨啦午時坐滿人幸好咁岩有客人食完出來咁我地就唔駛等位實在太好兩人叫左椰汁雞麵、馬拉盞雞絲撈麵一人一枝紫米豆漿椰汁雞麵* 椰汁味濃* 雞件足料 肉質嫩滑* 麵有彈性馬拉盞雞絲撈麵* 馬拉盞野味開胃* 配上雞絲口感好好* 麵有彈性 咬口紫米豆漿* 甜味合適* 紫米味濃* 好夾豆漿上菜時間都好快，欣賞店鋪今年轉左紙飲管店員都好主動、有禮細心擔心我地無位放野，比兩張凳我地放，好貼心下次會再去另外附近有好多女裝衫鋪，可以順便去睇下

今次真係好有驚喜，女友帶我去澳門食緬甸菜。女友知我一向食得濃味，而這間雅馨的椰汁雞麵甚出名，香港的網絡上都有介紹。雖然深入民生的區域，落巴士後都要走一段長長的路才可以到達，但都無阻我地進發的決心。餐廳的位置頗入，不易找，基本上是陷入一座大廈內，要定位才找到。一進入店內，已經滿滿是人，於是走上樓上閣樓就座就點了椰汁雞麵和魚湯粉。天氣極熱，又點了冰凍的菊蜜和凍緬甸奶茶。椰汁雞麵果然無令人失望，似葡國雞汁做的湯底，有點辣味好吸引，越食越愛上。魚湯粉則湯底超好飲，我幾乎飲到乾乾淨淨。而兩杯飲品都屬於正正常常，無大驚喜，不過我比較喜歡港式奶茶多於緬甸奶茶。總括而言，每款食物都好好味。

雖然E家去澳門都唔平, 不過係HK生活工作有時真係好壓白, 布時星期六日過一過澳門玩下hea下今次第一次來呢間緬甸餐廳,  地方好有懷舊氣氛, 始終都有返咁耐歷史, 我地來到好在剛剛走左一枱客所以有位, 入到餐廳坐無虛席魚湯粉: 係呢度的名物, 湯汁濃郁, 成個湯都係用魚肉熬到溶晒, 好杰好濃, 當中有時都會食到有少少魚肉碎. 完全唔腥, 又唔會有骨, 河粉滑, 呢個煮法第一次食, 見識又多左~馬拉盞雞絲撈面: 一向都好鐘意食撈馬拉盞的食物, 呢次呢個撈面都好好食, 好濃, 當然撈面都會油少少, 不過唔緊要啦, 去旅行又點會介口呢~ 豬扒包: 包皮有焗過, 好脆身, 豬扒好入味又林, 比起出面所謂的名店的豬扒包好食過多多聲咖央薄餅: 薄餅有咸的和甜的, 我地叫左甜, 就係咖央薄餅啦, 其實我真係見識少, 咖央+薄餅原來都好夾, 甜甜地唔會漏, 不過如果個薄餅再熱少少, 等D咖央溶溶地可能仲正~ 餐廳位於舊城區, 我地都係坐的士來, 雖然的士司機的態度真係好差, 不過都無後悔來, 食完仲想返兜, 不過下次應該試下自己搵路坐巴士來