葡景軒

营业中

休息中

澳门虽然细细地嘅一个地方，但系都有好多好嘢食好似水蟹粥、特色葡挞鸡蛋仔、猪扒包，但系唔少得嘅梗系要食返一餐葡国菜。呢一间餐厅嘅环境非常高雅，先拣咗炙烤马介休，虽然底层有橄榄油，但系整体感觉唔会太油腻鱼肉都好滑。葡式杂锦海鲜扁面海鲜仲多过面！食落去全部都系海鲜嘅鲜甜味，特别系鱿鱼嘅口感特别爽口弹牙。猪肋排酱汁唔会太浓，真系唔够先再自己沾酱汁，旁边仲有热辣辣嘅番薯条添。芦笋汤亦都系比较少见，喺香港都几乎冇饮过，味道比较清新，充满着蔬菜嘅香气。重头戏当然唔少得呢一个葡式脆皮焦糖鸡蛋布丁，真系有澎湃嘅火焰效果，焦糖薄薄地一层，配上滑捋捋嘅鸡蛋布丁超正。