影片
更多
2010-09-15
376 浏览
林记啲位置对于游客黎讲有少少偏僻，可能自己好少去到黑沙环果边，由拱北关闸打的都要成20几蚊，不过为左揾野食…冇计啦~咁吊脚啲地方D人都要黎，一定有原因啲~ 店内啲环境非常街坊，近乎冇乜装修，分两层，下层较少地方，上层就好较大，仲有细厅房。不过可能可以玩骰盅啲关系，就令到餐厅里面好嘈，而且店内用啲枱櫈都系好普通嘅折台同背椅啲…好一间室内啲大牌档!话到明系劲食之旅，当然又要劲order啦，我同Cobi爸都系食得啲人，不过心念要留肚食宵夜，唔可以乱黎…不过2个人都叫左5样𩠌。葡式冻虾Cobi爸系玻璃肚，少少野唔对路就会肚仔痛，一见到我order冻虾就”er…”哂，仲以为系生食…经我一番唇舌之后最终回我一句「死就死啦」! 唔洗下嘛…上枱时个样以为平平冇奇，毫不起眼，不过就闻到阵阵啲洋葱香味，一入口就觉得呢个菜式非常惹味，系用左去壳啲中虾，加上大量啲生洋葱、黑椒、芫茜、橄榄油、少量啲柠檬汁腌制而成，真系好好味，D生洋葱完全唔觉佢辣，唔系好钟意芫茜啲我都冇理咁多，就连D洋葱都唔放过，全碟食清光!果然系招牌菜!烧羊架 (孜然粉+wasabi)响网上已经得知可以order半份，而半份又可以order
话到明系劲食之旅，当然又要劲order啦，我同Cobi爸都系食得啲人，不过心念要留肚食宵夜，唔可以乱黎…不过2个人都叫左5样𩠌。
葡式冻虾
Cobi爸系玻璃肚，少少野唔对路就会肚仔痛，一见到我order冻虾就”er…”哂，仲以为系生食…经我一番唇舌之后最终回我一句「死就死啦」! 唔洗下嘛…上枱时个样以为平平冇奇，毫不起眼，不过就闻到阵阵啲洋葱香味，一入口就觉得呢个菜式非常惹味，系用左去壳啲中虾，加上大量啲生洋葱、黑椒、芫茜、橄榄油、少量啲柠檬汁腌制而成，真系好好味，D生洋葱完全唔觉佢辣，唔系好钟意芫茜啲我都冇理咁多，就连D洋葱都唔放过，全碟食清光!果然系招牌菜!
烧羊架 (孜然粉+wasabi)
响网上已经得知可以order半份，而半份又可以order 2只唔同味道，可以feel到店主都关心我地呢D table for 2 啲客人，唔错~讲番个羊，外表好油，呢D唔系羊油，系上枱前加啲，目的系令到D肉光身D、靓D，不过就油左少少啰；肉质方面OK，店主应该系用左蒙古啲羊仔架，又平又正(因为我自己屋企都唔食纽西兰羊架，而转食蒙古羊仔架lu~)肉质好嫩，如果D羊架系烧好至cut开一件件仲好，可以做到just pink啲效果! 羊架有少少啲膻味(食羊唔食膻不如唔好食)，混合埋D新疆孜然粉，好match~如果多D孜然粉仲香；至于wasabi味啲羊架都系第1次试，味道好新鲜好特别，羊架被烧到外脆内嫩，厨师为求特显羊架啲酥脆感，再响羊架表层加少许面包康，可以令食客觉得冇咁油腻之余，又大大提升个口感，加埋wasabi，微微带出日式feel，别有风味~ wasabi羊架必食!
烧咸牛脷厚切
我同Cobi爸都系牛脷狂，本身系睇左so good之后再上网search佢啲食评，但系点解D食评全部都系话「好稔」…? 可能每个人啲口味唔同，我同Cobi爸都系钟意食爽口啲烧牛脷，但系爽得黎系唔「un」果只，可能佢地用啲材料no good，所以维有煮稔佢再烧，咁就会做到好似「冇筋、入口即化」，不过就冇哂烧牛脷应有爽口啲质感，如同食紧一件烧香左啲午餐肉…如果有下厨经验者，可能会留意到件牛脷…其实层脷胎唔系去得咁干净……味道方面，烧牛脷唔需要特别调味，海盐同黑胡椒已经足够，呢方面佢地就跟足，冇手多多加D酱汁，整体黎讲，唔系我杯茶~
烧沙丁鱼
Cobi爸唔食冇鳞鱼，所以只系order左1条(竟然可以order 1条，几好几好~)沙丁鱼啲外皮烧得够干身，而且好香，鱼啲油分亦重，入口好重鱼味，如果唔加柠檬汁的话可能会有少少腥，好OK呀~
虾酱炒通菜
4句~通菜鲜，虾酱够，味道浓，有镬气!
店员招呼都系一般啦，抵唔抵食就真系见仁见智啦~冇装修啲食店每人都要$130落楼，同日啲下午我去左船屋食lunch都系每人$150…总括而言，如果唔介意去D冇装修，又嘈嘈地啲地方食饭，林记都系一间不防一试啲食店。
PS.so so 啲介绍…有时唔好信哂lu~
张贴
