M2 Kitchen

营业中

休息中

澳門打卡靚靚cafe🥕髒髒疏乎厘$80⭐️⭐️⭐️⭐️⭐️表面插左2條朱古力蛋卷，蛋卷中間芯全部都係朱古力，蛋卷又脆口好正。跟住有2粒藍莓，再有粒士多啤梨，好似好可愛既小表情(´ ▽｀)呢！朱古力不會太甜，疏乎厘好重蛋香，即使食到後期5夠朱古力點都不錯，入口好疏乎，不過又有少少疏乎厘蛋糕既感覺，始終5夠空氣感覺，但整體都係好正！🥕Oreo巧克力沙冰$48⭐️⭐️⭐️⭐️⭐️表面佈滿oreo再插上薄荷葉，有小盆栽既感覺。叫左少甜，飲落好重朱古力味，非常濃郁，但又真係不會太甜，沙冰口感亦不會太粗糙。店舖裝修精緻復古又文青feel，完全打卡一流，座位舒服，悠閒渡過一個下午。======詳情======M2 Kitchen荷蘭園荷蘭園大馬路88B-90C號海濤商場3樓G,H,I號舖================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #澳門好去處 #澳門美食 #RR澳門 #RR咖啡店 #咖啡店 #cafe #RR甜品 #甜品 #甜品控 #髒髒疏乎厘 #疏乎厘 #朱古力控 #朱古力 #Or

午餐原來着住校服，會有打折！所以見到都有唔少學生嚟食，有品味！日頭同夜晚嘅感覺有啲唔同，特別係嗰條走廊，因為出面個景，打卡勝地！同上次一樣嗌咗軟殼蟹意粉，因為真係好好食^_^

冇諗到係荷蘭園竟然有間咁靚既Cafe！ 呢間Cafe隱藏係二樓，唔係朋友介紹都幾難發現！佢既裝潢用左大量燈泡，出面仲有露台小花園，情侶或三五知己一起影相留念一流！我最喜歡佢既甜品，勁大份，一份已夠幾個人分享，仲夠靚可以用黎打卡！

經過樓下見到上面裝修幾好，於是試吓我冇搭電梯，沿着扶手電梯上裝修好靚，打卡一流，都係一個不錯的體驗😄😄😄😄😄食物都很好食👍👍點左兩個甜品，賣相非常靚，疏乎厘好鬆軟，多士連埋抹茶朱古力醬一齊食，真係好正！鍾意食甜品的朋友一定要試吓，冇介紹錯🤗🤗🤗🤗🤗

成班朋友想敘舊，於是想起呢間餐廳，夠晒闊落，一班人傾偈食飯打卡啱晒😊😊- 軟殼蟹意粉軟殼蟹好好味，外脆內軟，炸槳唔會太厚，又唔會炸過火，正！- 腸仔芝士焗肉醬意粉鍾意食芝士嘅人應該好開心😃- 羅勒醬海鮮炒飯啲飯分開一粒一粒，好煙韌，炒得好靚，用羅勒醬炒味道唔錯👍🏻👍🏻- 士多啤梨疏乎厘睇相以為好細件，點知上碟好大個疏乎厘，人生未見過咁大，但超級好食，裏面好鬆軟，配埋士多啤梨醬非常夾，仲有雪糕，超好食，有幸福的感覺😋😋😋- 抹茶巧克力蜜糖吐司真心好食，就算好飽都會想繼續食落去，非常香脆，朱古力醬唔會太甜，好夾🤤🤤🤤- 岩鹽奶蓋抹香綠茶奶蓋鹹鹹地，剛好中和甜品的甜😍😍😍

你到呢間餐廳，感覺就只有：世外桃源！樓下一啲舊樓，冇諗過搭咗lift 上嚟，咁有格調，有好多復古嘅裝飾品，有車有電單車，有好多花草樹木，同埋好靚嘅吊燈！枱都係用木造，好友復古風！

入到 m2 kitchen,環境已經好吸引，到處都係打卡位👍另外，我地叫既野食都好好味特別係扁意粉，好有口感，雜菌味好出同埋個香蕉朱古力窩夫，朱古力味唔太甜，窩夫都好軟熟，太正了！

