葡景軒

营业中

休息中

好耐都冇去过澳门，难得今日有外国朋友嚟，我哋就约埋一齐去一转快闪澳门，上网做吓功课之后就发现有间小众嘅餐厅好似几正咁样，就预早订好位，食完之后真系觉得要推介俾大家。首先呢度嘅装修真系好cozy，门面已经好有葡国风情，用上最靓嘅白色同蓝色配搭，打卡一流。餐厅入边有少少怀旧式，店员亦都好友善，真系一餐好好嘅体验。食物我觉得个酥皮蘑菇忌廉汤真系一流，印象中应该系我食过最好食嘅酥皮汤，酥皮真系超酥脆，个汤亦都好够热，但系啲蒸气完全唔会令到块酥皮变腍，蘑菇汤亦都好creamy。葡式烤鳕鱼系朋友话点嘅，本身我都惊会有腥味，点知又冇㖞，反而烤得外皮香脆，入面就啖啖肉。综合葡式小食拼盘种类都好，两个人食真系会好饱，但系由于味道太好食，所以我哋都清咗货。葡式海鲜饭就系经典必点㗎啦，呢度嘅海鲜份量绝对唔少，而且好新鲜，加埋饭嘅软硬度刚刚好，好食好食！甜品就要左葡式经典木糠蛋糕。甜而不腻，系一个完美嘅结尾。