唐吉柯德

营业中

休息中

上次去澳门已经食过呢间好有特色嘅餐厅，朋友喜欢佢有set lunch ，几好食而且又唔贵。因为唔太清楚佢几时有set食，今次我哋再黎到澳门，决定有set lunch 食就入去。咁啱有set lunch 同上次个餐牌又一样，咁我哋就入去食lu。我哋拣左低温慢煮里脊肉排配煎蛋薯条同墨汁海鲜天使面。首先黎到就系蔬菜汤，佢系西式嘅做法，蔬菜搅碎煮，饮落好creamy。蒜蓉包亦好好味，一睇就知蒜蓉味浓，包亦好脆。低温慢煮里脊肉排配煎蛋薯条见细细旧惊唔够饱，点知又几ok。肉排我哋拣左medium ，唔知系咪太熟？所以有啲un 。墨汁海鲜天使面同上次一样好食，海鲜份量多，天使面好幼，好食！最后有个少少嘅奶冻作结，作为呢餐完美作结。澳门有set嘅餐厅唔多，而佢哋每个set都唔过百，真系好扺。