位於海濤商場3樓（即係高士德m記行前兩條街），樓下有個兒童天地，所以假日特別多小朋友同一家大小，仲有一邊可以包黎聚會或者生日會，所以都幾full，試左假日午餐同平日晚餐，2次都要等位，所以下次最好都是訂定位。一入去超靚呀，因為3樓成層都係cafe範圍，所以感覺好闊落，一d都唔會逼，都唔會太噪仲有兩個露天的地方，好勁～多花花，少女心爆發呀，隨便影一張都變女神啦！有次落雨涼涼地坐埋出去食野都幾正！呢到真心多野食，目測飲品有30幾種，小食也有20種左右，意粉飯都好多架，仲有扒同全日早餐，選擇困難症起碼要揀半個鐘頭😂龍蝦汁海鮮飯番茄味偏重，有淡淡龍蝦味，都幾足料，有一隻蝦同青口，飯入面好多小蝦同魷魚，飯唔會太硬濕濕地，不錯不錯卡邦尼意粉十分Creamy和香濃芝士味，仲有厚厚的煙肉蒜香扇貝菠菜意粉都無creamy的，但扇貝同菠菜老左d炸魚配黑松露薯條炸魚的炸漿整得不錯，黑松露薯條冇咩黑松露未，但驚喜的是薯條似係手切哥種仲要連皮，同埋唔係炸的係焗架～感覺無咁熱氣蜜戀荔枝玫瑰梳打心心眼好靚，入面有一塊塊玫瑰花瓣，好香荔枝味，夏日必飲！藍柑碳酸鈉呢個名都夠晒搞笑，其實就係柑桔梳打，酸酸地，開胃醒神法式

Cafe分左室內同室外，室內用餐區成層好大，室外相信好多人無去過都會見過，掛滿假花🌸🌸燈飾岩曬影打卡相，外面食野吹住風真係幾chill，無見邊款多人推薦必點，靠自己亂咁翻牌寵幸啦。洋腸Pizza 尺寸唔大，兩個人清曬未算飽，內餡芝士同料夠味，邊位烘到幾有咬口，放耐左咬有啲累。檸檬香雞槌 雞槌焗到好香口，吱幾下檸檬汁清下油膩感，值得試下，份量咁偏細，一個人好易ko曬😅可能自己大食。雲石藍莓蛋糕成個焦點放左落隻雲石碟到，連帶件cake一齊升左個level，想做女仔生意真係好易，所謂未嚐其味先賞其貌🤣，平時一般藍莓芝士蛋糕各有各，點單睇中佢夠特別，mix埋有漸變色，cream cheese好濃郁，夾雜啖啖藍莓味同咬到藍莓碎，飯後甜品開心share無咁膩。凍水果茶野食野食出品正常，份量可以再多啲就更好，食完周圍行下影相，幾大幾靚，下午茶時段氣氛相當有feel，推薦影相打卡的cafe🌸。

三樣食品全部吾熱，根本多吾似即煮，太強差人意第一款黑松露牛角，名就幾好聽和吸引，送上來下面重有塊木板墊住，以為好熱，點知食落口，全部係凍既，跟住南瓜湯以為會好些，點知重衰，個碟係有煙，但係啲湯又係暖的，立即叫個侍應來問他，啲湯點解會吾熱，他竟然答我可能釘得吾夠熱，我問你地啲食品吾係煮而係用釘熱嫁，他吾答我就走，總括今天這歺飯，係我食過最差的的一歺

女孩們最鐘意約去cafe吃飯聊是非，就算去到澳門都唔例外。今日朋友就帶左我黎呢間網紅咖啡廳，餐廳有分室內同室外區域。室內全層都係用餐地方，環境好大。而室外就係外面既一個陽台坐吧枱，上面吊上假花同燈飾，坐係度食野傾計都幾寫意嗌左個軟殼蟹煎意大利飯餅，軟殼蟹炸得好香唔太油，飯餅食落幾得意但係有少少乾小食嗌咗個焗肉醬茄子🍆，雖然係小食 但係佢完條茄子上，所以好大份！茄子焗得好香好好味！最後甜品以焦糖香蕉鬆餅作結，鬆餅焗得好鬆脆，好正！佢地每碟份量都不少，兩個女仔食完真係好滿足😋