影片
港铁尖沙咀/尖東站 A1 出口, 步行约7分钟
继续阅读
电话号码
21136188
营业时间
今日营业
07:00 - 23:00
星期一至四
07:00 - 23:00
星期五至六
07:00 - 00:00
星期日
07:00 - 23:00
*星期日至四最後落單時間: 22:30；星期五至六最後落單時間: 23:30
以上资料只供参考，请与餐厅确认详情
有关餐厅
有关奖赏计划
相关文章
好耐冇食過自助晚餐，見到 SAVVY逢周五、六特備極尚海鮮盛宴自助晚餐，🈶巨型長腳蟹、冰鎮海鮮如龍蝦及松葉蟹等，非常吸引🤩黎到真係冇失望，超正👍🏻餐廳座位闊落舒適，環境裝修充滿時尚感，星期五晚全場爆滿，每人包一杯茶飲食物款式都算多選擇，除咗有鮮甜厚肉嘅巨型長腳蟹之外，仲有肥美多膏嘅龍蝦🦞、松葉蟹、小龍蝦、蝦、翡翠螺等等，見到都好開心，好啱我口味💕熱食有一系列亞洲熱葷及特色燒烤，包括燒澳洲牛肉、烤連骨火腿、乳豬、印度烤雞槌等等，不得不讚，呢度剛新鮮出爐嘅印度烤餅真係必試，超好味😋令人回味無窮！日本刺身都好新鮮美味，有油甘魚、帶子、三文魚、吞拿魚等。冷盤仲有多款火腿、芝士、上海烤麩、肴肉、泰式肉碎、扎肉、沙律等甜品亦有好多選擇，有好大個朱古力噴泉、小蛋糕、果撻、奶凍、曲奇🍪、軟糖等等仲有專人推車送上Häagen-Dazs 脆皮朱古力雲呢拿拖肥雪條，而且可以自己揀唔同嘅topping，真係超滿足超豐盛嘅一餐❤️
继续阅读
有BOGO, 諗住去試下, 服務超級差，訂位時不斷提醒要1430離坐，同文華酒店差得遠。電話號碼碼還要聽三次才聽到。今日去到門口，沒人招呼，要自己行入去揾人。已知不妙。食物方面也不是太好，雪糕不是由任食已經是敗筆。最大賣點是龍蝦，但沙律蝦好味過佢。Tandoori雞鎚不算好味，印度咖哩是可以的。沙律也OK, 凍海鮮蜆類有四份一有沙。曼谷船面完全不船。包一杯凍熱飲，叫了凍檸檬茶，和熱 Cappuccino，味道可以。只此一次，不會再來。
继续阅读
我好懷疑究竟係咪同其他OpenRice用戶去左同一間餐廳食飯, 人地讚到好好, 我就覺得中伏喇自助餐食物款式太少, 凍海鮮得龍蝦🦞,小龍蝦, 早已剪成細細舊嘅蟹腳🦀, 鮮蝦🦐同青口, 壽司🍣得2款等; Refill較慢, 乳豬只出過1次, 而且熱葷食物🥘的溫度只係微暖, 拎到返位已經凍左 （我被安排坐喺拎食物位置較遠嘅某角落😞) ; 無自助任飲, 只包一杯餐飲, 仲要最後追問職員先有, 本身有個area係職員整飲品嘅, 擺d茶包喺度但又唔俾人拎黎沖住先; 所謂嘅雪糕車只係有個職員喺後段果個幾鐘推出黎問要唔要支雪條, 要就俾支Haagen Dazs朱古力脆皮雪條, 唔要都無其他款選擇以大概$550/位呢個價錢黎講, 性價比唔高, 試過就算, 無下次
继续阅读
今日係12月29日， 喺klook買咗一個買二送二嘅brunch buffet，四位約＄1,430.00， 11:30-14:30，但可坐到15:00， 不過我哋14:30前就走， 因為根本冇乜嘢好食，食完真係覺得浪費金錢。1）凍海鮮 - 有波士頓龍蝦、 蜆、 熟蝦、 青口及小龍蝦2）芝士 - 有兩款3）沙律4） 前菜小食 - 唔知點解有啲辣嘅烤麩，奇怪5） 中西湯 - 龍蝦湯及粟米魚肚羹， 呢兩個都算好味，仲有個泰式酸辣湯都可以6） 有啲麵包擺咗喺度， 但冇焗爐俾客人翻熱， 麵包又凍又硬， 失敗！7） 熱食 - 唔知點解全部都係泰式或印度菜， 有個叉燒炒飯叫做係中式掛？ 有燒澳洲牛及火雞， 冇乜特別不值一提。 泰式炒金邊粉味道唔正宗， 鱈魚西京燒算正常但乾哂， 不過全部都唔夠熱， 點解用個爐慶住啲熱食都唔肯？ 呢間酒店係唔係真係咁窮？？8） 生果及甜品 - 生果只得西瓜、哈密瓜同菠蘿。 甜品款式嘅種類算ok， 不過令人有印象嘅係零！ 仲有一架由職員推埋嚟嘅雪糕車，只得 綠茶味道嘅häagen-dazs， 再畀你加少少topping， 完全係限量供應， 感覺好孤寒！ 飲品每人限一杯，唓……………………總括嚟講， 食物選擇少 ， 感覺上好多嘢都有限制，如果以原價brunch buffet嘅價錢＄498+10％（聽講festival price係＄598）， 真係覺得浪費quota。 而家有優惠之下大約＄350一位全包， 令我慶幸唔係輸得太多。
继续阅读
聖誕節食自助餐慶祝吓，大家都可以找到喜歡吃的東西。家住油尖旺的我，最近就選擇了尖沙咀的一間酒店自助餐。餐廳坐得非常闊落，環境舒適。食物款式亦算多樣。先講海鮮，有小龍蝦、蝦、蟹腳、翡翠螺等。最吸引時海鮮解凍做得非常好，全部新鮮唔會爛殼，無雪味。當中小龍蝦，可以說是啖啖肉而且高，非常鮮甜。冷盤款式亦有很多，除了凍肉、芝士外，亦有亞洲小食，如扎肉沙律、泰式肉碎、上海烤麩、肴肉等等。餐廳煮食，以印度菜最為好食，與得出，印度烤雞，敲得外脆內暖。牛油雞，就夠晒creamy，配搭薄餅吃一流。此外，還有肉質軟軟的燒牛肉、應節的烤火雞、香辣烤三文魚、香口的豬扒、甘香的印尼串燒。湯品質由西湯和中湯，西湯有龍蝦湯，夠晒鮮味。值得一提的是甜品，以聖誕做主題，由小蛋糕、果撻、蒜頭蛋糕、曲奇等等都加入了聖誕元素非常打卡。當中樹頭蛋糕有濃郁的朱古力味，蛋糕呼空氣感。餐廳最佳特色就是有Haagen-Dazs雪條，還可以堂弄加Topping，夠晒玩味。另外餐廳的酒吧是相當出名的，飲品亦有賣相和味道。值得一提的是甜品，以聖誕做主題，由小蛋糕、果撻、蒜頭蛋糕、曲奇等等都加入了聖誕元素非常打卡。當中樹頭蛋糕有濃郁的朱古力味，蛋糕呼空氣感。餐廳最佳特色就是有Haagen-Dazs雪條，還可以堂弄加Topping，夠晒玩味。另外餐廳的酒吧是相當出名的，飲品亦有賣相和味道。
继续阅读