Pablo

营业中

休息中

在網上看到很多人推薦這家芝士撻店作為珍珠+芝士蛋撻愛好者當然想去試一下啦但是❕❕它的味道確實不如顏值今次叫的是珍珠奶茶撻不知道是分店差異問題還是怎樣上面的珍珠雖然很Q彈但沒有味道下面的芝士撻也中規中矩而且價錢也得23元一個所以個人覺得不太值得特地去打卡～

🇲🇴Pablo·之後其實我哋食晚餐之前仲一路沿住pablo上左去諗住買le pic個鍋牛牛角包 菠蘿彪既菠蘿包同Goat Bakers既奶酪花杯子 但係好可惜佢哋全部下晝三點去到嘅時候都已經全部賣晒🥲所以我哋第一日就係食左咁多野 之後就去左賭場玩🎰🤣🤣·原味珍珠迷你芝士撻$23之後我哋就去咗食呢個澳門限定嘅珍珠芝士撻😌佢個珍珠比我想中更加澎湃 不過佢個珍珠係無浸黑糖既 所以食落完全唔甜 同個芝士撻唔算話特別夾 我自己覺得無咁開心🫢🫢好在個芝士撻都係pablo一貫既水準 個芝士味剛剛好 曲奇皮都做得好好🧀️·📍新馬路友誼廣場6-52號信達坊商場1樓

PABLO嘅芝士撻係超級出名，之前係大阪心齋橋見到條人龍都好長下，所以都無特登排隊買😂原來係澳門大三巴都有一間分店，個日見唔使排隊，同埋原來有mini版唔使買一大個，所以就買左一個試吓啦！**********<PABLO mini經典原味> $15mini版芝士撻有三個味道，有經典原味、朱古力同埋抹茶味！個芝士撻拎上手嘅時候唔係熱辣辣，只係比常温暖少少😟個撻皮係曲奇皮黎，但就唔係好香牛油味，同埋唔係好脆口！個芝士撻嘅餡食落係有綿滑嘅口感，但就做唔到流心嘅效果，同埋個味道有少少奇怪，唔係好似芝士味咁，整體真係有啲失望😥

PABLO 迷你芝士撻一共有 3 款口味選擇，包括有抺茶、朱古力和經典原味，可以自由搭配 PABLO 迷你芝士撻的口味，想每樣都試下咁每款口味都各買了兩個。 3款入面特別鐘意經典原味，因為芝士味最濃，每咬一口都是軟綿綿的芝士，再配上脆餅底，感覺幸福。味道是好食但未至於超級好食，因為未係日本食過比較唔到，但相比起香港的半熟工房，呢個就差左小小啦，芝士味唔夠香濃，呢個本身已經唔太流心，一擺耐左個餡會變到好乾。另外仲試左芝士軟雪糕，質地唔係滑個種雪糕，似沙冰哥種，但味道我覺得比芝士撻出色。有時澳門通俾錢有優惠，咁平平地又無咩人排隊就可以一試～

來到澳門，第一個撻竟然唔係葡撻，而係朱古力芝士撻。朱古力味濃，似牛奶朱古力。撻皮似cookie，鐘意呢個口感。但可惜唔係新鮮出爐，唔熱。 $20食香港未冇嘅tart都okay嘅。

今次見佢出新品，無曬大個，唯一買番幾個細撻試下。.🥧PABLO迷你 黃桃乳酪 ($18/個)曲奇撻皮一如以前實正脆口，乳酪芝士軟滑，香味亦出，加上放面既酸酸甜甜黃桃，減低左膩感，一個人兩件都唔怕，比之前試過既三款口味迷你撻更好食🤤。⭐️出爐24小時內常溫保存，24小時後要放入雪櫃凍食，唔好焗番熱食！

喺日本超級有人氣嘅PABLO, 係四月尾登陸咗喺澳門，禁啱早排小編快閃澳門喎，小編冇去過日本，咁梗係趁機會試吓佢有幾堅先！😲 鋪頭喺大三巴附近，排隊買撻嘅隊當然有番禁上下，但排咗10mins左右，就已經買到手喇！🤔 到手嘅時候，啲芝士撻已經係凍晒，見到有人食已經冇流心，於是帶番香港同屋企人share...🤭 食之前，放咗落焗爐翻熱佢一陣（相中係即買即影嘅）！🤗原味：味道似yougut，食落係綿滑，食得多開始覺得有啲滯，撻皮係曲奇皮，再烤番熱嘅批邊頗脆，但牛油香唔重！😀朱古力🍫：朱古力味頗濃，小編對太甜嘅朱古力覺得麻麻，呢個小編覺得好食，而且冇原味禁甜膩⋯😍抹茶🍵 ：小編作為一個抹茶控，當然覺得抹茶味最正！🙈 食得到抹茶獨有嘅甘苦味，呢個撻本身係同屋企人share食，點知比小編清咗⋯🤣 呢種嘅甘味可以解到芝士撻嗰種滯感，如果係流心嘅應該更好味呢！🤤味道雖好，本應芝士撻嘅selling point係流心，但到手嘅時候已經皺晒皮，有啲小失望！呢個價錢比香港平可以一試，但係冇必要專登去喔～💕INS 90sfoodie_carman

