雅馨緬甸餐廳

营业中

休息中

香港作為飲食天堂,但是緬甸菜在香港完全沒有立足之地,近年唯一一間緬甸餐廳"金緬甸",在早前關門大吉.如果想感受一下緬甸味道,唯有來到一水之隔的澳門,三盞燈是緬甸人社區,可找到地道的緬甸麵食,而最出名的,是在"飛x左去便度"街的"雅馨",其實,早在九年前的夏天,已跟朋友來過.吃的是椰汁麵,魚湯粉.去到這個地步,女友的肚皮開始支持不住,來到雅馨,只能看著我吃.很掛念椰汁雞麵,但緬甸撈麵也吸引,在二選一之下,最後都是來個椰汁雞麵.整碗雞麵差不是椰汁的天下,質感帶點杰身濃凋,雞肉本身味道麻麻,但椰汁味道頗濃,可以搭救雞肉上的缺陷.油炸骨與椰汁的配搭,也相對襯.爽口的油麵條,索盡濃香的椰汁,不錯.乾掉一碗"重口味"的椰汁雞麵後,便完結澳門兩日一夜喪食之旅?未算,還有最後一關,等著我來"打爆機"呢.

今次去澳門玩, 又好掛住佢既魚湯粉... 次次食, 都keep到水準~ 真係幾好味~ 而且... 今次試埋佢既豬什拼盤... 加左辣椒醬去吃... 另一番味道又出左黎~ 大家值得一試...

千辛萬苦終於來到這有名的店了在出發之先同事們一直跟我推薦這店,說這兒的椰汁雞麵十分好吃既然之前我們都還未到過這邊走,所以這次就往三盞燈出發!一去到就點了兩個最多人推介的麵,椰汁雞麵和緬甸撈麵椰汁雞麵湯底很濃很稠,加上油炸鬼的配搭是很特別,始終在香港都還未吃過嘛不過個人覺得不太合自己口味,吃完很滯的感覺緬甸撈麵帶點微微的酸辣,配上他們自製的醬汁及芫茜蔥等,入口十分惹味,而且比較不滯最後要了紫米香豆漿和白果腐竹薏米水解渴紫米香豆漿質地很厚身,有紫米香但未有到像紫米露的地步白果腐竹意米水,這個絕對是足料之作,入口濃濃的白果和薏米,好味與否就要看個人口味了總結以上就覺得其實沒別人說的那麼棒價錢是很吸引,但味道就麻麻不過當是一試新品還是可以的!

遊了一個小時多的車河，終於來到了三盞燈附近，步行了幾回才找到了這店舖!算是來澳門的第一餐吧!心情當然既期待又興奮，由於樓下滿了，所以我們就上2樓坐~椰汁雞麵 - 當然要試一下這個招牌主打，因為人人都說道了不起 不過這類型的麵可能我們是少吃的，所以覺得有點滯，湯夠晒濃、香是香的，汁也很杰!~加上油炸鬼在面上.....油炸鬼是完全入晒味的!但吃完了這碗麵之後，口渴得不得了......緬甸撈麵 - 花生、薯仔、蔥、芫茜，配上醬汁撈在一起，味道小辣帶點開胃的感覺!~比起椰汁雞麵較易入口....自家製的 紫米香豆漿和白果腐竹意米水- 前者真的很香紫米味，後者就一般!飲正常的豆漿比它好沒有想像中的美味，還是不過不失的離去吧~

我點了瑤柱撈麵朋友點了椰汁雞麵瑤柱撈麵不覺油膩試了朋友的椰汁雞麵還可以椰汁雞的味道很重,很濃郁小小的一碗對我來說是剛剛好不會包肚的份量總體來說味道還ok不需刻意前來嘗試

去左macau 2天第一晚黎左呢間,其實都搵左幾耐嫁坐低就即刻叫左椰汁雞面同緬甸撈面個椰汁雞面其實都唔係想像中咁漏同濟!~佢果塊脆脆片幾好食!!好似炸魚皮味咁好濃既汁or湯? d雞肉都幾嫩緬甸撈面 小小酸~幾開胃, 仲有d特別醬汁, 撈埋好好食咁熱天時食冷面都幾舒服!!其實好想試埋個瑤柱撈面!><不過等下次la唯有

看見很多食評都有推介雅馨餐廳，所以特意到來一試!我們點了兩個麵食: 瑤柱撈麵 - 味道好，是推介之選 椰汁雞撈麵 - 味道還不錯，只是醬汁太多太濃，吃到一半會有膩了感覺...基於價錢大眾化，雅馨都是不錯選擇!

行到三盞燈，已熱到不行了，也不作多想，走進雅馨算了。這種天氣，食碗冷麺降火，實在急切之事也。叫了緬甸撈麺和招牌椰汁雞麺。緬甸撈麺酸酸辣辣，很開胃；花生、蔥、莞西等氣味濃烈的配料生色不少。夏天食此味最佳解暑不過。椰汁雞麺，較為油膩，天熱讓人有點吃不消。下油炸鬼加點脆口的感覺不錯，可惜雞塊很淋，調味過重，致雞味全失。總體來說，質素不錯，但來澳門卻不是必食的店。

