西灣安記 (已結業)

澳门为食之旅第三站。回到大马路，原意帮衬黄枝记，不过因为实在太多人，所以决定行多阵先食，但结果越行越远，而且越来越肚饿，最后去左卢氏大屋对面的西湾安记食午饭。刚入去，没任何期望，纯粹因为太肚饿，睇返餐牌都唔平，同香港的茶记差唔多价钱，而且无得加钱加野饮，不过行到劲累，都算啦。我叫左干炒鱿鱼面，女朋友叫左焗猪扒意粉。落左单，唔够五分钟我的干炒鱿鱼面就到，面身好爽，系我最钟意的竹升面，面条本身的面香，再加埋酱汁，净面都觉好食，唯独鱿鱼就无咩味，可能炒面要落重味的酱油，不过鱿鱼份量都叫多，而须的部份先叫入味。直到我差唔多食完，焗猪扒意粉先到，但呢个猪意粉实在价得一试再试。先讲意粉本身，唔似一哥咁焗到干哂水，仲系湿湿地，蕃茄汁只有小小酸，劲开胃，似系新鲜蕃茄味，捞埋好好食。猪扒本身好入味，而且好大块，仲好松口，有无落过咩配料松肉就唔知啦，但味道中上。服务方面：其实都唔好预有咩服务可言，好多间澳门食店都系咁，野就好好食，但面口就唔系好好，我地坐低左又无俾水，都叫左几声先有人应我地，不过咁近大三巴旅游区，野都叫好食，虽唔算好惊喜，但都叫可再帮衬。