M2 Kitchen

营业中

休息中

Cafe分左室内同室外，室内用餐区成层好大，室外相信好多人无去过都会见过，挂满假花🌸🌸灯饰岩晒影打卡相，外面食野吹住风真系几chill，无见边款多人推荐必点，靠自己乱咁翻牌宠幸啦。洋肠Pizza 尺寸唔大，两个人清晒未算饱，内馅芝士同料够味，边位烘到几有咬口，放耐左咬有啲累。柠檬香鸡槌 鸡槌焗到好香口，吱几下柠檬汁清下油腻感，值得试下，份量咁偏细，一个人好易ko晒😅可能自己大食。云石蓝莓蛋糕成个焦点放左落只云石碟到，连带件cake一齐升左个level，想做女仔生意真系好易，所谓未尝其味先赏其貌🤣，平时一般蓝莓芝士蛋糕各有各，点单睇中佢够特别，mix埋有渐变色，cream cheese好浓郁，夹杂啖啖蓝莓味同咬到蓝莓碎，饭后甜品开心share无咁腻。冻水果茶野食野食出品正常，份量可以再多啲就更好，食完周围行下影相，几大几靓，下午茶时段气氛相当有feel，推荐影相打卡的cafe🌸。