到澳門旅遊，除了賭便離不開吃。這次來試試三盞燈的雅馨緬甸餐廳。此餐廳位於大廈內的地鋪，外面則只有毫不起眼的黃色招牌，遊客隨時會「走漏眼」。店內乃舊式西餐廳裝潢，配上幾盞特色吊燈。鋪面面積不大，連十張檯也放不上；而牆上全是介紹食物的相片，和連綿不絕的報紙雜誌的專題訪問及食評。這裡最著名的，就是「膠兜麵」。所謂「膠兜麵」，就是老闆以筷子及膠兜，用秘製醬汁撈出來的緬甸撈麵。其受歡迎程度，可從其他食客的檯上反映出來。最後我們點了瑤柱醬膠兜麵、豬什拼鹵水蛋和生菜鴨紅。瑤柱醬膠兜麵：麵條用上圓圓粗粗的油麵，煮得軟硬適中；每條麵條均沾滿醬料，香濃卻不油膩。正如食評所推介，必要一試！ 豬什拼鹵水蛋：有豬腸、豬耳、豬舌等，其中以豬腸最為入味，豬耳則爽爽脆脆，豬舌也沒有根，最為普通要數那鹵水蛋，但其實也不差哩。 生菜鴨紅：平日比較少吃鴨紅，故特意叫來一試。鴨紅非常香滑，不錯，可惜放油太多，連生菜也變得「油亮亮」！ 要吃盡澳門美食，款式試得多，每餐便不能大吃大喝了。聽聞這裡的椰汁雞湯麵也不錯，有機會下次要試試。

係openrice見到呢間餐廳一面倒都係"笑"樣咁就去試下啦點知....我覺得 真係好食呀!!!緬甸撈麵酸酸地 有少少少少spicy個味好正可能有d人唔鍾意佢用呢隻麵黎做撈麵可以轉食撈檬試下同埋 個到d人都幾nice見我地第1次黎 佢都好detail咁講d野食係點既味價錢又經濟都係 15蚊咋!!!!!!真係值得試下

人地問親我澳門有乜好食, 我一定推介雅香!呢間舖我由細食到大, d人都係超正!特別係椰汁雞面, 真係食極都唔厭, 黎到香港都會成日掛住佢!完全搵唔到一間可以replace到佢!椰汁同咖喱配合得恰到好處, 湯極濃~仲有油炸鬼, soak左d湯, 真係極入味!!d雞又多又大件! gd!!想要濃d味可以試椰汁雞撈面~

feb 28, 09,4人嘅take 1午餐 :1) 紫米豆漿+烏豆漿-個紫米豆漿正如其他食家咁講,真喺好紫米味,好似飲緊紫米露咁,但如果甜度可以稍稍-d,就更+討好呢-烏豆漿正常,微微嘅黑豆味2) 瑤柱醬撈麵-友人入到餐廳,就見到好多人都叫呢個,所以跟-呢個亦喺好多食家都提名力讚-入口好香,亦唔知喺邊度搵來鮮味-總之大家都好欣賞-麵質好似油麵咁,幸好唔會過腍3) 椰汁雞麵-個汁小"杰"身,都幾明顯嘅椰汁味-最喜歡油炸鬼索咗汁,個雞肉可以啦4) 緬甸撈麵(冷食)-有花生碎,芽菜,芫茜,薯仔-大家都好鍾意個薯仔,因又腍又有薯仔味

同baby去澳門2日1夜~未去澳門之前睇晒食評 mark低左有咩一定要食~lee間就係其中一間 唔算難搵 一入去好多人 所以上上層食~叫左招牌椰汁雞面 老公食MA拉盞撈面我地仲叫左紫米豆漿 個待應好健談 椰汁雞面好好飲~濃度剛剛好 好creamy 有d油米炸鬼係到~佢索晒d味好正 15蚊真係好抵 值得食baby份ma拉盞面就一般,太dry了,樽紫米好好飲 唔會好稀 剛好~好滿足既一餐!

暈船浪加宿醉,都阻止唔到我搵魚湯粉既決心,一落船就去左三盞燈搵我好掛住既魚湯粉喇,另外加左一個生菜,揀左馬拉盞,冇做洋蔥餅喇?好耐添?咁邊度有得食啊?b豬一路食一路扁嘴,冇佢想像中咁好味,仲係咁問點解我會覺得好食(平時我話得好食既野都佢唔會reject既,但係今次......)因為馬拉盞係用好多油整既,我又作嘔作悶,咪撥開冇乜點食囉,埋單時佢話$7x ,哇冇聽錯嘛?兩碗粉一碟菜一支野飲咋喎......(要知道一碗粉都係$1x度),佢話係啊,個生菜$28...............................當堂眼都突埋....以為係因為佢d馬拉盞好貴啦.門口擺住一樽樽既馬拉盞都係$28(大過一甖普通size花生醬)之後我就拗爆頭喇,點解要咁貴呢?b豬話佢地掠水,我都覺得有少少,始終係香港黎講$28碟油菜都好貴,更何況澳門......好在第2日b豬同我去左隔離食牛河(你可以睇埋我其他食評丫)補返數,食完隔離鋪我地都覺得....哩間鋪,我地應該同佢緣盡架喇......p.s.一舊舊好多窿窿既唔係粟米黎架,係芭蕉莖,唔好再搞錯喇!

我們朝著三盞燈的方向走，到了《雅馨緬甸餐廳》，已經不是第一次來的了。但大街那間太多人，於是我們走到前一點的另一間分店（店子不太起眼，但人比較少，因為人客都堆在大街那間，原本我們有點猶豫這間跟大街那間是不是同一間店子，但看到店內的裝修陳設、meun及店裡貼出來的雜誌報導，我們確定了是一樣的）… 他又點了瑤柱醬撈麵，而我則嘗了店內及網友推介的魚湯麵。瑤柱醬撈麵味道依然好吃，但魚湯麵卻令我有點失望，沒錯是吃得出魚湯的味道（湯內有一點碎魚肉，而且麵內的脆片上有點點粟米，蠻特別的），但湯的質感太「杰」、有點像魚羹及「糊仔」，不太討好。我覺得還是椰汁雞麵比較好吃…另外我們分別喝了紫米豆漿及奶茶，味道都是一般。是次約花了$60左右吧…