唔知算唔算係芝士撻嘅始祖呢？原來而家唔使去到日本或者泰國都有得食。香港冇呢一間所以嚟到澳門一定要去試一試，本來以為好多人會排隊，但係點知今次一嚟冇人排隊喎。新馬路好多食店都要排隊，而且好多人，我諗我都算好好彩啦。店面非常之搶眼，一見到就知道係Pablo。呢度裝修好新淨，我諗都開咗冇耐。見到除咗只是他之外仲有沙冰、雪糕等等。不過啱啱食完野有啲飽，所以我同朋友叫咗兩個迷你芝士撻炸。價錢來講呢系有少少貴， $15一個。而澳門好出名嘅葡撻都只係$10一個。拎到上手已經有少少扣分，因為個芝士撻係凍嘅，一啲都唔亂。可能因為太凍，所以蛋撻個面呢系巢皮既，影相見到唔夠飽滿。咬落口發現冇留心嘅感覺，中間一樣係熟曬嘅，有啲失望😞。曲奇皮算係幾鬆化，不過鬆化得來有啲散。整體來講同我喺日本或者泰國食嘅好似都差幾遠下，一定要首先改善下芝士撻嘅溫度啊。

日本超人氣芝士撻登錄澳門,咁啱嚟澳門玩,當然要去試下喇.店鋪位於大堂巷巷口,店面唔算太大,冇提供堂食,全部都係打包.新開期間有活動,用支付寶付款仲有85折,超抵.雖然去到都已經開始排緊隊,但整體速度都比較快,落單俾錢唔使等好耐就已經攞到手菜單選擇唔算太多,今次就要咗個「经典原味芝士挞」,原本以為唔會太大一個,但攞到之後發現份量超足,幾重手下,有成6寸咁大,仲要幾厚一個,3～4個人都夠食.中間嘅半熟芝士食落口夠滑,唔會好水嘅感覺,芝士味香濃,同蛋撻嘅感覺有d似.撻皮會好厚,食落唔算太硬,都幾鬆脆下.價錢方面個人覺得性價比高,一個先係MOP80,整個芝士撻份量同味道都非常唔錯,當然仲有其他可以試下.

今次嚟到澳門第一時間唔係食葡撻，而係食芝士撻，今次就嚟到「Pablo」。因為貪佢夠就腳😂😂。原味芝士撻口感好滑溜，亦都好綿。比較失望嘅係，雖然有流心效果，但唔係十分流心，有種似係食蛋撻嘅感覺。個撻皮無咩味道，如果係牛油餅皮就香好多了。個芝士味調得好好，食落口清清地咁，芝士味慢慢先滲出嚟👍👍。而家市面好多芝士味產品，好多都係一食落口，就超重芝士味，爆晒出嚟。抹茶芝士撻抹茶味好濃，不過食多幾啖覺得好甜好膩，有種想買枝茶飲，去解解膩。同樣地唔係十分流心，照咁睇應該唔關材料事，而係店家控制火候嘅問題。

日本人氣過江龍開到黎澳門大堂巷，主打芝士系列，撻既飲既雪糕都係芝士。當日無咩人排隊，不過為左人人試到，每人每次限購兩個芝士撻同12件迷你撻。迷你撻買6件先有外賣盒裝，好似今次3件只用紙袋。🥧PABLO迷你 經典原味 朱古力 抹茶 ($15/個)迷你撻有三款口味，原味、朱古力同抹茶，曲奇撻皮實正脆口，原味芝士香突出，🍫朱古力味偏甜，🍵抹茶帶點回甘，三款中我最鐘意原味，每啖都香濃芝士味，朱古力同抹茶撻食落有芝士軟滑質感，但本身味道稍微蓋過芝士，常溫中間流心程度一般，未試過日本個間無得比較。🥤原味芝士冰沙 ($45)被我稱為「打爛左的迷你芝士撻」，芝士味濃厚，冰沙透心涼，令人不知不覺瘋狂吸入，有啲微酸醬，面頭插住碎左甜撻皮，呢杯可encore🤤🤤!! 店員解釋沙冰配打，需要耐心等待。一個芝士撻唔會膩，但飲埋冰沙真係唔得，一次吸入過多芝士好邪惡😂。出爐24小時內常溫保存，24小時後要放入雪櫃凍食，唔好焗番熱食！